منتديات الزجل اللبناني الشاعر: عمار البراضعي

أهلا وسهلا بزائرنا الكريم
عليك بالتسجيل لكي ترى كافة المواضيع المخفية
=====================
الزائر رحبنـا برسمــــو = وع التسجيل دعينا يفوت
وغير اللي مسجّل إسمو = عنو منخفي يقـــرا بيوت
=====================


حوار مع الحمار هههههههههههه

اذهب الى الأسفل

حوار مع الحمار هههههههههههه

مُساهمة من طرف salomon في 5/17/2008, 8:56 pm

كنت مارق وشفت حمار واقف بالطريق ومتل الكأنو عم بيفكر وصافن بها الدني حبيت احكي بالشعر هههههههه




يا حمار أنتي بتفهم وهنّي جحاش
ما بيفهمو تا وصلونا للكباش
راحو تا يتفقو عليناوعا الوطن
يا ريت منّك ياخدو حكمة ب بلاش

قديش زقّو من الغريب سلاح
وما استعملو عا حدودنا طلقة
انشالله يموتو وكلنا بنرتاح
ولا يعلقّونا بالحرب علقة

ويا حمار أنتي زينة الراحو
بتحمل عا ضهرك تا تعمر دار
وهنّي بيزقّو الموت ما ارتاحو
يحلّو بقا عن ضهرنا يا حمّار
avatar
salomon
عضو مميز
عضو مميز

عدد الرسائل : 1087
تاريخ التسجيل : 23/05/2007

الرجوع الى أعلى الصفحة اذهب الى الأسفل

رد: حوار مع الحمار هههههههههههه

مُساهمة من طرف salomon في 5/18/2008, 10:05 pm

شو قال الحمار

الحمار قلّي الجحش ما بيفهم كتير
بيحس حالو غير عن كل الحمير
ولولا عزمتو نهار عا زق الحطب
بيقول بقبل زق لكن للأمير

وهوني الأمير بينصفو وبيقول زير
منشان يكري عليه ب أمرو خبير
وهوّي تا يظهر جحشني بيحمل تعب
وبيضل جمعة ونص ما بياكل شعير

وقلّي اللي صاير بالوطن فتني وشذوذ
ما يفتكر أنو حدا بيقدر يفوز
هنّي عا سطح البدر عم يتنقلو
ونحنا بننقل كل مدة من نفوز

تابع
avatar
salomon
عضو مميز
عضو مميز

عدد الرسائل : 1087
تاريخ التسجيل : 23/05/2007

الرجوع الى أعلى الصفحة اذهب الى الأسفل

رد: حوار مع الحمار هههههههههههه

مُساهمة من طرف 7arf في 5/19/2008, 5:08 am

ومن قبل ما تتابع كنت مارق
ذات الحمار بشوف ع مفارق
قلي وين رايح ؟ ورا سليمان
يما بعكسو ع الدرب فارق
===========
ياحمار قلتلو ماعنا حل
لازم بلدنا نتركو ونفل
قلي متل غيرك انت خلقان
ولبنان ابنو ان دشـّرو بيذل
============
ماعرفت فينا مين المغفل
وباب الحلول بوجهنا مقفل
وبالإنتخاب منبدىء التغيير
شنهق بصوتو وذينتو رفّل
============
قلي لا تفزع يوم من موتك
يما تجوع وما التقى قوتك
خاف تايغفى الضمير الحر
أو ترتشي وتقبض ثمن صوتك
===========
ورح خبرك مين القبض كمشة
ع الزور شاهد مارمش رمشة
ونص الشعب ع الفقر متلو صار
والا بقوة ودعس مابيمشي
===========
وآخر ماقلي عيش عيشةّ حر
ومتلي لاتبقى ولا تخبي سر
الله خلقني رهن للإنسان
وإنسان يللي بيرهنو انسان
مافي فرق بينو وبين الكر
============
وسعد الصغير القال موالك
متلو الحرف ياحمار غنالك
وبزعل اذا قلك حدا ياحمار
وكل الحمير بحب كرمالك
============


عرفت الحياة بتجربة وكُبـــــر الجراح ... فيها فشل فيها أمل فيــــها نجاح

وطقم السعــــادة اللي عقِل مابيخلـــعو ... لولا استفاد من الخطأ بعد الكفاح

============================
avatar
7arf
admin

عدد الرسائل : 1125
العمر : 51
تاريخ التسجيل : 01/11/2006

الرجوع الى أعلى الصفحة اذهب الى الأسفل

رد: حوار مع الحمار هههههههههههه

مُساهمة من طرف salomon في 4/2/2010, 9:30 am

مشتاق ليك وضعك مداري
يا رفيق عمري ودرب مشواري
تركتك ما بعرف بعد ما تركتك
مع مين صرت اليوم يا حماري

************
بيخبروني الناس صرت كبير
وما عدت قادر بالوطاتمشي
وياما كنت تتسابق مشاوير
انتي وكرّة جارنا وجحشي

******
يتبع
avatar
salomon
عضو مميز
عضو مميز

عدد الرسائل : 1087
تاريخ التسجيل : 23/05/2007

الرجوع الى أعلى الصفحة اذهب الى الأسفل

رد: حوار مع الحمار هههههههههههه

مُساهمة من طرف salomon في 4/4/2010, 9:43 pm

عندك بشر يا حمارنا عكاريت
بيحمّلوك حجار عاضهرك
وانتي بتحمول همّك وما حكيت
وبتشهنق وبتشد من قهرك


بحر الزجل
avatar
salomon
عضو مميز
عضو مميز

عدد الرسائل : 1087
تاريخ التسجيل : 23/05/2007

الرجوع الى أعلى الصفحة اذهب الى الأسفل

رد: حوار مع الحمار هههههههههههه

مُساهمة من طرف hany nassif في 4/4/2010, 11:06 pm

سليمان جاية اليوم يا خيي
تا خبرك قصة حقيقية
قصة قديمي من عهود عهود
من عهد جدي و خالتي و بية
كان الحمار بوقتها مقصود
وما كان عنا ببيتنا مطيي
المونة تا توصل بيتنا الموعود
ما بتوصل بلا مقدرة قوية
ولوما على جلالو الكفوف تجود
ما جد سيرو بكل حنية

و قدام حد جنينة التفاح
جدي عمل عرزال تا تسلا
و لو ما الحمار بوقتها مازاح
هاك الخشب حتى السقف علا
هوي بيتعب كلنا نرتاح
ولو جبت فاعل يعمل بها العصر
بيكون منو خالقك الله

و بونا امطانوس كان شق الضو
تا يوصل على ضيعتي يصلّي
يكمش لجامو تا يشق النو
بحر الرمل هالسيّج التلي

و مكاريوس دكتور ضيعتنا
كان الطبيب الناجح الشافي
وياما حمل لحمار عيلتنا
وقطع لعندو اطول مسافة

من هيك بدي اشكرك يا بحر
عم تربح جميلي لها الحيوان
ونحنا بها الايام كلو سحر
ما عاد في عندو وفا انسان

hany nassif
شاعر

عدد الرسائل : 28
العمر : 35
تاريخ التسجيل : 09/06/2009

http://www.hotmail.com

الرجوع الى أعلى الصفحة اذهب الى الأسفل

رد: حوار مع الحمار هههههههههههه

مُساهمة من طرف salomon في 4/5/2010, 12:00 am

تركت البشر يا حمار ولحقتك
وعرفت انّي خدت من وقتك
ولو ما عليي بيضحكوا الشعّار
بسوق الزجل يا حمارنا سقتك

بحر الزجل

تغزّلت فيك وبعدني بحبك

وبعرف عطاك الحمرني ربّك

خخخخخخخخخخخ

ولو صرت عندي كبير يا حماري
بيصعب عليي بها العمر كبّك

بحر الزجل
avatar
salomon
عضو مميز
عضو مميز

عدد الرسائل : 1087
تاريخ التسجيل : 23/05/2007

الرجوع الى أعلى الصفحة اذهب الى الأسفل

الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى