منتديات الزجل اللبناني الشاعر: عمار البراضعي

أهلا وسهلا بزائرنا الكريم
عليك بالتسجيل لكي ترى كافة المواضيع المخفية
=====================
الزائر رحبنـا برسمــــو = وع التسجيل دعينا يفوت
وغير اللي مسجّل إسمو = عنو منخفي يقـــرا بيوت
=====================


كل عيد وانتي بخير يا عمّار

اذهب الى الأسفل

كل عيد وانتي بخير يا عمّار

مُساهمة من طرف salomon في 12/10/2008, 7:01 am

كل عيد وأنتي بخير يا عمّار***صرلك شهر غايب...!!! وكم نهار
ها المنتدى مشتاق للردات***بحياة الله...؟ رجاع معنا سهار

مرقوا عليي بموقعي وليدات***الكبير ما بيوصال للزنّار
وقلبي الحنون بتعرفو بالزات***بيحن يا عمّار عا القصّار

كيف النبيد وموسم العنبات***بعرف انا عم تتعب ومحتار
بين الزجل والشغل في مسافات***لكن غيابك هيك عا التكرار

بيترك جرح بمواقع الكلمات***وبنخاف موقع شعرنا ينهار
ولها السبب باعت ألك وردات***قطّفتها من المنتدى مخصوص
تا تشمّها من موقع الأفكار
avatar
salomon
عضو مميز
عضو مميز

عدد الرسائل : 1087
تاريخ التسجيل : 23/05/2007

الرجوع الى أعلى الصفحة اذهب الى الأسفل

رد: كل عيد وانتي بخير يا عمّار

مُساهمة من طرف عمار البراضعي في 12/11/2008, 1:32 am

يامنتدى المشتاق ع غــيــابي = شـوق الخمر تايعود للخـــــابي
راجع إلك وبقجقةّ الاعـــيـــاد = منشان عيِّد فيك احـبـــــــــابي

سبع القريحة من غيـابـو عـاد = بكثر العمل مش طامعة جـيـابي
لكن ظروف بتـحـكـــم العبّـاد = والعمر لحظة طيش كــــــذابي

ومهما ولاد الشعر كانوا بعـاد = ع الحب بعرف فردهم رابــــي
بيتفرقوا والبُعد بالأجســــــــاد = وبالروح عاشوا قراب ع جنابي

سليمان كفك طاعج البـــــولاد = وانت وانا سبعـــــين بالغـــابـي
الما وصّـلوا للخصر هوذي ولاد = مابيدخلوا حسابك ولا حسـابي

نحنا لأنـــو للزجل أسـيـــــــاد = والعيد عندي بملتقى صحـابــي
ويارب ع كل الدني تــــنـعــاد = بخير وسلامة ووردةّ سليـمــان
أجمل عيدية بصفحةّ كتابي

* * * * * * * *



----------------------------------------------
" كرمالكم ع النت تابعــنـــــــا = نسقي القوافي من منابعنا "
" بوجودكم معنا امتلت بالذوق  = ومندونكم مافي لها معـنا "
----------------------------------------------
avatar
عمار البراضعي
المدير العام

عدد الرسائل : 1125
العمر : 51
Localisation : لبنان - ضهر الاحمر
تاريخ التسجيل : 22/01/2007

http://7arf.editboard.com

الرجوع الى أعلى الصفحة اذهب الى الأسفل

رد: كل عيد وانتي بخير يا عمّار

مُساهمة من طرف salomon في 1/1/2011, 12:22 am

كل عيد وانتي بخير من وقتك
باخد لحتا عيّدك مظبوط
وأوّل سنة بمعايدة سبقتك
انشالله بتمرق ها السنة بالخير
وتضلّ انت وعيلتك مبسوط


كل سنة وانت بخير
avatar
salomon
عضو مميز
عضو مميز

عدد الرسائل : 1087
تاريخ التسجيل : 23/05/2007

الرجوع الى أعلى الصفحة اذهب الى الأسفل

رد: كل عيد وانتي بخير يا عمّار

مُساهمة من طرف عمار البراضعي في 1/1/2011, 4:13 pm


وعليكون نشالله السنة بتنعــاد
من الرب فيها الخير والبركة
ويرزقكون من جديد توم ولاد
وعيد العمادي نعملو شركـــة
* * * * * * * * *
كل سنة وانتوا سالمين
ta7iya






----------------------------------------------
" كرمالكم ع النت تابعــنـــــــا = نسقي القوافي من منابعنا "
" بوجودكم معنا امتلت بالذوق  = ومندونكم مافي لها معـنا "
----------------------------------------------
avatar
عمار البراضعي
المدير العام

عدد الرسائل : 1125
العمر : 51
Localisation : لبنان - ضهر الاحمر
تاريخ التسجيل : 22/01/2007

http://7arf.editboard.com

الرجوع الى أعلى الصفحة اذهب الى الأسفل

رد: كل عيد وانتي بخير يا عمّار

مُساهمة من طرف 7arf في 1/21/2011, 12:20 am



يانيالك ياعمــــــــــــــــار = ذكروك بيـــوم الأعيــــاد
ومن دربي هجوا الشعار = ولا حدي قراب ولا بعاد
======================


عرفت الحياة بتجربة وكُبـــــر الجراح ... فيها فشل فيها أمل فيــــها نجاح

وطقم السعــــادة اللي عقِل مابيخلـــعو ... لولا استفاد من الخطأ بعد الكفاح

============================
avatar
7arf
admin

عدد الرسائل : 1125
العمر : 51
تاريخ التسجيل : 01/11/2006

الرجوع الى أعلى الصفحة اذهب الى الأسفل

رد: كل عيد وانتي بخير يا عمّار

مُساهمة من طرف عمار البراضعي في 1/22/2011, 6:35 pm


ياحرف بعرف زاد تعـقيـــــدك
لاتقلي جديدك ما يـفـيـــــــــدك
بدي اياك تعرف هالقضيـــــــة
وعتيقك تشلح وتلبس جديـــدك

مني سماع هاي آخر وصيــــة
وبعثتلك بريــــــدك عابريـــدك
انطبقت الوصايا انت خيــــــي
واذا ماقبلت فيها مابريــــــــدك

وتانرجع كلنا نعيّد سويـــــــــة
انت مش رب والعالم عبـيــدك
انت تلميذ قبسّتو عا ديـــــــــي
وطعنت بخنجري الله يزيـــدك

داريتك بيقدي طمعت فيـــــــي
بعد مارميتك بساحةّ جريــــدك
كلما بغيب عنك جيت ليــــــي
وكل مابطّل مابتوفي وعيــدك

وتاشعرك يشمخ بعين البـــرية
عطيني من الإلوهية نشـيـــدك
عرّق فكرك تمعّن شويــــــــة
وبدم الفلسفة غطّس وريــــدك

لاتنظر للغير نظرة زريـــــــة
منرجع كلنا نعيّد بعيــــــــــدك
وشعرك هيك بتقدّم هديــــــــة
وبدل مانعيــدك كل عيـد بــدو
يمجق كل حرف خطـو بإيدك

* * * * * * * * * *





----------------------------------------------
" كرمالكم ع النت تابعــنـــــــا = نسقي القوافي من منابعنا "
" بوجودكم معنا امتلت بالذوق  = ومندونكم مافي لها معـنا "
----------------------------------------------
avatar
عمار البراضعي
المدير العام

عدد الرسائل : 1125
العمر : 51
Localisation : لبنان - ضهر الاحمر
تاريخ التسجيل : 22/01/2007

http://7arf.editboard.com

الرجوع الى أعلى الصفحة اذهب الى الأسفل

رد: كل عيد وانتي بخير يا عمّار

مُساهمة من طرف salomon في 1/23/2011, 11:47 pm

يا عمّار يا خيي الحقيقي
انا مشتاق شوفك يا صديقي
ولأنو غيبتي عن أرز أخضر
حلم منشود تا يفتح طريقي

انا بحر القصيدة الما بيكبر
عا خييو ولو خنقني يوم ضيقي
بترك هم عا كتافي تسمّر
وبهدي لصاحبي المخلص بريقي

وما بقبل يوم اغدر لو تقدّر
عليي ابلع الخدعة بريقي
بسامح غلطو وبضل اكبر
من اللي قال مرة من فريقي

انا يا بو اسامة فيك بكبر
لأنّو معدنك در وعقيقي
واذا الإيام جمعتنا عا منبر
بغتي للصبح تا الفجر يطلع
وعلينا يفيق قدموس الفنيفي

بحر الزجل
avatar
salomon
عضو مميز
عضو مميز

عدد الرسائل : 1087
تاريخ التسجيل : 23/05/2007

الرجوع الى أعلى الصفحة اذهب الى الأسفل

رد: كل عيد وانتي بخير يا عمّار

مُساهمة من طرف 7arf في 2/20/2011, 2:28 pm



لوما الحرف عن جرحو تسامـــــى
عليكون طبّق وصيةّ تهامــــــــــــا
حاجي مراجل علينا تـقــــــــــــدوا
غيري ما أخذ لقب الشذامـــــــــــة

أسد بالمعركي ورئبال جــــــــــدو
غضنفر للنفس كاسر صيامـــــــــا
غطمطم شعر لو لولح بيـــــــــدو
البحر بيصير قد بحر البجامـــــــا

البمجال الحرف مرة تـــــــــحدوا
ماتوا عيالهن تركوا يتامــــــــــى
وحرف أخسع ثنائي انصار ضدو
ياعمار لاتحــــــاول مــابـــــــدي
يتّم شربل وإبنك أســـــامـــــــــة
=============



عرفت الحياة بتجربة وكُبـــــر الجراح ... فيها فشل فيها أمل فيــــها نجاح

وطقم السعــــادة اللي عقِل مابيخلـــعو ... لولا استفاد من الخطأ بعد الكفاح

============================
avatar
7arf
admin

عدد الرسائل : 1125
العمر : 51
تاريخ التسجيل : 01/11/2006

الرجوع الى أعلى الصفحة اذهب الى الأسفل

رد: كل عيد وانتي بخير يا عمّار

مُساهمة من طرف salomon في 2/20/2011, 9:23 pm

ياما مفهمك بالشعر ياما
خلّي فوحتك متل الخزاما
ولا تحكي عن بحر بالشعر طوفن
اذا شي نهار عن ردك تعامى
انا يا حرف بحري طاف معجن
وعليي تهافتوا كل اليتامى
لوما جرحتني بالشعر احسن
وشعرك حلّق وأكتر تسامى
كفاك تهين بالحكي المبطّن
أمير الشعر خيّك بو أسامة
نصيحة روح يا ابني تمدّن
وطفّي الكهربا بالبيت احسن
ضلّك ساخن ولابس بيجاما



بحر الزجل
avatar
salomon
عضو مميز
عضو مميز

عدد الرسائل : 1087
تاريخ التسجيل : 23/05/2007

الرجوع الى أعلى الصفحة اذهب الى الأسفل

رد: كل عيد وانتي بخير يا عمّار

مُساهمة من طرف 7arf في 2/21/2011, 2:41 am




مازال رجعت تاتعمل شماطـــا
نادي صاحبك يعمل وساطـــــا
لأنو المسؤولية الشاعريــــــي
ع قدك مايوم كانت مناطـــــــا

تركوا ع عاتقي هالمسؤوليــي
وحاجي تعملوا المنبر جلاطـا
ونصيحة ماحدا يحـتك فيـــــي
لأنو بسيلتي ضعتـوا فراطــــا

انا الوحي النزل ع الكون ليي
هداني بدلتو وطلعـــت خياطـا
كأنو مفصلي خصوصي هديـة
وبأول يوم فـرفـّـطـا لأنــــــــو
بقول المرتجل فتقــــوا بطاطـا

============

وياريت النت بيســـــاعد شويــي
ومتل الصبح بالقـــــوي عشــيي
خمس ردات كنت بطق خصمـي
وبسرعة بشلخ اللي احــتك فيـي
لكن حظنا في هيــــــــك قسمـي
جبرنا نقشع القصـــــــة عاديــي
ونرضى بواقع البيكـون رسـمي
حتى نلتقي سويي ع مســــــرح
ولحـــق كل قصيدي قبال ميــي
=============



عرفت الحياة بتجربة وكُبـــــر الجراح ... فيها فشل فيها أمل فيــــها نجاح

وطقم السعــــادة اللي عقِل مابيخلـــعو ... لولا استفاد من الخطأ بعد الكفاح

============================
avatar
7arf
admin

عدد الرسائل : 1125
العمر : 51
تاريخ التسجيل : 01/11/2006

الرجوع الى أعلى الصفحة اذهب الى الأسفل

رد: كل عيد وانتي بخير يا عمّار

مُساهمة من طرف عمار البراضعي في 2/21/2011, 4:11 am


يارفاق الزجل لاتواخــذونــي = منعني السكري الطـــلة الحنونـة
تركنا موقع الكلمة بمـــــأمن = ع صحن نذورها مذوب جفوني

وشفت بو شربل البحار أئمن = من نجـــوم اللي قالوا بيقربونـي
بوجودو بفتخر بالي مطــمـن = بيمحي حروف جهـل بيخدعوني

ولما الحرف وكلناه أدمـِــــن = فشل بمهمتـو وخيّـب ظنونــــي
بدمو للغدر منصوب مكمـن = رجع ضــــد الثنائي يمد باعـــو
وبحجم زغير بتشوفو عيوني

* * * * * * *





----------------------------------------------
" كرمالكم ع النت تابعــنـــــــا = نسقي القوافي من منابعنا "
" بوجودكم معنا امتلت بالذوق  = ومندونكم مافي لها معـنا "
----------------------------------------------
avatar
عمار البراضعي
المدير العام

عدد الرسائل : 1125
العمر : 51
Localisation : لبنان - ضهر الاحمر
تاريخ التسجيل : 22/01/2007

http://7arf.editboard.com

الرجوع الى أعلى الصفحة اذهب الى الأسفل

الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى