منتديات الزجل اللبناني الشاعر: عمار البراضعي

أهلا وسهلا بزائرنا الكريم
عليك بالتسجيل لكي ترى كافة المواضيع المخفية
=====================
الزائر رحبنـا برسمــــو = وع التسجيل دعينا يفوت
وغير اللي مسجّل إسمو = عنو منخفي يقـــرا بيوت
=====================



انضم إلى المنتدى ، فالأمر سريع وسهل

منتديات الزجل اللبناني الشاعر: عمار البراضعي

أهلا وسهلا بزائرنا الكريم
عليك بالتسجيل لكي ترى كافة المواضيع المخفية
=====================
الزائر رحبنـا برسمــــو = وع التسجيل دعينا يفوت
وغير اللي مسجّل إسمو = عنو منخفي يقـــرا بيوت
=====================

منتديات الزجل اللبناني الشاعر: عمار البراضعي
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.

الأنتخابات الرئاسية في لبنان

5 مشترك

اذهب الى الأسفل

الأنتخابات الرئاسية في لبنان Empty الأنتخابات الرئاسية في لبنان

مُساهمة من طرف محمد أبو حمدان 10/19/2007, 9:52 pm

الأنتخابات الرئاسية في لبنان

عنا بلبنان الحلو خصله
العنقود ننسا ونمسك الخصلي
وبالرئيس اليوم مشغولين
وناسيين المشكل الأصلي
المشكل الأصلي ليش مختلفين
عا سياسة البلغير متصلي
عملو الوطن مسرح المسؤولين
وكل مين بيمثل عالوطن وصله
بدنا رئيس يكون عالي جبين
ويكون لبناني وذهب أصلي
وصار النا بهالتمني سنين
ويا خوفنا من بعد طول صيام
نتسحر ونفطر على بصله

محمد أبو حمدان
تورنتو - كندا
محمد أبو حمدان
محمد أبو حمدان
شاعر

عدد الرسائل : 7
العمر : 58
تاريخ التسجيل : 08/06/2007

الرجوع الى أعلى الصفحة اذهب الى الأسفل

الأنتخابات الرئاسية في لبنان Empty رد: الأنتخابات الرئاسية في لبنان

مُساهمة من طرف عمار البراضعي 10/20/2007, 2:31 am

محمد يابو حمدان مش نحنا
ردنا الحروب وعالبعض نحنى
هني الفينا فرّقوا من زمان
ونحنا غلطتنا نضل مطرحنا
بتمرق سنة منتجمّع وخلان
ومن قبل مانشعر سوا فرحنا
كل فرد بـيـفـتـتـح دكان
وبيعود صوت الحرب يجرحنا
بدنا رئيس يغيّر العدان
ونتفةّ أمن للغد يمنحنا
ويكون مش متعصب الأديان
والحرب يلغي تاينجّحنا
هيذا أملنا ننتقي إنسان
يحكي بيانو ومايشرشحنا
وبراح كفو يعدل الميزان
وكلما غلطتنا مايسامحنا
وكيف الرئيس بيطلع بلبنان
وقسمين صرنا بجهل لوّحنا
قسم بدهم يعملوا فرسان
وقسم بدو الغرب يجمحنا
بيراهنوا ع الغُرب كيف ماكان
بنار الجهالة تا يسلحنا

فينا تايتحكّم مدى الأزمان
ويّحكم مصلحتو يمرّجحنا
هيذي السياسي كذب بالأوطان
المفروض نوعى رح تروحنا
وتاكلنا نصبح سوا إخوان
بيطلع رئيس بحق مش مرؤوس
حتى بعرس لبنان يفرحنا


عدل سابقا من قبل في 10/21/2007, 6:16 am عدل 3 مرات
عمار البراضعي
عمار البراضعي
المدير العام

عدد الرسائل : 1125
العمر : 56
Localisation : لبنان - ضهر الاحمر
تاريخ التسجيل : 22/01/2007

https://7arf.editboard.com

الرجوع الى أعلى الصفحة اذهب الى الأسفل

الأنتخابات الرئاسية في لبنان Empty رد: الأنتخابات الرئاسية في لبنان

مُساهمة من طرف salomon 10/20/2007, 5:38 am

ألك يا موطني لبنان طلي.

جميلة متل زهرة ومتل فلي
فتحنا قلوبنا والهون جينا.
..تا نحكي بالرأسي نشوف حلي
.................................................
أنا وحمدان بالغربي بقينا.
وبكينا دم تا نجمع الغلي
وعلى الشاشات شفنا ولو عمينا .
.العما مقبول أحلى من المزلي
.................................................
ولانقشع أرضنا محروق دينا.
.بسبب حكام بدها صار فلي
لأنو كلنا بلبنان فينا.
.رأيس نجيب مؤمن بالسيادة
وما بدنا شخص ينزل بالمظلي
salomon
salomon
عضو مميز
عضو مميز

عدد الرسائل : 1087
تاريخ التسجيل : 23/05/2007

الرجوع الى أعلى الصفحة اذهب الى الأسفل

الأنتخابات الرئاسية في لبنان Empty رد: الأنتخابات الرئاسية في لبنان

مُساهمة من طرف rawad 10/20/2007, 6:51 pm

في ناس بدهن بالرئاسة رص .... وفي ناس كتبو للرئاسة نص
وفي ناس بدهم نص مع واحد .... وكلن لازملن واحد بلا نص
سملله عـلـيـهـم هـالسياسـيـن.... لـكــن عـلـى لــبـنـان الله يـعـيـن
فـي بـعـض منهــم لاحق التيار.... وفي بعض منهم بالعكس تخمين
وفـي بـعـض مـنهـم ربعن بآذار.... وفي بعض منهم تشرن بتشرين
والشعب ماشي مغمض ومحتار.... بـأمر الـسـيـاسـي الدوخ ملايين
والـيـوم عـنّا بـيـقـطـعـو الــتيار.... وبـكـرا بـيـغـلـو تـنـكـة الـبنزين
والمتلنا بيـعلـق بـيروس كـبــار.... ومـدري بـأيـا بــيـر غـرقـانـيـن
وهـنـّي بـيـصـفـو أغـنـيا بنهـار.... عـا حساب شعب معتر ومسكين
شـافـو جـسـم لبـنـان عـم ينهـار.... خــتـلـفو عـلى تـقـسيـمـة الدولة

................وكـلـن عـلى الـتخـريـب مـتـفـقـيـن..............
rawad
rawad
شاعر

عدد الرسائل : 115
العمر : 38
Localisation : لبنان
تاريخ التسجيل : 25/05/2007

http://www.rawadsamir.blogspot.com

الرجوع الى أعلى الصفحة اذهب الى الأسفل

الأنتخابات الرئاسية في لبنان Empty رد: الأنتخابات الرئاسية في لبنان

مُساهمة من طرف علي عامر 10/21/2007, 12:21 am

الأخ الشاعر محمّد ابو حمدان
ما اروع هذه الابيات
تقبّل تقديري
علي عامر
علي عامر
شاعر

عدد الرسائل : 320
العمر : 40
تاريخ التسجيل : 04/08/2007

http://www.paperstan.com

الرجوع الى أعلى الصفحة اذهب الى الأسفل

الأنتخابات الرئاسية في لبنان Empty رد: الأنتخابات الرئاسية في لبنان

مُساهمة من طرف محمد أبو حمدان 10/22/2007, 10:52 am

يا عمار يا جبلة حساسي
بنفحة شعرك مبنج حواسي
وسليمان بالفكره الحكيمه
بقصيدو ضوت شموع القداسي
بأحلا مساجلي بنيه سليمه
على ذكر الرئيس وعالرئاسي
معك يا براضعي حجه قديمه
الغلط منا ما شدينا المراسي
أمنا لبشر مش مستقيمه
بوطنا وصلونا لوضع قاسي
ومعك يا طراد حق ومن صميمي
بهني فيك رأيك والحماسي
العما أفضل من مذله لئيمه
فينا عملت الدره نحاسي
ومع رواد بالفكره المقيمه
بوجدانو المتل أرز الرواسي
انشالله بلادنا بتبقى يتيمه
من اللي حملوها هالمآسي
ما بدنا شخص بمظله فخيمه
ينزل مشتري خلفو الحراسي
بدنا شخص من عيله كريمه
من الشعب الألو الدور الأساسي
رئيس يحس بالحاله الأليمه
وحقوق الشعب ما يكون ناسي
بدنا يكون لبناني العزيمه
ومش مرهون لرجال السياسه
من راسو قراراتو العظيمه
وبعدلو يضرب الرقم القياسي
ما بدنا يكون كرسي بدون قيمه
كراسي فاضيه ما عاد بدنا
صار في كتير في عنا كراسي

مع تحياتي لكم جميعا.....

محمد أبو حمدان
تورنتو - كندا
محمد أبو حمدان
محمد أبو حمدان
شاعر

عدد الرسائل : 7
العمر : 58
تاريخ التسجيل : 08/06/2007

الرجوع الى أعلى الصفحة اذهب الى الأسفل

الأنتخابات الرئاسية في لبنان Empty رد: الأنتخابات الرئاسية في لبنان

مُساهمة من طرف محمد أبو حمدان 10/22/2007, 12:31 pm

تحية الى كل الشعراء الكرام....

الى أخي وصديقي صقر المنتدى عمار البراضعي....الى سليمان طراد القائل:
أنا وحمدان بالغربي بقينا.
وبكينا دم تا نجمع الغلي
وعلى الشاشات شفنا ولو عمينا .
.العما مقبول أحلى من المزلي....حلو كتير هالمقطع..هز شعوري.


الى رواد شرف الدين ...فرخ البط عوام...مع تحية لوالدك الشاعر سمير شرف الدين...
الى الشاعر الهادىء علي عامر..الى 7arf المخلص لوطنه..
الى ابراهيم ياسين...طلبك على الراس والعين ولو متأخر...منهيك أوقات أتجنب كتابة الشعر حتى ما أجرح أحد...مشكلتي ما بعرف مسح جوخ والشاعر ابن بيئته والغربه بتنرفز صدقني...
تحياتي لكم وانشالله يسمعوا لنا السياسيين ونخلص لأنو قرفنا من هالوضع.بوجودكم مش خايف عالوطن...على أمل اللقاء بكم على أرض الوطن.

أخوكم محمد أبو حمدان
تورنتو - كندا

الشعر عاشق نقلتو نقلة حجل
ومش بس شاعر كل من شعرو ارتجل
البيكون عندو ذوق ومحبة و شعور
بيكون شاعر كلمتو ردة زجل

محمد أبو حمدان


عدل سابقا من قبل في 10/22/2007, 10:51 pm عدل 1 مرات
محمد أبو حمدان
محمد أبو حمدان
شاعر

عدد الرسائل : 7
العمر : 58
تاريخ التسجيل : 08/06/2007

الرجوع الى أعلى الصفحة اذهب الى الأسفل

الأنتخابات الرئاسية في لبنان Empty رد: الأنتخابات الرئاسية في لبنان

مُساهمة من طرف rawad 10/22/2007, 4:49 pm

تحياتي للشاعر محمد أبو حمدان و شكرا" على هالكلام الحلو و تحية خاصة لك من والدي الشاعر سمير شرف الدين و سمحلو بهالقصيدة


يا محمد بلبنان فلّسنا ..... تعبنا شقينا بس ما يئسنا

قبل الفنيقي هون موجودين ..... و ياما بأعالي الشوف مترسنا

و كنّا عللا الأرزات سهرانين ....و ثوب الكرامي والوفا لبسنا

وعينا عا سهرة حلم فخر الدين ..... بيقظة العين و بعد ما نعسنا

والمشكلة بلبنان يا محبين ......المتآمر بصندوق كابسنا

والكل روس وليش زعلانين .....عا مين ريّسنا البي سيسنا

وتا نغيّر ببدلات منزوعين ..... والعث ياكلنا بمحبسنا

جيبو لنا من الغرب موهوبين .....يترئسو عا راس مجلسنا

يكونو عن الأرزات مغتربين ...... وزورو تورنتو وغيّرو المذهب

.............. بيطلع أبو حمدان ريّسنا ...........

مع تحياتي الك أخ الشاعر محمد أبو حمدان أخوك الشاعر سمير شرف الدي
ن
rawad
rawad
شاعر

عدد الرسائل : 115
العمر : 38
Localisation : لبنان
تاريخ التسجيل : 25/05/2007

http://www.rawadsamir.blogspot.com

الرجوع الى أعلى الصفحة اذهب الى الأسفل

الأنتخابات الرئاسية في لبنان Empty رد: الأنتخابات الرئاسية في لبنان

مُساهمة من طرف عمار البراضعي 10/23/2007, 4:04 am


ياشـــــــاعر الكلك وفا وتحنان ... اشتقنا لكلماتك وإلنـا زمـــــان
مـــاســمعـنا هالحكي المعسول ... ولابهيك شـعر ترنمــوا الأذان
انجينا تانحكم عن عدل وأصول ... غيرك مــارجّح كفـةّ المـيزان
لمكتوب شعـــــرك مابيلزم بول ... لـِ علـيه طابع إسم بو حـمدان
سليمان متلك بالوفــــــا مجبول ... وبموطنو لو شلقوا الحيطــان
بيحط كتفو تالوطن مـــــايزول ... وبالصخر بيبلّش نحت قصدان
والحرف مابيصير نجمـو أفول ... قدموس ثاني وللحرف عـنوان
ورواد رح سلّم ع بيو وقــــول ... طالع لبيو شاعر وفنــــــــــان
وعنا ابراهيم البعرفو بأيلــــول ... متل الكرم شعرو صفي حليان
بيخمّر الشعر بيجي مصــــقول ... لكن بخمر الفن عن إيمــــــان
ومتلو علي عامر سيف مسلـول ... وحدّو ربيع العطــر بالبسـتـان
وعنصر نسائي وكلنا منــــقول ... بأرواحنا منفدي سوا لبنــــــان
ولبنان ياشعار بدو حلــــــــول ... والحل كيف وفرقوا الإخــوان
واحد لبس للتلمذة مريـــــــول ... وخيو بيبيع الأرض والاوطـان
وحدود رسموا بالكرم وحقـول ... ومارسّموا الربعة مع الجـيران
واللي بيحكي بالوفا ع طــول ... بيصير إسمو بالوطـــن خــوّان
وكيف بنّا بهالبلاد نجـــــــول ... وذيب الغدر فيــنا سوا طمعــان
منا اغتالوا ناس ذات عقــول ... كانوا فلاســـفة العصر شجعـان
وخلوا الوضع ببلادنا مشلول ... والأقـتــصـــــاد انهار بالبــلدان
ورغم كل اللي حصل بميول ... ظنــوا الشعب كلو من العميـان
ونحنا مابنـّـا للغطس مسؤول ... بيحكي برزالة واللبس نص كم
وبنص عقل ولفظ نص لسان


عدل سابقا من قبل في 11/1/2007, 2:10 am عدل 1 مرات
عمار البراضعي
عمار البراضعي
المدير العام

عدد الرسائل : 1125
العمر : 56
Localisation : لبنان - ضهر الاحمر
تاريخ التسجيل : 22/01/2007

https://7arf.editboard.com

الرجوع الى أعلى الصفحة اذهب الى الأسفل

الأنتخابات الرئاسية في لبنان Empty رد: الأنتخابات الرئاسية في لبنان

مُساهمة من طرف محمد أبو حمدان 10/23/2007, 2:14 pm

تحية الى الشاعر سمير شرف الدين ....

تشكر يا باعت أجمل هديه
من جناين الشعر الربيعيه
روح الشعر بالشكل والمضمون
هيي بحياتي الخبز والميي
لكن عا وضع بلادنا المجنون
قدما كتبت بيوت شعريه
زرعت في وجه الضرير عيون
وذوبت صخر الصم حنيه
وبعدني برموش عيني بصون
بلادي الحنونه الغاليي عليي
ولولا بيعطوني ذهب قارون
ما بلين عنادي ولا شويي
ومتل ما الشجرة بأعلا غصون
وأثمارها الحلوة المستويه
الريس بأعمالو بأقوى حصون
تصون الكرامه من الحراميي
شو قيمة المنصب متل بالون
بتطيرو نسمه طبيعيه
المنصب بشخص يكبرو ويمون
يأمر وينهي بكل حريه
يعني أنا من غيرتك ممنون
وكل شي أنا من أرض شوفيه
ونحنا المنصنع سلطة القانون
وشخص الرئيس وخير شخصيه
أشرف الي انسان عادي كون
وأخدم بلادي بنور عينيي
ولا كون رئيس موظف ومرهون
لدوله غريبه وألف حزب وأيد
وطره ونقشه يلعبو فيي

محمد أبو حمدان
محمد أبو حمدان
محمد أبو حمدان
شاعر

عدد الرسائل : 7
العمر : 58
تاريخ التسجيل : 08/06/2007

الرجوع الى أعلى الصفحة اذهب الى الأسفل

الأنتخابات الرئاسية في لبنان Empty رد: الأنتخابات الرئاسية في لبنان

مُساهمة من طرف محمد أبو حمدان 10/23/2007, 2:22 pm

أخي وحبيب قلبي الشاعر عمار البراضعي....اليوم أجلو جلسة انتخاب الرئيس في مجلس النواب.

قالو أجلو الجلسه ببلادي
وعلى التأجيل قلنا يا خجلنا
يا خوفي ياخذو التأجيل عادة
وكثر تأجيلن يقرب أجلنا

==========================

يا موطني كل حاكم بأرضك قطن
يا غبن ما عطيتو الوحي وأحلا الفطن
بمصلحتهم بس عم بيفكرو
وما في حدا مفكر بمصلحة الوطن

محمد أبو حمدان
تورنتو - كندا
محمد أبو حمدان
محمد أبو حمدان
شاعر

عدد الرسائل : 7
العمر : 58
تاريخ التسجيل : 08/06/2007

الرجوع الى أعلى الصفحة اذهب الى الأسفل

الأنتخابات الرئاسية في لبنان Empty رد: الأنتخابات الرئاسية في لبنان

مُساهمة من طرف عمار البراضعي 10/23/2007, 11:45 pm

الجلسات مهما ياصديقي يأجـــــــــلوا
أمر وطبيعــــــــي كتير تآخذ إتفــــاق
المهـــــــــم يطلع شي رئيس ونقـــبلو
والحرب أحلا من الفرض يوم الرواق
عمار البراضعي
عمار البراضعي
المدير العام

عدد الرسائل : 1125
العمر : 56
Localisation : لبنان - ضهر الاحمر
تاريخ التسجيل : 22/01/2007

https://7arf.editboard.com

الرجوع الى أعلى الصفحة اذهب الى الأسفل

الأنتخابات الرئاسية في لبنان Empty رد: الأنتخابات الرئاسية في لبنان

مُساهمة من طرف عمار البراضعي 10/23/2007, 11:52 pm

محمد أبو حمدان كتب:تحية الى كل الشعراء الكرام....

الى أخي وصديقي صقر المنتدى عمار البراضعي....الى سليمان طراد القائل:
أنا وحمدان بالغربي بقينا.
وبكينا دم تا نجمع الغلي
وعلى الشاشات شفنا ولو عمينا .
.العما مقبول أحلى من المزلي....حلو كتير هالمقطع..هز شعوري.


الى رواد شرف الدين ...فرخ البط عوام...مع تحية لوالدك الشاعر سمير شرف الدين...
الى الشاعر الهادىء علي عامر..الى 7arf المخلص لوطنه..
الى ابراهيم ياسين...طلبك على الراس والعين ولو متأخر...منهيك أوقات أتجنب كتابة الشعر حتى ما أجرح أحد...مشكلتي ما بعرف مسح جوخ والشاعر ابن بيئته والغربه بتنرفز صدقني...
تحياتي لكم وانشالله يسمعوا لنا السياسيين ونخلص لأنو قرفنا من هالوضع.بوجودكم مش خايف عالوطن...على أمل اللقاء بكم على أرض الوطن.

أخوكم محمد أبو حمدان
تورنتو - كندا

الشعر عاشق نقلتو نقلة حجل
ومش بس شاعر كل من شعرو ارتجل
البيكون عندو ذوق ومحبة و شعور
بيكون شاعر كلمتو ردة زجل

محمد أبو حمدان

------------------------
الى الأخ الغالي والصديق محمد أبو حمدان
اللي قال عني صقر بجــوابــــو ... بالعين شفتو نجــــــم بسحابو
بقرص الفلا والنور منو طــــال ... أرض المعنى وشعشع شهابو
لكن بيغلط لو سمعتو قــــــــــال ... نرفوز صار كتير بغــــــيابو
الغربة مرارة وبعرفك رجّـــــال ... وشعرك بينزف دم ع ترابــو
يعني القوي متلك بقي مـــــازال ... المشوار مابيرجّف ركابـــــو
محمد أبو حمدان للأجيــــــــــال ... شاعر وخي منحسب حسابو
وبالمنتدى متلو سوا الأبـطـــــال ... لبنان دعيوا تعود غيّابــــــو
مني وجرّ الكل فينا ســـــئـــــال ... مندعي الشعر تاتلتقي قطابو
وهالموقع المعروف خرج مجال ... كتب القوافي بتفرح جوابـــو
مابينجرح إلاّ بحكي بطّـــــــــال ... فتحتو عرين وللسبع غابـــو
وجرح الشعر مابيفقد الأمــــــال ... ماسمعت سيف بيجرح قرابو
وهالمنتدى بنيتو أنا كرمــــــال ... بيت وتانكتبلو بيوت الشــعر
ومافي أديب بيجرح كتابو
-------
عمار البراضعي
عمار البراضعي
المدير العام

عدد الرسائل : 1125
العمر : 56
Localisation : لبنان - ضهر الاحمر
تاريخ التسجيل : 22/01/2007

https://7arf.editboard.com

الرجوع الى أعلى الصفحة اذهب الى الأسفل

الرجوع الى أعلى الصفحة

- مواضيع مماثلة

 
صلاحيات هذا المنتدى:
لاتستطيع الرد على المواضيع في هذا المنتدى