إنتخا بات المتن ---والدمقراطية الجدية...

إلي إيام عن ألعن فراقي***دبحني الشوق واصفرت وراقي
تركت المنتدا مدة قصيري***المرض والشغل عكرلي رواقي

عرفت حرية الشاعر جزيري***وبحر اسرار جدد إشتياقي
إمي مرضت وبنتي الزغيري***ووقت للمنتدا ما كان باقي

سمعت اخبار موطنا المثيري***وديوك البيسياسي عم تقاقي
عا تلفزيون كل حاكم عشيري***بيقول اليوم رح أعلن وفاقي

راحوا تاجروا بدم الحريري***ومنعوا شعبنا بأ شرف تلاقي
وبدم بيار صار الحقدغيري***وشهيدك يا وطن بالقلب باقي

إنتخاب المتن رح إحكي بضميري***وما بدي الحكم يصدر إستباقي
ياعيب الشوم لو كنا بحظيري***ماكانو عا ملونا بها الطريقة
وبيقولوا بالمتن في شعب راقي

تعا يا منتدا من بعد ربي***نحكم عا المربى والمربي
ما بدنا نرحع لحرب البشاعة***الحرب غدار وقعنا بمغبي

إلي إايام بلمح عا الإزاعة***تسابق بالشتيمي وبالمسبي
مرشح قال ربحوعن قناعة***وتحت الطاولة وراقو مخبي

جماعة زاحفي تقدم الطاعة ***وزنود مشمرة مشاكل تلبي
ومرشح قال برضى و بشجاعة***وأكيد من النصر ...؛عررض القبي

وإذامن الجسم مفقودة المناعة ***المرض بيدب بالأعضاء دبي
ما نحنا ولاد الله يا جماعة***الحقد بيدمر بيوت الكريمي
المحبة وحدها بتطعم محبة


أنا قررت إنزل بنيابي***عن الترشحوا وسانن نيابي
عملولي لحملتي طني ورني***دفعواالإعلان .....بكرى عا حسابي

أناالربحان جيبولي مغني***احجزولي محل دقيق الربابي
ولولا خسرت ما بخسر الجنه ***الملاك البسما شيطان رابي

سأ لو عمار و ابراهيم عني***ما بصدق يوم كلمة مع صحابي
بربح بالشهر مليون مني***ومني بتاخدواوعد بغيابي

أنا مع إخوتي بحب التجني***إلاهي ا لقرش ملكوتي جيابي
وإذابيطلب وظيفي شخص مني***الوظيفي حق لكن بالقرابي

وراقو بضبها وبحط إني***وكلمة طل بكرى الإستجابي
وما بخدم شخص حتى يصيرمني***وست سنين يعلن إنتخابي

أنا طمعان إخدمكن وهني***الزعامة وارتينا يا حبابي
أنا منشان إوصل بعت فني***أن كرما لكن بخسر شبايي

أنا ترشحت عا المقعد لأني***شفت الكنفشي فيها إهابي
أنا مثقف و بقرا عن تأ ني***لعلي با با ما بقراللفرابي

أنا إبن الحقيقة بالتبني***العدالة ظلم والقانون غابي
وقبل ما تصوتوا عندي تمني***بدي عن قناعة تصوتولي
أنا قررت أنزل عا النيابي