منتديات الزجل اللبناني الشاعر: عمار البراضعي

أهلا وسهلا بزائرنا الكريم
عليك بالتسجيل لكي ترى كافة المواضيع المخفية
=====================
الزائر رحبنـا برسمــــو = وع التسجيل دعينا يفوت
وغير اللي مسجّل إسمو = عنو منخفي يقـــرا بيوت
=====================


كامل النقص

اذهب الى الأسفل

كامل النقص

مُساهمة من طرف 7arf في 7/14/2013, 2:00 pm

كامل النقص
=======
كانوا يقولوا كامل النقص الكبــــــــير
في ضيعتي كمّل النقص اللي نقـــص
تولّى زمام أمور هالشعب الفقــــيــــر
بدفع الرشاوي الراقص بنصرو رقص
قامو الطفالى يفوّعوا وكر دبـــــابيــر
فاعوا على أعمال والحق ارتقـــــص
وصار الكبير يشوف ويقول الزغيـــر
نشالله ياربـــــــي كل مأذي بهالبـــلاد
بمعقوص دبور العدالة ينعـــــــقــــص
===================
ياويلي وياميماتي وبلا شماتي
هههههههههههههههههههههههه



عرفت الحياة بتجربة وكُبـــــر الجراح ... فيها فشل فيها أمل فيــــها نجاح

وطقم السعــــادة اللي عقِل مابيخلـــعو ... لولا استفاد من الخطأ بعد الكفاح

============================
avatar
7arf
admin

عدد الرسائل : 1125
العمر : 50
تاريخ التسجيل : 01/11/2006

الرجوع الى أعلى الصفحة اذهب الى الأسفل

رد: كامل النقص

مُساهمة من طرف 7arf في 7/14/2013, 2:02 pm

تدخل الشاعر سليمان طراد بنفس الوقت كان الحوار مفتوح مع صراحة اسمر

ألشاعر سليمان طراد المخطي انت يا اسمر الصوّتت
وفرصة عليه المدعي فوتت
تا صار يعمل متل ما بدو
والشعب بالحيطان عامل باب
انتي المخطي ها الشعب فوتت
ههههههههههههه
‏الجمعت‏، الساعة ‏10:40 مساءً‏ · إلغاء إعجابي · 4
Elhazamr Sugar هههههههههههههههه
يادمعتي حاجي الدمع فيظة
مابنتخب شبان هالغيضة
يمين مالك سدّق عليي
كل عمري حامل وصية
ما حط إلا ورقةّ البيضة
‏الجمعت‏، الساعة ‏10:44 مساءً‏ · أعجبني · 3
ألشاعر سليمان طراد لا تجادل عرفنا انتخبتو وحاج حاج
تمرّق علينا كذبتك ما في علاج
نحنا بحور الصدق ما عطينا حدا
اصوات ..حتى يعكروا بضيعة المزاج
‏الجمعت‏، الساعة ‏10:47 مساءً‏ · تم تعديل · إلغاء إعجابي · 3
Elhazamr Sugar هههههههههه
انتــــــوا عطيتوا الحقد حوّات الغرف
وثوب الخياني بتلبسوا بدل الشرف
ونحنا عطينا وعد قاطع للوطـــــــن
وبوراق لون الثلج فيها مننعـــــــرف
‏الجمعت‏، الساعة ‏10:51 مساءً‏ · أعجبني · 3
ألشاعر سليمان طراد نحنا عطينا دم تا اسقينا التراب
ورحن زرعنا حالنا بالأغتراب
وانتو بقيتو تهبّطوا سطوح الوطن
وعا كل مدخل بيت حطيتو غراب
ههههههههه
‏الجمعت‏، الساعة ‏10:53 مساءً‏ · إلغاء إعجابي · 3
Elhazamr Sugar ههههههههههههه
نحنا حماة بلادنا الصنا لحــــــدود
الثغرات نحنا غيرنا ملها أســــــود
حمينا تراب بلاد اســــــتقــــــلانا
وانتوا اللي بعتوها بمصاري لليهود
‏الجمعت‏، الساعة ‏10:56 مساءً‏ · أعجبني · 3
ألشاعر سليمان طراد نحنا ما بعنا ولا قبضنا بشلكي
وانتوا اللي عشتو الزل افهم يا زكي
نحنا دفعنا دم تا يبقا الوطن
وانتوا هربتو زحف قبل المعركة
هههههههههه
‏الجمعت‏، الساعة ‏10:58 مساءً‏ · تم تعديل · إلغاء إعجابي · 3
Elhazamr Sugar ههههههههههههههههههه
إسال فرنسا انضب أو إقرا منيـــــح
بتعرف أساسك من وين تاتسريـــح
شو دفعت دم وانت برّات الوطـــــن
ونحنا الأساس بهالوطن أوعى تزيح
‏الجمعت‏، الساعة ‏11:03 مساءً‏ · أعجبني · 3
ألشاعر سليمان طراد انتوا اساس..حرام تشلح ها الكلام
وناسي النسر ما بيحرجو طير الحمام
نحنا تركنا بلادنا بعد الحروب
الفيها قمت وقتلت خيّك يا غلام
‏الجمعت‏، الساعة ‏11:05 مساءً‏ · أعجبني · 1
Elhazamr Sugar ههههههههههه
يامزّور الـتاريخ ومشــــــــوه قلام
بلبنان ماتحكي وانت بعدك غلام
لوما من بشـامون ع الوادي إجوا
بعدو وطن لليوم ع الدنيا السلام
أمس في الساعة ‏12:11 صباحاً‏ · تم تعديل · أعجبني · 3
ألشاعر سليمان طراد انت الحبست الروح ونقلت الجسد
وضليت ميّت خوف من صوت الاسد
بحر الزجل بيموت تا يعيش الزجل
وبتموت انتي حقد من كتر الحسد
‏الجمعت‏، الساعة ‏11:11 مساءً‏ · أعجبني · 3
ألشاعر سليمان طراد ههههههههههه
‏الجمعت‏، الساعة ‏11:11 مساءً‏ · أعجبني · 2
Elhazamr Sugar هههههههههههه
نحنا صوات الزمجرة بصوت الأســـــد
منغفى ورد منفيق بيقدي حســـــد
لكن انت لومتت نبتي رح تعــــــــــود
بتموت فيك الروح وبيفنى الجســــد
‏الجمعت‏، الساعة ‏11:16 مساءً‏ · أعجبني · 4
ألشاعر سليمان طراد امتين بدكن يا طفالى تكبروا
وعا ربكن بالشعر لا تتجبروا
شلشل العريشي بتقتلو كلما انّقل
وتا تعيّشو بالأرض لازم تقبرو
‏الجمعت‏، الساعة ‏11:19 مساءً‏ · أعجبني · 3
ألشاعر سليمان طراد ههههههههههههه
‏الجمعت‏، الساعة ‏11:19 مساءً‏ · أعجبني · 1
Elhazamr Sugar ههههههههههه
صفيت شوفك شلش قرّب لاتخاف
عوسج ملان نجيل قابل للجفــــاف
بتكبر ع ربك بالدني رأيك إلــــــــك
وع رب ربك بالشعر حدك وقــــاف
‏الجمعت‏، الساعة ‏11:23 مساءً‏ · أعجبني · 4
ألشاعر سليمان طراد يا اسمر لا بقا تعكر سمايي
وعارف موجتي عا الشط جايي
عا ربّك لا بقا تألف قصايد
لأنو البحر ربك بالنهايي

انا بحر القصايد والمكايد
زرعت الأزرق اللونو سماوي
جماجم شعر في عندي عوايد
ما ارحم بالزجل حتى ضنايي

انا عا النت بالأفكار قايد
وبطق الزلم في عندي هوايي
وتا اقصف رقبتك ما كنت رايد
لأني بحبّك وانتي رجايي

لكن بعد ما صفيّت كايد
شعرا نت مش من مستوايي
قلت اسمر اكيد اليوم زايد
وزن عنهن .ما بعرف ليش قلبي
هتفلك لم كنت ماشي ورايي

ههههههههههه
شباب هي ارتجالي 100 بال100
‏الجمعت‏، الساعة ‏11:34 مساءً‏ · أعجبني · 2
Haifa Andari Zaidan يا سلاااااااااااااااااام عليكن ما احلاكن
‏الجمعت‏، الساعة ‏11:42 مساءً‏ · أعجبني · 3
Elhazamr Sugar ههههههههههه
استحي يامهيّر قبالي قصايد
صارلك عمر ع ذات العــــــوايد
بتحضّر إلي شعر المعــــــنى
وقصيدة تختم عليها بمكايـــد...مشاهدة المزيد
‏الجمعت‏، الساعة ‏11:50 مساءً‏ · تم تعديل · أعجبني · 4
Shaaer Moghtarib يا أسمر يسلم تمك
أمس في الساعة ‏12:09 صباحاً‏ · إلغاء إعجابي · 2


عرفت الحياة بتجربة وكُبـــــر الجراح ... فيها فشل فيها أمل فيــــها نجاح

وطقم السعــــادة اللي عقِل مابيخلـــعو ... لولا استفاد من الخطأ بعد الكفاح

============================
avatar
7arf
admin

عدد الرسائل : 1125
العمر : 50
تاريخ التسجيل : 01/11/2006

الرجوع الى أعلى الصفحة اذهب الى الأسفل

الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى