منتديات الزجل اللبناني الشاعر: عمار البراضعي

أهلا وسهلا بزائرنا الكريم
عليك بالتسجيل لكي ترى كافة المواضيع المخفية
=====================
الزائر رحبنـا برسمــــو = وع التسجيل دعينا يفوت
وغير اللي مسجّل إسمو = عنو منخفي يقـــرا بيوت
=====================


طمنّي يا عمّار

اذهب الى الأسفل

طمنّي يا عمّار

مُساهمة من طرف salomon في 5/10/2008, 9:38 pm

مبارح على الأخبار شفت النار
ودخان منّو طالع بغفلي
قررت أسأل صاحبي عمّار
كيف الوضع بالشعر يوصفلي

كيف الوضع عندك يا أغلا رفيق
بدي بقصيدة شعر ...طمنّي
أحكي شو صاير بس بالتدقيق
بتشيل حمل الكايني عنّي

بيروت رجعت تحترق وتموت
وكل اللي قالو بيحرسوها خوت
وبقاعنا انشالله بعيد شوي
وما يكون واصلّو جمر بيروت

ناطر قصيدة من القلب والروح
عا محل انتي بتعرفو تا تروح
تطفي قلب محروق عا الأحباب
كتبها برسالة خاصة ولا تهاب
بتكون مرهم عاطفة عا جروح
avatar
salomon
عضو مميز
عضو مميز

عدد الرسائل : 1087
تاريخ التسجيل : 23/05/2007

الرجوع الى أعلى الصفحة اذهب الى الأسفل

رد: طمنّي يا عمّار

مُساهمة من طرف عمار البراضعي في 5/11/2008, 12:02 am


فاقت الأرزة وصاحت شلوحي
التفريق فيهم شتت الملهم
ومين بدو يمرهم جروحي
وجرح الوطن مافي إلو مرهم

المشكل بدي من بعد الحكومة
أخذت قرار بشبكة الهاتف
وأمن المطار لقائدو بتومي
تا الصوت صار بها الفصل هاتف


إلغوا القرار يطالبوا بنهار
وبين أربطعش الشتم وثماني
الطرقات سدوا وشعلوا بالنار
بيظهر مافي بالأصل لبناني

ونسيوا وطنا كلنا بيساع
وحوض المحبة ساع جوري وفل
النيران مدوا شمالها وبقاع
وجنوبنا حتى تطال الكل

بيروت عني خبري شو صار
فجأة وعيتي بسرعة البرقة
عم يحرقوكي ولادك ! وعمار
بقلبو زيادة شعلت الحرقة

وليش الرسالة خاصة وما بخاف
وشو بعد بدو يصير فصلّي
ومتلك انت ماشفت خييك شاف
وذات الصلا تاتروق منصلي

============


avatar
عمار البراضعي
المدير العام

عدد الرسائل : 1125
العمر : 51
Localisation : لبنان - ضهر الاحمر
تاريخ التسجيل : 22/01/2007

http://7arf.editboard.com

الرجوع الى أعلى الصفحة اذهب الى الأسفل

رد: طمنّي يا عمّار

مُساهمة من طرف salomon في 5/11/2008, 12:35 am

بنخاف انو يهجموا علينا
ويشلحونا قلامنا تا نبيع

افكارنا البدموع عينينا
انكتبت بصدر الفلسفي مواضيع

ياما بحرب لبنان قضيّنا
وقفنا بوج الغدر ومشاريع

تا يقسمونا بعز ضليّنا
نقاوم جنون العاصفة ونزيع

لبنان الله فيه حبيّنا
ودم الشهادةعيب انو يضيع

زهور المحبة بين ايدينا
وعا النت يا عمّار خليّنا
بيوت القصيدة تسد أكبر نييييييييييع

من السياسيين اكيد
avatar
salomon
عضو مميز
عضو مميز

عدد الرسائل : 1087
تاريخ التسجيل : 23/05/2007

الرجوع الى أعلى الصفحة اذهب الى الأسفل

رد: طمنّي يا عمّار

مُساهمة من طرف عمار البراضعي في 5/11/2008, 5:04 pm


مهما علينا تئآمروا القادة
وصوت السياسي زاد ترهيبو
مش رح منترك أرضك بلادي
وعالم غريبة محلنا يجبوا

نحنا مرقنا بحرب متمادي
والكل ذاقوا طعم تأديبو
والما تعلّم كف بزيادة
من الصعب كل العمر تهذيبو

لاتخاف نخسر دم الشهادي
خاف الوطن تايروح ونعيبو
جعبةّ جروحو ما لها عيادي
من وين بدنا نعيد تقطيبو

لبنان جنة بزهرها النادي
نشالله جروحو ع الصلا يطيبوا
ومش حق ينسى العاقل الهادي
جهنم بيردّو انراد تخريبو


قلام الصحافة قلام قرادي
أصوات حرة مش رح يغيبوا
لكن الآلآم تصير بإيادي
بيمضوا مذاهب ريتن يسيبوا

وعن موطني ومن أرض اجدادي
يفل اللي بدو وحبّ تحزيبو
لبنان للي عايش حيادي
وتم اللي بدو بتفرقة ينادي
علينا بقول الشعر تقطيبو




----------------------------------------------
" كرمالكم ع النت تابعــنـــــــا = نسقي القوافي من منابعنا "
" بوجودكم معنا امتلت بالذوق  = ومندونكم مافي لها معـنا "
----------------------------------------------
avatar
عمار البراضعي
المدير العام

عدد الرسائل : 1125
العمر : 51
Localisation : لبنان - ضهر الاحمر
تاريخ التسجيل : 22/01/2007

http://7arf.editboard.com

الرجوع الى أعلى الصفحة اذهب الى الأسفل

رد: طمنّي يا عمّار

مُساهمة من طرف salomon في 12/24/2010, 3:44 am

بيروت بعدك بالشرق عنوان
فيكي القصيدة معمشقة ببيوت
ضوّك سلام الشرق يا بيروت
ومدخل الجنة من جبل لبنان

****
قديّش فيكي الناس مغشوشين
ومفكّرينك أم يا بيروت
فيكي الشرايع ليش عم بتموت
وبيضل يخلق أرز عا صنّين

****
معقول تنزل قيمتك ينهار
مجدك عا تخت اللأنهايي يموت
وما يضل فيكي ليل يا بيروت
وعا شطوطك تضل الحقيقة نهار

هههه


وكلما العطر يشرب زهور الريح
يدبل حبق عا مفارقك ويموت
ومن كتر ما الله عشق بيروت
علّق ببرج العاصفة مراجيح

******
قولك يا عمر بتمرق الايام
وبتسبق التاريخ عا بيروت
وبرجع انا شوفا قبل ما موت
وبعب جونة بينيّم الأحلام


*****
ومن بعد منها بضيعتي رح كون
ولو كنت مارق غصب ببيروت
بعشق سماها وبكره الملكوت
وبطلب اذا شي يوم بدي موت
لا تدفنوني بغير برحليون


بحر الزجل
avatar
salomon
عضو مميز
عضو مميز

عدد الرسائل : 1087
تاريخ التسجيل : 23/05/2007

الرجوع الى أعلى الصفحة اذهب الى الأسفل

الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى