منتديات الزجل اللبناني الشاعر: عمار البراضعي

أهلا وسهلا بزائرنا الكريم
عليك بالتسجيل لكي ترى كافة المواضيع المخفية
=====================
الزائر رحبنـا برسمــــو = وع التسجيل دعينا يفوت
وغير اللي مسجّل إسمو = عنو منخفي يقـــرا بيوت
=====================


يلا يا عمار

اذهب الى الأسفل

يلا يا عمار

مُساهمة من طرف salomon في 7/10/2007, 12:37 am


تحضر يا خيي بواسامة بالغنا...... .شايف حروب المنتدا اشتاقت لنا

إنت وأنا شعار في عنا جنا.........وعنا بيوت الشعر بمعزة ضنا
أول لقاء ترابك زرعتو بهنا........وزينت صخرالصم بأجمل بنا
صاير حنون كتير ما بحبك أنا......تنسى التحدي والهجا وسيف وقنا
ومن كتر مانك بالعتابا معتني......خايف يا روحي تصير شاعرميجنا

اقصد شاعر حنون وناعم لاشيئ آخر إنتقاص من شعراء العتابا والميجنا


عدل سابقا من قبل salomon في 11/9/2008, 3:35 am عدل 4 مرات
avatar
salomon
عضو مميز
عضو مميز

عدد الرسائل : 1087
تاريخ التسجيل : 23/05/2007

الرجوع الى أعلى الصفحة اذهب الى الأسفل

رد: يلا يا عمار

مُساهمة من طرف عمار البراضعي في 7/10/2007, 1:57 am

وك .... يا هلااااااااااااااااااااااا بالبطل جيتك !!!!!!!!
*****
بنفس القوافي هــــــاجت مواج الغِنــا ... كلما التحدي تشرقط سيوفو لـــنا
شعّار نحنا تنيننا وعا هالـبـِـنــــــــــــا ... تركنا البواب مشرعة لرمح وقنا
بأول تحدي زرعت ع صخورك غنى ... استقبلتك بحب ومودة والهــــــنا
وهلق اذا يا أغبر بوادي مـــــــــــنـا ... بتطل بدي إرجمك رجمةّ عنــــا
وتاخبرك من اقربـــــو فكري اعتنـى ... بنظم العتابا وسكب شعر الميجنا
أحلا ما إبقى متل حـــوك حكايتـــك ... انقل شعر مش كـــــاتبو مني أنا


عدل سابقا من قبل في 7/11/2007, 2:32 am عدل 1 مرات
avatar
عمار البراضعي
المدير العام

عدد الرسائل : 1125
العمر : 51
Localisation : لبنان - ضهر الاحمر
تاريخ التسجيل : 22/01/2007

http://7arf.editboard.com

الرجوع الى أعلى الصفحة اذهب الى الأسفل

رد: يلا يا عمار

مُساهمة من طرف salomon في 7/10/2007, 9:32 am

خليك قاسي متل الله عاعباد***كترت خطايا الناس ما عنا وداد

نحنا بارض الغرب عنا اعتقاد*** انو القساوي فرض ببلاد الجهاد
وكل القسي عاعواطفو بس استفاد***والي اتكل عا العاطفي ما يوم عاد
قضى حياتو متل هاك السندباد***يحرق سنينو من بلاد على بلاد
خليك قاسي عا المنابر بالزجل***متل القسا بالبي تايربي الولاد


عدل سابقا من قبل salomon في 11/9/2008, 3:36 am عدل 2 مرات
avatar
salomon
عضو مميز
عضو مميز

عدد الرسائل : 1087
تاريخ التسجيل : 23/05/2007

الرجوع الى أعلى الصفحة اذهب الى الأسفل

رد: يلا يا عمار

مُساهمة من طرف عمار البراضعي في 7/11/2007, 1:31 am

سليمان ياعايش بأرض الإغــــــتراب ... انشالله بسرعة تعود ومعبّي الجـياب
موفق تعود وثروة الأكبر حســـــــاب ... شربل وأختو تجيب ع أرض الحباب
في ناس عاشوا بالغرب عمرن غراب ... وتركوا البلاد تصير مزعق للغراب
بس الأصيل المتلك بأجر وثـــــــواب ... مابينفزع ع غربتو لو عمر غــــاب
كل الفزع تاتلتقي مع سبع غــــــــاب ... بين الليونة والقسا يزمجر جــــواب
ولوهنت شعر الميجنا وبيت العـــتاب ... بهالمنتدى رح يعتبوا عليك الشــباب
عندي ليونةّ خي قلبو كتــــــــير ذاب ... ناطر بخـيـو يلتقي بعد الغيــــــــاب
وعندي قساوة ســـيف حدو بلا قراب ... بين القسا واللين لا تطوي الكتــاب
ان ماكان في إلهم بعد ثالث خيــــــار ... قيامةّ الشّعر بقيم وبــّجـَـز الرقــاب
avatar
عمار البراضعي
المدير العام

عدد الرسائل : 1125
العمر : 51
Localisation : لبنان - ضهر الاحمر
تاريخ التسجيل : 22/01/2007

http://7arf.editboard.com

الرجوع الى أعلى الصفحة اذهب الى الأسفل

رد: يلا يا عمار

مُساهمة من طرف salomon في 7/11/2007, 9:08 am

سليمان


رح ضل اقس بالغرب متل العقاب***اجمع القرش الأبيض وعبي الجياب
وجود القساوي بالرجل تقدير جاب***وأم الحنوني تغسل وتكوي تياب
شعر العتابا دموع عافراش العذاب***وشعر التحدي بالهجآ ثورة شباب
ولو ما الهجا بيمنتدانا والقسا***لاتظن في أعضاء تعلن إنتساب


عدل سابقا من قبل salomon في 11/9/2008, 3:38 am عدل 2 مرات
avatar
salomon
عضو مميز
عضو مميز

عدد الرسائل : 1087
تاريخ التسجيل : 23/05/2007

الرجوع الى أعلى الصفحة اذهب الى الأسفل

رد: يلا يا عمار

مُساهمة من طرف عمار البراضعي في 7/12/2007, 12:26 am

ياجارح شعور العتابا وجدهـــــا ... والميجنا سـتــّا المافيك تــــحِدها
تاتنهي العركة بمزحا وجدهـــــا ... عركة عتابا صـــــار يمكن بدها
جيتك قلب قاسي عصابك هــدها ... معنى وعتابا المرجلة رح قِدهــا
تاعلمك كيف العتابا وصدهــــــا ... وللميجنا تركـــــــع تبـوّس يدها
الام الحنونة بعطفها وبودِهــــــا ... غلــطة وإهــــانة خادمة تاتعدها
وهالمنتدى الأطيب شبيبة شدهــا ... أقسى عتابا ولين ضعفك ضدها
الطاقة اللي منها ريح فتلك سدها ... بين القسا واللين مني بّـمِدهـــــا
سايرتك برحلةّ الأولى وندهـــــا ... انشالله الثاني رح بتطلع قدهــــا
وعني انقلت كلمة حنون بّعدهــا ... حنّون أول نون منها شِدهـــــــا
منشان روحك تلتزم في حدهــــا ... للي خلقها عن قساوي بردهــــا
قبلت القساوة في البحور وردّهـا ... مِدّك قساوي بجزرها وبمدهــــا
تاحرمك بالشعر ماتطلب قســــا ... ع راسك بيوت التحدي بهدهـــا
************
avatar
عمار البراضعي
المدير العام

عدد الرسائل : 1125
العمر : 51
Localisation : لبنان - ضهر الاحمر
تاريخ التسجيل : 22/01/2007

http://7arf.editboard.com

الرجوع الى أعلى الصفحة اذهب الى الأسفل

رد: يلا يا عمار

مُساهمة من طرف salomon في 7/12/2007, 2:10 am

بين النعومي والقسا شرف نزال***تانشوف يا عمار يا ...ناعم....قبال
ملوك التحدي الواقفي متل الجبال***قديش فيك تضل تحكي بإنفعال
ما في نعومي تفيد مع إرهاب نال***من شعبنا وقضى حياتو إغتيال
ولوما القسا من مقاومتنا بالجنوب***بالورد ما بنتحرر من الإحتلال


عدل سابقا من قبل salomon في 11/9/2008, 3:40 am عدل 2 مرات
avatar
salomon
عضو مميز
عضو مميز

عدد الرسائل : 1087
تاريخ التسجيل : 23/05/2007

الرجوع الى أعلى الصفحة اذهب الى الأسفل

رد: يلا يا عمار

مُساهمة من طرف عمار البراضعي في 7/12/2007, 10:30 pm

مازالك بحكي السياسة بتعتــنــي ... وعندك سلاســة وبالليونة مغـتــنـي
مش حق كل مرة بمزح وولدنــي ... ماتعرف تنقّي وأنــا ماهمــــــــنــــي
حلــوة الحياة مخاصمة ومبينــــي ... مـتـل العتم ماخاصمو الــــنور السني
الأضداد خلـقـت عن قساوي ولينة ... اخترلك شي حصة تكـون متلك هيني
قلتلك قبلت القساوة بهـــــــالدنـــي ... تاهد ع راسك بـيـــــــــوت السلطني
لا نكنت قاسي العز عندك منـبـنـي ... ولا نكنت لين بالليوني بلفـــــتـنـــي
بهالمنتدى رح افحصك عن بيــــنة ... تاشوف شعرك يالليونة شو جنــي
وكيف الحبوب بتنحني للمطحـنــي ... رح تنحـني كلـما قسي طبعي الهنـي
وتبقى متل عِرق الحبق وهوينـــي ... بالسـيـــف جلّخ فيك كل الجعدني
لوما قسا الأستاذ عالطالب دِنــــــي ... لاتعـــــــــلم ولاكان من علمو غِني
ولوما الطالب بالليونة يغــتـــنــــي ... تشـلـّــخ كتــــابو وراح أولت السنة
بحكيك أو بعطــــيك ردة مزينـــــي ... فكرت حالك صرت فـــيــك تهتــني
بدك قساوي ابّولد الشـــــعر الغــني ... عملاق مجدك صار عارف شو بني
بدك طراوي روح من دربـي انفــني ... ع مشـنقة حبــالا طريـة مصـوبني
ورح ضل إقسى كل ما الدنيـا دنـــي ... وعلّم عجيــنك ع قريـص المكنـني
تاتصير شرق شمال مع قبل وجنوب ... تقلي كـفى تقسى ولبطشي تنحـني
****


عدل سابقا من قبل في 7/13/2007, 11:20 am عدل 1 مرات
avatar
عمار البراضعي
المدير العام

عدد الرسائل : 1125
العمر : 51
Localisation : لبنان - ضهر الاحمر
تاريخ التسجيل : 22/01/2007

http://7arf.editboard.com

الرجوع الى أعلى الصفحة اذهب الى الأسفل

رد: يلا يا عمار

مُساهمة من طرف salomon في 7/13/2007, 9:00 am



مازال متحمس لهيك محاورة***بلش اليوم الجدمافي مسايرة
خود القساوي وروح زور المعصرة***وشوف النعومة ببوز كركة مقطرة
الإنسان يا عمارقبل الختيرة***بيحلم ببنت حلال بنعومة مرا


بالطبخ لولا من نعومة طنجرة***ما كنت يا عمار كلت مجدرة
انتا قساوة شفة المشفترة***انتا قساوة لوح خشن بمنشرة
النجار خلى كل لوحة منجرة***ناعم الك تابوت خرج الآخرة
وعندي لييونة جسم أفعة ناعمة***بتلف عنقك متل حية كوبرا


عدل سابقا من قبل salomon في 11/9/2008, 3:42 am عدل 4 مرات
avatar
salomon
عضو مميز
عضو مميز

عدد الرسائل : 1087
تاريخ التسجيل : 23/05/2007

الرجوع الى أعلى الصفحة اذهب الى الأسفل

رد: يلا يا عمار

مُساهمة من طرف عمار البراضعي في 7/13/2007, 10:31 pm

حمِّس نبيذ الشعر وعي لي الخيال ... واركب ع اعلى خيلك قبـــــــــالي نزال
خليك هادي عيب تحكي بإنفـــعـال ... بزندي اليمين بلين زنود الشــمـــــــــــال
ومازال بنعومة رح تجــــابه رجال ... إمشي ورايي وعد شو عندك مجـــــــال
بتحكي بنعومة طنـجرة جايع مازال ... السكين فارملك البصلة بهيك حـــــــــال
وبالمعصرة لومــا القسا عن إعتدال ... ماصار زيتك ناعم وأكـلـــــــــــو حلال
ولوما قسا الرجّال في كبـر لعـمــال ... نعومة مرا ما حصّل وربى عيـــــــال
ولوما العصاية ع جلد طـبل الغزال ... تضرب قســـــــــــا مادردر بشي إحتفال
وافعى اللي عنها قلت كل اللين مال ... ما نـ قسِّـيت على العنق مافي خصم زال
وبكرة على لبنان شّـــــرف عالتلال ... شوف القـســــاوي بأرز صامد عالجبال
وإرجع على الساحل وزور الناعمة ... منــــــــــــــــها النعومة تعلم وفن القتال
...............
avatar
عمار البراضعي
المدير العام

عدد الرسائل : 1125
العمر : 51
Localisation : لبنان - ضهر الاحمر
تاريخ التسجيل : 22/01/2007

http://7arf.editboard.com

الرجوع الى أعلى الصفحة اذهب الى الأسفل

رد: يلا يا عمار

مُساهمة من طرف salomon في 7/14/2007, 10:38 am

وشو نسيت إنو كلنا إم الصبي***بنرفض قساوة شعب عالفتني ربي
إنت قساوة جيش مجرم أجنبي***وسكين غدر وكم ليرة مدهبي
باعو المسيح وبالقدس باعو النبي***وحكامنا بعدن وراهم دبدبي
ولوما العجين يكون لين فوق صاج***ماكنت مرة دقت لقمة طيبي


عدل سابقا من قبل salomon في 11/9/2008, 3:43 am عدل 2 مرات
avatar
salomon
عضو مميز
عضو مميز

عدد الرسائل : 1087
تاريخ التسجيل : 23/05/2007

الرجوع الى أعلى الصفحة اذهب الى الأسفل

رد: يلا يا عمار

مُساهمة من طرف عمار البراضعي في 7/14/2007, 11:24 am

هالمنتدى فتحـــــتو عاشكل المدرسي ... يقسى يخرج من زجلنا هندســـــي
حاجي بطراوة تضل تحكي بهودسي ... مش كل افعى ملايمة للحــــلمسـي
لولا قسا الفران عالعجـــــــــنة نسي ... بتموت جوع بكل حالة مهلوســـي
ولوما قســا الراهب ترك دنيا ورسي ... ماكان يوم بيوصل علل المحبـسـي
ولوما الســـيوف قراب قاسي تكتسي ... بقبضة نعومة مش هجومـا معاكسة
ولوما قسي الجيــش البحالة امترسي ... زادوا عصابات الليونـــة غطرسي
ولوما القساوي بالشبــــيــبة محمسي ... تبقى دروعـــــا من البولاد ملبسي
بين الطفالى أوعصــــــــابة مّلبسي ... مدارة وليونــــــة الفرق حبة ملبسة
لاالجيش رح بــيرد أرض مقدســــي ... ولا في قســـــاوي عاجماعة مدنسي
والجيش متلو بجد صــايبني مـعـــك ... من الخوف إقسا عليك ويقولوا قسي
..............


عدل سابقا من قبل في 7/14/2007, 10:59 pm عدل 1 مرات
avatar
عمار البراضعي
المدير العام

عدد الرسائل : 1125
العمر : 51
Localisation : لبنان - ضهر الاحمر
تاريخ التسجيل : 22/01/2007

http://7arf.editboard.com

الرجوع الى أعلى الصفحة اذهب الى الأسفل

رد: يلا يا عمار

مُساهمة من طرف salomon في 7/14/2007, 7:48 pm

شو باك يا فران..... مين بيشـتري *** ان ما كان خبزك ليين وبعـــدو طري
ان ضليّت قاسي بالقصيد المنبري***بخليّك مسخرة الشباب بمنبري
وبتشوف راسك صار عند خواصري***ليين متل زنار رابط دايري
بدك شـــــــــي قتلي بخيزراني ليني***وقشاط لين عــــــــــــا جنابك يهتري


عدل سابقا من قبل salomon في 11/9/2008, 3:44 am عدل 3 مرات
avatar
salomon
عضو مميز
عضو مميز

عدد الرسائل : 1087
تاريخ التسجيل : 23/05/2007

الرجوع الى أعلى الصفحة اذهب الى الأسفل

رد: يلا يا عمار

مُساهمة من طرف عمار البراضعي في 7/14/2007, 10:19 pm

سليمان لاتنغّر فيك الضعف جـــــــار ... تاتلين كلما بو أسامة عليك جـــــــار
الهيئة الليونة مضيعة فيك الفكـــــــار ... ولا فيك خلّت من كــارات الشعر كار
يــــــــــــــاغيم ضلك ليين بأبعد مدار ... موتآر شعرك من قســا جليدي مــادار
ومازال صوب العنترية البـــحث دار ... عنتر عماري شــــيـّـــد من الدار دار
هيّر قشاط وخزيرانة بإختصـــــــــار ... وبحمل بإيدي سيف حتى تشوف صار
شالح البدلة العسكري وعالحرب غار ... حــــــامل سلاحو متوجو بإكليل غـار
إكتب قصايد لينة فيها خبـــــــــــــــار ... عزمك نهار وعن قســــــا آخر نهار
جبلك بدل سيفي عصاية قـــــــــاسية ... بضربة ع راسك وحدها بتنهي الحوار
*****
avatar
عمار البراضعي
المدير العام

عدد الرسائل : 1125
العمر : 51
Localisation : لبنان - ضهر الاحمر
تاريخ التسجيل : 22/01/2007

http://7arf.editboard.com

الرجوع الى أعلى الصفحة اذهب الى الأسفل

رد: يلا يا عمار

مُساهمة من طرف salomon في 7/16/2007, 2:43 am

سليمان قصيد
يا قاسي روق حاجي عنجهيي***استحي عادمك وانهي القضيي
انا لييين متل ريشي عادفتر***عاقلب المنتداجايي هديي

انا عندي الليوني خط احمر***واحد خطّها من أصل ميي
انا ليونة الموجي ببحر همدر***وما فيك تشك موجاتي قويي

واذا بتكون قاسي متل عنتر***انا عبلة ليوني ومعنويي
انا لسان الليوني ب تم عبر***انالييونة الشفي المستحيي

انت قاسي متل عبد المشفتر***الملك كافور كاتبلك وصيي
وانا ليونة ابو الطيب الأشعر***ال كتب ابيات بكريي غنيي

أنا متل الطحين بقيت مصدر***انعجنت بلكن لتوني بميي
عا وج الصاج وجي ما تغير*** احترقت وصرت ليين يا بنيي

أنا ليين متل خبز المقمر***زنود الأم هلتني شويي
وإنت قاسي قساوة قلب حجر***ما عندك عاطفي ولا طيب نيي

انا ليين متل نعنع وزعتر***ما فيك تدوق لقمتنا الشهيي
لحتا تجيب شقفة خبز تفطر***وبشفي لييني ت شرب الميي

أنا ليين متل موز المقشر***أكلني الطفل صحن مهلبيي
وإنت قاسي متل لوز المكسر***جبت شاكوش كسرتك بديي

إنت بللان قاسي بشوك ازغر***خلقت بالكون مبني عالأذيي
وأنا الجوري أنا الورد المعطر***شلحني النوم عا صدر الصبيي

إنت مسوؤل عن إرهاب فجر***وطننا وعكر العيشي الهنيي
إنت قاسي متل حبة السكر***نزلت عالمي عن بتدوب فيي

انا عطف المسيح الراح بشر***وفتح درب الدياني العيسويي
وانت يوضاس تاني وصرت اخطر***من. العملوا حروب العالميي

الليوني ياعيوني أم تسهر***عاراحة ابنها الصبح وعشيي
الليوني غصن يشرب غصن يسكر***الليوني غيوم دمعتها سخيي

وحنان الأم يا جاحد تزكر***يا ناكر فضل أمك مين هيي
بحنانا صرت يا عمار تكبر***وحنان الأم نعمة مش خطيي

انت حبة بغصن يابس مختير***بقلب لمنتدا مأخر خطيي
نطرتك تستوي تاتصير أصفر***تاأقدر دوق تمرة مستويي

لقيتك عا الشمس مهري مفوخر***القسا خلاك حبة مهتريي
انت قاسي قساوة غدر خنجر***ومدافع سامي وشقفة شظيي

قلت انو القساوي بأرز أخضر***صحيح وبس ناسي الأفضليي
وخلود الأرز مش معقول يزكر***إذا ما بتزكر النسمة الطريي

القساوي زل دقناها بمهجر***القساوة نار حمرا جهنميي
وقعدة مصطبة ونسمة صنوبر***بتسوى كل أمريكا وجوارا
وقساوة بوش مع ريس الشقيي


عدل سابقا من قبل salomon في 11/9/2008, 3:47 am عدل 3 مرات
avatar
salomon
عضو مميز
عضو مميز

عدد الرسائل : 1087
تاريخ التسجيل : 23/05/2007

الرجوع الى أعلى الصفحة اذهب الى الأسفل

رد: يلا يا عمار

مُساهمة من طرف عمار البراضعي في 7/16/2007, 3:43 am

طلبوني ياقــــــــوافي بتوجدوني ... واذا بقسى مــابدي تواخــــذوني
تركوني ضل عايش عالقســــاوة ... مالين بأرض أو ردلا السـخوني
ياحاسب سفرتك اكـــــلت حلاوي ... ضميرك لان لاتهين الهنـــــوني
ان لنت بالغرب لاتفـتح عـــداوي ... قلن عـــــــابلادي رجـــــــعوني
أنا بهدي العجيـــــنـة عالطراوي ... النسر بهديه يشــفــق عالسنـوني
علمت السبع يحــــــــكي بهداوي ... وعلمت الحمل قســــوة ظـنوني
وانت ياليـّــَن قبـــــــــال البلاوي ... صــــاروا بيعرفوك ويعرفــوني
قسا الأستــــاذ ع موسى بذكــاوي ... بــــطرد من المدارس ذكـروني
عطاه زميل قاسي النحت حــاوي ... وصرخ قصرو بقساوة عمروني
الفرق بـيـني وبينك صار غــاوي ... متل فرق القســـاوي واللــيوني
الليونـــــة قبال مستعمر وطـاوي ... القساوة مقاومـة رجالا حمــوني
الليونـــــة بالنفس جوعةّ دنــاوي ... وقساها عــــــــز منو شبــعوني
الليونـــــــة بالـمـرا بإنسان ناوي ... يذلل عندهـــــــا بلا تفضــحوني
الليونــة مســـخرة بدين السماوي ... بدون حساب قــاسي تحــاسبوني
القــــسا مشعال سكةّ نور ضاوي ... تاتفلح ارضـــك وتعطــيك موني
القسـا بالطقس كل الارض راوي ... بـيـفــــجر ينــــــابيــع الســقوني
القسـا بـالزفت فوق الدرب هاوي ... علـــــيه تـمـــــر حلوة ياعـيوني
القســـــــا بلفأس والبلطة يساوي ... حطب تـــايقــطّع لناري وأتـوني
انا الســيــف وانا الارزة مخاوي ... قسا عنــــــاد الطبيعة بحد نـوني
انــا الــبـي القسي بمربى النقاوي ... قسا التربى عطى ولاد الحنـوني
انـــــــــا قلام الاديب وكل راوي ... قسي راسي على اللي بيجهلوني
انـــــــــا للشعر دكتورو المداوي ... انا ربـــــــــو انا المتلك باعوني
انــــــــــا للبحر عاطيه العطاوي ... المـوج علمت يقسى بشط جوني
وانـــــــت شو انت يا لين ولاوي ... ولومـــــــا بخـاف فيك يعيروني
بحـص ببعتلك لـجـــــوا الكلاوي ... تاتقلي قسـايــــــــــا بيوجـعــوني
اذا بقــــــــسى عليك برعد داوي ... استنجد رايس مع بوش المحارب
بليونة عينك ومخرز فنوني
********
تحياتي وانشالله يكون عجبكم الموضوع ياشباب !!!!!
avatar
عمار البراضعي
المدير العام

عدد الرسائل : 1125
العمر : 51
Localisation : لبنان - ضهر الاحمر
تاريخ التسجيل : 22/01/2007

http://7arf.editboard.com

الرجوع الى أعلى الصفحة اذهب الى الأسفل

رد: يلا يا عمار

مُساهمة من طرف salomon في 5/20/2012, 9:37 am

لله ختامك يا عمار حلو ايام كنا نخرطش لا تلومنا
avatar
salomon
عضو مميز
عضو مميز

عدد الرسائل : 1087
تاريخ التسجيل : 23/05/2007

الرجوع الى أعلى الصفحة اذهب الى الأسفل

رد: يلا يا عمار

مُساهمة من طرف عمار البراضعي في 5/20/2012, 4:37 pm

هاهاهاهاهاهاها لك يسلملي ربك ورب خرطشتك بتعرف شو أحلا شي ؟
إنك كيف بتنبش وبتلاقي هيك خرطشات من عام 2007 ماعدت شفتها
وبشكرك لأنك ذكرتني فيها



----------------------------------------------
" كرمالكم ع النت تابعــنـــــــا = نسقي القوافي من منابعنا "
" بوجودكم معنا امتلت بالذوق  = ومندونكم مافي لها معـنا "
----------------------------------------------
avatar
عمار البراضعي
المدير العام

عدد الرسائل : 1125
العمر : 51
Localisation : لبنان - ضهر الاحمر
تاريخ التسجيل : 22/01/2007

http://7arf.editboard.com

الرجوع الى أعلى الصفحة اذهب الى الأسفل

الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى