منتديات الزجل اللبناني الشاعر: عمار البراضعي

أهلا وسهلا بزائرنا الكريم
عليك بالتسجيل لكي ترى كافة المواضيع المخفية
=====================
الزائر رحبنـا برسمــــو = وع التسجيل دعينا يفوت
وغير اللي مسجّل إسمو = عنو منخفي يقـــرا بيوت
=====================


هجوم على ابو شوقي

اذهب الى الأسفل

هجوم على ابو شوقي

مُساهمة من طرف شكيب جابر في 8/13/2007, 1:46 am

يلا من أولها يا أبو شوقي لأنك هاجمتني بالموقع قبلت التحدي وجيتك على المنتدى
كلما يابو شوقي حزقت حزقـــة ... براسك عم تخــــــزق ألف خزقة
برنش الشعر مهما كنت قــاسي ... بفك مفــاصــــلك عـــزقة وعزقة
أنا غلطت اللي إعطيتك حماسي ... وعطيــــــتك عن البيدر كـم نزقة
رجعت عن بيدري كلـك نجاسي ... وع راسك لابس من الشعر لزقـة
وقدر مالعالم بشعرك تــــواسي ... والله يعينهم ع هيك رزقــــــــــــة
لأنو بالشعر مـــــالك قداســـــي ... ومتل مابيرجموا الشيطان بـكرة
بدهم يرجموك بألف بزقة

شكيب جابر
عضو

عدد الرسائل : 10
العمر : 73
تاريخ التسجيل : 13/08/2007

الرجوع الى أعلى الصفحة اذهب الى الأسفل

رد: هجوم على ابو شوقي

مُساهمة من طرف ابو شوقي في 8/18/2007, 9:20 pm



ياصايد فار شو جابك بدربي ***عماك غرورك تفكر بسلبي
عقاب الجو رح يقبل رهانك***السما بتضيق بمجال المربي
وعليك تعود لماضي زمانك***حفيت النعل تاتمشي بجنبي
العنادل نغمها ماهو ميدانك***لاتحمل اسمها هالدرب صعبي
العنادل نغمها يجمد لسانك***بجرم تزوير راح بتنال تعبي
حامل ملزمي تركها ع شانك*** بقلبك تا تحل بألف رعبي
يا ناشف ريق لاتبهدل سنانك*** بشدي لمهــا وغلبك بعبي
انت بو فار لاتطلق عنانك*** عا جنح عقاب بيطيحك بهبي
ع لونك دوم لاتغير لوانك*** انكر صوت مايشبه لصوتك
نصيحه مبتلي بالدون خبي
***
ياحافظ من زجلنا كم ردي*** وحامل للشتيمه الشعر عدي
الشعر شعار احساس وحقيقه*** ومواسم عزها ملون بوردي
الشعر ببحورها الموجة العميقه***ومعاني للقوافي هيك بدي
براسك صرعة العله الشقيقه***وسهمك طول اصبع ما يودي
وعينك لاصقه منعرف بضيقه***واذانك صمخها مكمخ بسدي
شفافك يابسه بتكفر بريقه*** وسوس سنانك بدلتو بشدي
تاتدخل يوم بنوادي الانيقه***وتعرف موقعك اعرف بسرعا
ع مزبلة المنابر يامصدي
***
ابو شوقي
avatar
ابو شوقي

عدد الرسائل : 96
العمر : 76
تاريخ التسجيل : 03/06/2007

الرجوع الى أعلى الصفحة اذهب الى الأسفل

رد: هجوم على ابو شوقي

مُساهمة من طرف شكيب جابر في 8/29/2007, 12:41 am



بيكفي يا أبو شوقي بيكفــــــــــــــي تحط نحاستك عجنب دفي

أنا ليالي المعنى توّجونـــــــــــــــي بميزان الشعر تارجحت كفة

في ناس كثار صاروا يسألونــــــي وحطولي أبو شوقي بصفي

قلتلون أنا لو تتركــــــــــــونــــــي قبالي نصف ساعة ما بيكفي

من عشرين عام بيعرفونـــــــــــي عمدرستي كنت شعّار لفي

وكنت إن قلت ردي بأرض جوني بوهج شعري ثلج صنين دفي

وأنت وين كنت ما أعطيت موني ولدمع الشعر من عينك تصفي

وأنا بقلن بلا ما يسألونـــــــــــــي ما كنتش شايفك حتى بعيوني

لأنك كنت بعدك بالملفي







وهلق صار في عندك شطــــارة جاوبني بالشعرعهالعبارة

مين الخلِق فجأة وبي مالــــــــــو من إسلام ودروز ونصارة

وكل الناس عرفوا عن جمالــــو وربي في حضن أمو بالمغارة

ردلو لأبو وجدي سؤالــــــــــــو وعموقعنا عطي منك اشارة

ساعتها بيعرف الشاعر مجالو بيصير يعطيك كل جمعة قصيدة تايكشف هالقوافي المستعارة


عن إسمي سئآل النسمة ... بقربلك إسمي ورسمـي

                   في تمثال بخان الشـــــيـخ ... من إسمو بتعرف إسمي
                   
                      *********************

                             أبو وجدي

شكيب جابر
عضو

عدد الرسائل : 10
العمر : 73
تاريخ التسجيل : 13/08/2007

الرجوع الى أعلى الصفحة اذهب الى الأسفل

هجوم مردود

مُساهمة من طرف ابو شوقي في 8/29/2007, 3:03 pm

رد على شكيب
وقف ياريس دف ياشيخ النور * يا تاج غير الزور ما علمنا خبر
انكسر ميزانك لمستو بكفي *كلما ع سيفي مرّ لغلوغك بتر
لاتعمل بهلوان وعرض خفي * درست ياما بمورجي مثلك غبر
ناوي بشفرة البولاد شفي * لعندو لسان الخبث لو الله جبر
لاتحسب عمرك بطولو بيوفي * اجمل عطايا كسبتها مني درر
يا حيف الطفل صورتو بملفي * ولما شبّ علمتو الرمايه
قبالي عاسبع يجول هالارنب؟ عبر
***
عذروني دق جردل باب بيري * جرادي تشن جو عقا ب غاره
عجين فطير يتحدى الخميري * وبيوت العنكبوت تهـد حاره
عليك الحيف ها النظره القصيري * فقير مطنب وعامل شطاره
دروس الكون عاملها سريري * رضعت العلم من طفل المغاره
وعدت تكمل تقرر مصيري * على هالوعد يا شعار طلو
وعد عرقوب مربحكم خساره
***
عابيدر شعرنا ها لنمل ربع* انا رب القوافي بكل مطلع
ياقاصد بالاحاجي تنال مربح *-اذنك للذباب تكش اسمع
بابك للعلوم اليوم افتح * حسابك عالقليلي بس اجمع
صبابه من الشراب, القلب فرفح * وفلذه من الكبد للود تطبع
خصلة شعر لوقلنا يافركح * وصف القطن ؟ قللي يا متلوع
اذا بتجاوب الشعار تربح * وعادرب المغفره والشعر اسعى
تنال البر لا اروع وابدع
***
ابو شوقي
لو تقصدني بفتح باب * قهوي مرا وكاس شراب
لو سألو عني الشعار * مالي الجو بشعر عقاب
[/size][/center]
avatar
ابو شوقي

عدد الرسائل : 96
العمر : 76
تاريخ التسجيل : 03/06/2007

الرجوع الى أعلى الصفحة اذهب الى الأسفل

رد: هجوم على ابو شوقي

مُساهمة من طرف ابو شوقي في 12/23/2008, 1:53 am

ماداموشويعر وجاهل مدامو = اسير الخوف من رهبة مدامو
حليب سباع من شعري مدامو = بجرعه يعود رشدو للصواب
***
الشاعر اللبناني
ابو شوقي
avatar
ابو شوقي

عدد الرسائل : 96
العمر : 76
تاريخ التسجيل : 03/06/2007

الرجوع الى أعلى الصفحة اذهب الى الأسفل

الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى