منتديات الزجل اللبناني الشاعر: عمار البراضعي

أهلا وسهلا بزائرنا الكريم
عليك بالتسجيل لكي ترى كافة المواضيع المخفية
=====================
الزائر رحبنـا برسمــــو = وع التسجيل دعينا يفوت
وغير اللي مسجّل إسمو = عنو منخفي يقـــرا بيوت
=====================


الضريبي والوظيفي

اذهب الى الأسفل

الضريبي والوظيفي

مُساهمة من طرف salomon في 11/15/2008, 11:47 pm

دخلت يا منتدى برر مغيبي***وتــــــــا ما يعتبو عليي الشبيب
تركت النت مدة غصب عنّي***وأنا انسان ما بحب الهريبي

وتا خبرّكم شو صار بلا تجنّي***على القانون رح ارضى بنصيبي
يمكن في غلط معقول منّي***وغلطهم عارفينو مش عجيبي

أجى مفتش و قلّي في تدنّي***ببيع محلّك وشغلي غريبي
واللي بيسرقوا المدفوع هنّي***البيلمّو بالضرايب يا حبيبي

وأخدني المكتبو وتربيح منّة***وطلب رشوي بشرط يلغي الكتيبي
رفضت وقلت يا أخلاق جنّي***عا فاسد حب ادفعلو مصاري
وانا ما هربت عمري من الضريبي
avatar
salomon
عضو مميز
عضو مميز

عدد الرسائل : 1087
تاريخ التسجيل : 23/05/2007

الرجوع الى أعلى الصفحة اذهب الى الأسفل

رد: الضريبي والوظيفي

مُساهمة من طرف 7arf في 11/16/2008, 1:15 am

عرفنا ليش ياسليمان غـــــــايب = قبلنا العذر ومنبقى حبـــــــــــايب
ع شرط تدشر الكلمة الخفـــيـفـة = وتطلع مع حرف أهـــداف صايب

قصد زكزكتك بحربي العنـيـفـة = ودخيلك قلت مـــــــابحمل مصايب
خايب فيك ظني ومش حليــــفي = وظنك حرف ردو فـيك خـــــــايب

انتا بلا حسد عين وكفيــــــــفــة = شركة فـــــــاتح وآخذ وجــــــايب
وحتى تجمع العملة النظيـــــفـة = الضريبة إدفع ولا تكـون ســـــايب

حرف بهالوطن صاحب وظيفـة = ملاني ﭪـات من حاكـــــــم ونايب
وضريبة بيدفع النفسو شريفة = واذا تضــــــــايقت بالأشعــــــار مني
غلطةّ عمرك بتدفع ضرايب


عرفت الحياة بتجربة وكُبـــــر الجراح ... فيها فشل فيها أمل فيــــها نجاح

وطقم السعــــادة اللي عقِل مابيخلـــعو ... لولا استفاد من الخطأ بعد الكفاح

============================
avatar
7arf
admin

عدد الرسائل : 1125
العمر : 50
تاريخ التسجيل : 01/11/2006

الرجوع الى أعلى الصفحة اذهب الى الأسفل

الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى