منتديات الزجل اللبناني الشاعر: عمار البراضعي

أهلا وسهلا بزائرنا الكريم
عليك بالتسجيل لكي ترى كافة المواضيع المخفية
=====================
الزائر رحبنـا برسمــــو = وع التسجيل دعينا يفوت
وغير اللي مسجّل إسمو = عنو منخفي يقـــرا بيوت
=====================


لص قصداني

اذهب الى الأسفل

لص قصداني

مُساهمة من طرف 7arf في 7/28/2013, 2:28 pm


ما أحتلك يالص قصــــــــــداني
الجاني تعبنا ع النفس جـــاني
مابيبخلوا لو تطلب الشعـّــــــار
بيهدوك كانوا الشعر مجــّـــاني

ومن دولةّ الكلمي البدون حجار
حروف وبلاغة بيوت عمرانــي
بتفوت تقرا بعينك المنشـــــــار
وعين الضمير الفيك غفيـــانـي

بتسرق لهيفا وياسر الحجّــــار
وللأسمر وسلّو السليمـــانـي
ما انعاقبك بالمحكمة عمــــــار
حق النشر محفوظ لبنــــــانـي

القانون مابيعزف بلا أوتـــــــار
ولامغفّل بيحمي بأوطـــــانـي
والإرتكاز بنقطةّ البيـكـــــــــار
ركّز تاإطفي نـــــــار شعلانـي

الجلاد مابيصير موسيـــــــقـار
مخلوق مش خلقان وجـدانـي
واللي لغيرو بيسرق الأفكــــار
موفّي ضميرو وذمتو بتنبـــاع
وسراق مالو حس إنســـانــي

=================


عرفت الحياة بتجربة وكُبـــــر الجراح ... فيها فشل فيها أمل فيــــها نجاح

وطقم السعــــادة اللي عقِل مابيخلـــعو ... لولا استفاد من الخطأ بعد الكفاح

============================
avatar
7arf
admin

عدد الرسائل : 1125
العمر : 50
تاريخ التسجيل : 01/11/2006

الرجوع الى أعلى الصفحة اذهب الى الأسفل

رد: لص قصداني

مُساهمة من طرف 7arf في 7/28/2013, 2:29 pm

المغترب رد على الاسمر
حتى للاموات عن يسرقو
..................................

حطيت مرة .........اجر بالمريخ
والثانية ........ عاكوكب الزهرة
طلعو حروفي.... قنابل صواريخ
صوب القمر.... كملت بالسهرة

صوب القمر ....كملت عامهلي
بسمع حكي ...مبين بيندهلي
اموات هني بس... مش سهلة
اصواتهم جمعتها .........بوهرة

اصواتهم جمعتها........ تجميع
وعربتها ....... احلا مافيها ضيع
ورجعت حللها .... بعد تسميع
فيها ضجيج .... صوات منقهرة

فيها ضجيج ......صوات مقهورة
من شاعرية ...... بفن مغمورة
عم يسرقو من شعرها الصورة
تايسابقو بملعب فكر... لخيول
بعرجة مافيها تسابق... لمهرة


عرفت الحياة بتجربة وكُبـــــر الجراح ... فيها فشل فيها أمل فيــــها نجاح

وطقم السعــــادة اللي عقِل مابيخلـــعو ... لولا استفاد من الخطأ بعد الكفاح

============================
avatar
7arf
admin

عدد الرسائل : 1125
العمر : 50
تاريخ التسجيل : 01/11/2006

الرجوع الى أعلى الصفحة اذهب الى الأسفل

الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى