منتديات الزجل اللبناني الشاعر: عمار البراضعي

أهلا وسهلا بزائرنا الكريم
عليك بالتسجيل لكي ترى كافة المواضيع المخفية
=====================
الزائر رحبنـا برسمــــو = وع التسجيل دعينا يفوت
وغير اللي مسجّل إسمو = عنو منخفي يقـــرا بيوت
=====================


المال السريع

اذهب الى الأسفل

المال السريع

مُساهمة من طرف salomon في 9/20/2008, 10:00 pm

أنا يا فنزولا بأختباري***عرفت الرب عندو حساب جاري
مع اللي تاجر بوزنات قيصر***ووزنة خالقو مبعزق وداري

سألني رفيــــــــــــــــــــــق عن حالة المهجر***قلت يا شريــــــــــــــــك رح تزعج خباري
بتقشع مغترب متلي معتّر***بسنة وسنتين في عندو جواري

فيلّا...؟بقلب مونتلبانmontalbanعمّر***وبيت الكان عندو ألكيلاريalquiler
بكراكاcaracas حساب بالدولار سكّر***وبمركنتيلmercantilعندو حساب جاري

وبضاعة من أميركا قال صدّر***وعم يستورد وعايش حضاري
ان سألتو منين...!!! قال الشب فكّر***وبيحّير ربّك بحقل التجاري

وهوّي سارق وناهب وأكتر***بضاعة كسر....!!! بملاوين شاري
يا سارق مال غيرك انت أكفر***من اللي خان ربّو بأعتباري

ومهما مشيت بالشارع مزنّر***وقلت للناس شوفوا ساليلاري
أنت سرّاق والمتلك ما يكبر***لأنو أن كبر بيضل واطي
ويقلع لاك عا بي المصاري



alquilerتعني أجار
caracasاسم بنك
mercantilاسم بنك
montalbanمنطقة سكنيي كلها فلل للأغنياء

avatar
salomon
عضو مميز
عضو مميز

عدد الرسائل : 1087
تاريخ التسجيل : 23/05/2007

الرجوع الى أعلى الصفحة اذهب الى الأسفل

رد: المال السريع

مُساهمة من طرف عمار البراضعي في 9/24/2008, 2:17 am

سليمان خلّي الشعر إنســــــــاني = بلهجةّ عرب أو شعب لبـناني
ع شرط متل الببغا لاتصيـــــــر = تكتب قوافي الشعر إسبــــاني

قاموس فلسفتي إلك رح عِـــــيـر = تنقي معاني البكر مجـــــاني
تكتب تصوّل تشرح الـتـفـســيــر = من دون إلمـــاني وأمركـاني

انضليت تكتب شعر للتبصــــيـر = بجبلك قصايد نار شعـــــلاني
كلمة وكلمة بيشعل التعبـــيــــــر = من دون لاتيني ولاطلــيــاني

وع مهاجر السراق بالتفكـيــــــر = برجع تاقـلـّو بصدق وجـداني
نشالله الجمعتو بالنهب بيطـيـــر = ومايضل عندك كوخ دكــــاني

ع الغرب راحوا يعبدوا التزويـر = وسرقوا مساوئ شعب علماني
والبعض نسيوا من العادات كثير = كيف بيحفظوا اصول ألامـاني

وقسم أصلي من أساسو كبــيــــر = خلا بلادو قصــــور عمراني
علّم ولادو وعــــــــــارف التدبير = وقلو لاتنسى دروب أوطاني

وقسم راح وعاش بالتعــثـيــــــر = وقســـــم خبى المال بخزاني
ولاتخــــــاف ياسليمان الله كبير = مال الحرام بيجمـــعو وبيضل
ينعد مالو مال شيطاني
==============
avatar
عمار البراضعي
المدير العام

عدد الرسائل : 1125
العمر : 51
Localisation : لبنان - ضهر الاحمر
تاريخ التسجيل : 22/01/2007

http://7arf.editboard.com

الرجوع الى أعلى الصفحة اذهب الى الأسفل

الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى