منتديات الزجل اللبناني الشاعر: عمار البراضعي

أهلا وسهلا بزائرنا الكريم
عليك بالتسجيل لكي ترى كافة المواضيع المخفية
=====================
الزائر رحبنـا برسمــــو = وع التسجيل دعينا يفوت
وغير اللي مسجّل إسمو = عنو منخفي يقـــرا بيوت
=====================


وين برهوم ؟ بالقلم العريض

اذهب الى الأسفل

وين برهوم ؟ بالقلم العريض

مُساهمة من طرف 7arf في 12/19/2008, 1:10 am

تم الحذف بناء على طلب الاخ ابراهيم ياسين حتى يصبح جاهزا بعد الأعياد
اعادها الله على الجميع بالخير واليمن والبركة
harf


عرفت الحياة بتجربة وكُبـــــر الجراح ... فيها فشل فيها أمل فيــــها نجاح

وطقم السعــــادة اللي عقِل مابيخلـــعو ... لولا استفاد من الخطأ بعد الكفاح

============================
avatar
7arf
admin

عدد الرسائل : 1125
العمر : 51
تاريخ التسجيل : 01/11/2006

الرجوع الى أعلى الصفحة اذهب الى الأسفل

رد: وين برهوم ؟ بالقلم العريض

مُساهمة من طرف IIbrahim في 12/19/2008, 10:09 pm

بالبداية اسمحولي قدم إعتزاري للشاعرحرف و للجميع على اللغط يلي صار و يلي كان اسبابو مشاكل بالوقت و مشاكل بالجهاز..
على كل حال اليوم بلّشت العطلة و من هون انا رسميا هلّق بتحدى الشاعر حرف على مباراة كاملة افتتاح و معنى و قصيد بالوقت يلي بيناسبو و بدعيه بأقرب وقت يرجع ينزل قصيدة مبارح( مش تا يبدى التحدى و بس و لكن لإنو عنجد قصيدة من هالعيار حرام تنمحى من المنتدى و بكل موضوعية عم احكي)لذلك يا حرف بدي تعتبر هالرسالة اعلان رسمي عالتحدي و ناطرك من الليلة و برجع بقلك و لو كنت زعلان مني انا بعتتز اني باريك و اختبر حالي معك

تحياتي..إبراهيم ياسين
avatar
IIbrahim
شاعر

عدد الرسائل : 99
تاريخ التسجيل : 31/05/2007

الرجوع الى أعلى الصفحة اذهب الى الأسفل

رد: وين برهوم ؟ بالقلم العريض

مُساهمة من طرف salomon في 12/20/2008, 1:59 am

ما فهمت شولّي صار ...صار هجوم***من حرف عا برهوم مش مفهوم
وتا تنحذف قصدان شعريّي***من كل قلبي بقــــول... ما في لزوم

ويني القصايد وين...وينيّي***ما بنقبل يكون الحكي ملغوم
ولا تضيّعونا...؟ بهيك خبريّي***وشعّار انتو بمنتدانا نجوم

ان كان في عركي طبيعيّي***البيموت عمرو بالزجل لا يقوم
وانتا يا حرف الفاهم عليي***ضروري بغيابك ابدل العنوان
ونحط وين الحرف يا برهوم
avatar
salomon
عضو مميز
عضو مميز

عدد الرسائل : 1087
تاريخ التسجيل : 23/05/2007

الرجوع الى أعلى الصفحة اذهب الى الأسفل

رد: وين برهوم ؟ بالقلم العريض

مُساهمة من طرف 7arf في 12/20/2008, 2:43 am


هههههههههههههههههههههههه

سليمان بو بصلات محـــــــــروقة = بيكفيـــــك تســأل نــاس مجلوقة
مش حق تاتسمي اللي صار هجوم = كلما بيصـــــــير شـوي طقطوقة
وتاخبرك شو صار بالمرحـــــــوم = من فايس بووك بروح معجوقة
ودى رسالي خاصة برهــــــــــــوم = طالب حرف بفكار مسلوقـــــــة
وكيف الدني بتصير فيها غيــــــوم = قد الشتي يمكن ذرف دمعـــات
امحي قصايد بكر ممشوقة
============


عرفت الحياة بتجربة وكُبـــــر الجراح ... فيها فشل فيها أمل فيــــها نجاح

وطقم السعــــادة اللي عقِل مابيخلـــعو ... لولا استفاد من الخطأ بعد الكفاح

============================
avatar
7arf
admin

عدد الرسائل : 1125
العمر : 51
تاريخ التسجيل : 01/11/2006

الرجوع الى أعلى الصفحة اذهب الى الأسفل

رد: وين برهوم ؟ بالقلم العريض

مُساهمة من طرف 7arf في 12/21/2008, 4:38 am




كرمال ليلى وعين ليلى يا بشر = بمحي الرسايل بعد ما الموت انتشر
من الذوق والاحساس بدي شيلها = ولا تقول ليلى حرف بالغدر انحشر

حرف
وهلق شو رأيكم ؟

==========


عدل سابقا من قبل 7arf في 12/22/2008, 3:27 am عدل 1 مرات


عرفت الحياة بتجربة وكُبـــــر الجراح ... فيها فشل فيها أمل فيــــها نجاح

وطقم السعــــادة اللي عقِل مابيخلـــعو ... لولا استفاد من الخطأ بعد الكفاح

============================
avatar
7arf
admin

عدد الرسائل : 1125
العمر : 51
تاريخ التسجيل : 01/11/2006

الرجوع الى أعلى الصفحة اذهب الى الأسفل

رد: وين برهوم ؟ بالقلم العريض

مُساهمة من طرف 7arf في 12/21/2008, 4:54 am

وهذا إفتتاحي اللي انحذف

وينك يا ابراهيم يلا ...........
===================



بـشهر أعياد باعتلك تهــــــاني = يامشــــــــــــرف برابيتا الأولانـي
غزلت قصايدي ع فـرد مغزل = وع نول المنتـدى سحبت المـعـاني

قلّي صاحبي سليمان إقبــــــــل = حــــاور شاعر بصف الحــضاني
من تعليق ليلى صـار يجــــفـــل = مـــــــــابدو نـقدها وعايش أنـاني

وانا ما كنت حاورتك بـمـــعـزل = عن اللي قــال عمرو ما هجـاني
بس بخاف كلما الحرف أقــــــبل = تلحق ضعف غيرك بالجـبـــاني

ولولا بيعتبوا عليي بمــحـــفـــل = لشــــو يا حرف تهــبـط بالمعاني
قلت معليش بدي الشعر أجــمــل = من مروج الربــيــــع الأقحــواني

مع غـوار في ياسـين مثّـــــــــــل = القهــــوة يزقها ويحمل صـواني
وجنب الحرف يابرهــــوم إعقل = أوعـى تصير متلو بّدور ثــانـي

مرة بحاور الأعـــقل وأثقــــــل = وبعض مرات من ضعفن بعاني
ومرّة باكل بحربي مـــتــــــــبّل = ووجـــوه بشوف متل البتنجـاني

ولها المستوا مـــا بحـب إنـــزل = لأنــــو كتــــير قاسي يا حنـاني
أنا رح إعترف ضلـيّت أعـــزل = لأنو الشعـــــر يا برهــوم بــدو
سواعد متل عنتورة وهاني

============

يا واقع ليش ما بتكبح غرورك = ليلى كتير .؟جرحتلك شعــورك
يا جايي عا التحدي وقلت قدّي = وبــــــــعد العيد بتظبّط إمـــورك

انا بدّي خصم بالحرب قـــــدي = وبـــقلب المنتدى تلــمــع بدورك
وبعد ما قص رقبتكن بيــــــدّي = لا في شـــاعر يدافــع يا روحي
وما في شيخ رح يقبل يزورك

============

وحياة ربك خبّر البعـــــتــوك = أنو حرف ع الذبح بدو ديـوك
من منتدى سليمان أو عمّـــار = شعّار طلعوا بدون أيّا شــكوك

إياك تقرب ع خطــــوط النار = خليك مـطـرح ما إلي دفـشوك
ان عصّبت بدي دوّر المنشار = وقطّش بقلب المنتدى رقبــات
كل اللي دخلو لهون من فايس بوك

============

وقــبل ما اقبل العركة الجمـــــيلة = انا معروف عنـّـــي بيـن جيـــــلي
واذا رح ارحمك انتي مفـــــــــكّر = طويلي علــيك يا روحي طويــلي

تشكر حرف والخالق تشــكـّــــر = اللي جــابــك هون تا تسمّع متيلي
يمكن فوت عا الموقع منــكــــــّر = ع ظهر حمار مش ظهر الأصيلي

هون بمنتدى الكلمة تذكـــــــــــر = بــــــــــــــدنا رجال فكرتها نبيلي
بدّك تنرعب وتصير اصفـــــــر = هزيـــــــــــل وما إلك باليد حيلي

اركع غصب وتعلّم تحضـــــّر = وخــفـــــــــّف جبلتك حاجي تقيلي
انا ما كان بدّي اليوم تزغــــر = بس حرقـــــت ديني من الرسايل
وجايي اليوم تا إشفي غليلي

==========

بيخبّروني شــــــاعر مهـــذّب = وكل اللي قلّي هـــا الحكي كذّب
مرجي زهـور موّردي أطباق = وزهري جميل بمنــتـدى مشذّب

لكن إنت عن جـــد ما بتنطاق = ولحرب حرف مصـــمم مجذب
قبلك إجاني شي ألف عملاق = وما رجع واحد طيّب من الموت
من هيّك قلّي ليش متعذّب

===========

يا بطيّخ المنابر بالتـحـــــــدّي = مين القــــال إنك صرت قـدي
انا سليمان طقيّتو قصــــــــايد = ودموعــــــو بلّلو وج المخـدي

وِل عمار ربحتو قلايــــــــــد = وراسو بكسرو لو صار ضدي
وعوايد حرف ما يغيّر عوايد = بدو دجـــــــاج بلدي كل مـــدّة

لكن إنت يازيز الحصـــــــايد = جايي محردب ومن عمر جدي
وبعدك شب بس للخلف عايد = طفـل محتار واقــع تحت شـدة

أنا القصـدان بعطيها زوايــد = وصرت رب المعنى بالتصـدي
وثقل الدم صاير فيك زايــــد = وعطوك الدعـــم تنزل للتعـدي

الرسالة بعثتها حاجي تحايـد = تاتجــرّب معي صعـــبة تهـدي
وانا بالمنتدى رح ضل قـايد = جيـبو بو أســــامـــة ليـوم ذاتو
وأبو شربل لحتى يبوس يدّي

===========

يلا ناطرك وينك ؟


عرفت الحياة بتجربة وكُبـــــر الجراح ... فيها فشل فيها أمل فيــــها نجاح

وطقم السعــــادة اللي عقِل مابيخلـــعو ... لولا استفاد من الخطأ بعد الكفاح

============================
avatar
7arf
admin

عدد الرسائل : 1125
العمر : 51
تاريخ التسجيل : 01/11/2006

الرجوع الى أعلى الصفحة اذهب الى الأسفل

رد: وين برهوم ؟ بالقلم العريض

مُساهمة من طرف 7arf في 2/26/2010, 7:09 am

والله اشتقنا للطق هههههههههههههه


عرفت الحياة بتجربة وكُبـــــر الجراح ... فيها فشل فيها أمل فيــــها نجاح

وطقم السعــــادة اللي عقِل مابيخلـــعو ... لولا استفاد من الخطأ بعد الكفاح

============================
avatar
7arf
admin

عدد الرسائل : 1125
العمر : 51
تاريخ التسجيل : 01/11/2006

الرجوع الى أعلى الصفحة اذهب الى الأسفل

الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى