منتديات الزجل اللبناني الشاعر: عمار البراضعي

أهلا وسهلا بزائرنا الكريم
عليك بالتسجيل لكي ترى كافة المواضيع المخفية
=====================
الزائر رحبنـا برسمــــو = وع التسجيل دعينا يفوت
وغير اللي مسجّل إسمو = عنو منخفي يقـــرا بيوت
=====================


ماتهرب يا ابو شربل

اذهب الى الأسفل

ماتهرب يا ابو شربل

مُساهمة من طرف عمار البراضعي في 8/10/2013, 8:02 pm

ماتهرب يا ابو شربل
===========
الله خلقني للخبـــــــــر والمبـــتدى
وفيي الزجل من أول سنيني ابـتدا
جبلةّ مشاعر للتقى نهجي اهتـــدى
ومرجع لأهل الذوق عنوان الهدى
مابعتدي ولكن إذا عليي اعتـــــدا
مابرحم جيوش وجحافل مع عـدا
ولما النقط فوق الحروف بحطها
بالشـــــعر كلو مابيرهبني حـــدا
===============

ألشاعر سليمان طراد
يا واقف بوج الضمير العالمي
لقيتك غريب وما بتشبه عالمي
كل الوحوه البثقافة عالمي
بتحلم ببحري تكتشفلي معالمي
بعدا العصاية بالجناب معلّمي
وجايي تهاجم بحر نفسك عالمي
الهجموا عا بحر الفن ماتوا من الفزع
=====================
الشاعر عمار البراضعي اعتذر احسنك
========
يابحر نشّف ماشفت منك نوا
ملوّفك ملوّعب مابتمشي عاسوى
جيوش البحلمك شفتها نفخةّ هوا
طلت بيقظة تحجّمك شد القوا
ولا تفتخر بالغدر أو ترفع لوا
مهما عنيد تكون في عندي دوا
راسك مع الشمّام ذات المستوى
وذات العلو اللب فيهم ما استوا
يعني اللي بطيختن حمل بفرد إيد
رح يكسر البطيخ والقرعة سوا
================

ألشاعر سليمان طراد
ما زال يلّي خنت لسّا ما اتصل
ما بعترف حتى تا اعرف شو حصل
يمكن بعد ما كنت استعمل نصل
واللي انقطع مفروض يرجع ينوصل
الأسمر اجاني مأخر بسرعة وصل
وشعرو حلقتو وما تركتلو خصل
وبطيّختي الفيها الزكا وبزر الوفا
ما بتقبلك عا النت يا قشرة بصل
منذ ‏13‏ ساعة · أعجبني
جيوش اللي هربت خوف رجعت سالمي
=====================

الشاعر عمار البراضعي ..
قشر البصل خلا عيونك يدمعوا
وذينيك سدوا بعملتك مابيسمعوا
وعمار لما الشعر شيّد موقعو
بصموا إلو ملوك القوافي ووقعوا
كثر الغدر بفخوخ مهما وقعو
منو طلع روس الافاعي مقطّعو
وكل شي بنا ومدماك مجدك يشقعو
إلاّ الغدر منك ماعمرو اتوقعو
ان صفا الجرح أكبر من الرقعة معك
مافيك برموش العيون اترقـّعو
================

ألشاعر سليمان طراد
زندك قبل ما يقيم ها القيمة انمزق
وفرطتت متل البوسطة وحلّوا العزق
الأسمر كتب عا حيط اشعارو ولزق
والله دخيلو من الوحي بحري ارتزق
في شخص بيقلّك بوجو لو انبزق
جايي الشتي بكير والخالق رزق
وفي جرح كلما تقطبو برمش العيون
بيختوم بخيط الحب حتى ولو انخزق
باي بحبكن
==================

الشاعر عمار البراضعي .
الشعرو على الأمجاد عالي ومنبني
غير اللي شعرو معوّدو ع الخيخني
تأدب بحكيك قبل نطق الألسنة
وفكّر بمجدك ليش عندي بينحني
بدك ع قدك رد ؟ شغلة هينة
وصعبة الفصاحة بكل ردة مزينة
تعلّم يابو شربل عا مر الأزمني
كيف الصداقة بهالحياة بتنبني
الأرقى من الضو الحقيقي بهالدني
رفيق الحميم بدون ضربة مطعنة
بساعةّ الصفر بتقشعو ان حل الظلام
ضوّا القلب بالسدق والنور السني
=================
وليش هربت ؟ وبدون إعتذار؟؟؟






----------------------------------------------
" كرمالكم ع النت تابعــنـــــــا = نسقي القوافي من منابعنا "
" بوجودكم معنا امتلت بالذوق  = ومندونكم مافي لها معـنا "
----------------------------------------------
avatar
عمار البراضعي
المدير العام

عدد الرسائل : 1125
العمر : 51
Localisation : لبنان - ضهر الاحمر
تاريخ التسجيل : 22/01/2007

http://7arf.editboard.com

الرجوع الى أعلى الصفحة اذهب الى الأسفل

الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى