منتديات الزجل اللبناني الشاعر: عمار البراضعي

أهلا وسهلا بزائرنا الكريم
عليك بالتسجيل لكي ترى كافة المواضيع المخفية
=====================
الزائر رحبنـا برسمــــو = وع التسجيل دعينا يفوت
وغير اللي مسجّل إسمو = عنو منخفي يقـــرا بيوت
=====================


من اكون ؟

اذهب الى الأسفل

من اكون ؟

مُساهمة من طرف عمار البراضعي في 12/25/2008, 5:30 am


انا بداية نهــــــاية ولانهاية = ونهـــــــاية كل انسان بقــوايي
انا بداية نباتـــك إحزروني = واســـــــم لبنان حاملني بوكاية

انا فــــــنان لازم تعرفوني = مين بكــون شو قصدي ومنايي
لما بتعـــــرفوني جاوبوني = اكتبولــــي الحل تاحقق رجايي

انا آخر زمــــن بيزم دوني = انا آخـــــــر مكان بقصد جايي
انا اول نمـــــير بيشربوني = أنا آخـــــــر حصـان بكل غاية

انا علقت من نارمين قوني = نهاية ايــــــمن بتصــبح بلايي
انا تلقبت سـيف باسم نوني = انا مع ناهدة عشت البدايــــــة

انا أول نمـر كاسر دعوني = انا اول نجيب حفظت ايـــــــة
انا بأول نــــوال بيقشعوني = وناجي واسم نورة واسم نايلى
ومنكم مين بيحل الحكاية

* * * * * * * *



----------------------------------------------
" كرمالكم ع النت تابعــنـــــــا = نسقي القوافي من منابعنا "
" بوجودكم معنا امتلت بالذوق  = ومندونكم مافي لها معـنا "
----------------------------------------------
avatar
عمار البراضعي
المدير العام

عدد الرسائل : 1125
العمر : 51
Localisation : لبنان - ضهر الاحمر
تاريخ التسجيل : 22/01/2007

http://7arf.editboard.com

الرجوع الى أعلى الصفحة اذهب الى الأسفل

رد: من اكون ؟

مُساهمة من طرف 7arf في 12/26/2008, 3:45 am

لاتآخذ الأسلــــــوب عن حرف بعـجل
ع قصايدك معتـــــــــاد يحكي مرتـجل
غير حرف ماحلل حروفك عم نشــوف
وخلاك حرف النون مش حرف الزجل
===============


عرفت الحياة بتجربة وكُبـــــر الجراح ... فيها فشل فيها أمل فيــــها نجاح

وطقم السعــــادة اللي عقِل مابيخلـــعو ... لولا استفاد من الخطأ بعد الكفاح

============================
avatar
7arf
admin

عدد الرسائل : 1125
العمر : 51
تاريخ التسجيل : 01/11/2006

الرجوع الى أعلى الصفحة اذهب الى الأسفل

رد: من اكون ؟

مُساهمة من طرف امير في 12/27/2008, 7:41 am

من اكون؟
انا راسي ابتدا براس البدايه ------وبيت الشعر ما تكوّن بلايي
انا الراوي رغم ما بتشربوني------ونكرتو فضل خيري عـ القنايي

راسي انا عنو ان قَطَعْتوني ------و قَطَعتوني بلا سيف وعصايي
جرحي التهب وتحول سخونه ----- بتحرق من عصا درب الهدايي

واذا ضهري كثر ما حَمّلوني ----- انكسر, وانحل وِسْطي من شقايي
ساعتها بشوف عـ مرمى عيوني ----- اسمي نهايتو حفه منيعه
عليها تكسّر ولاقى النهايه

امير

عدد الرسائل : 22
العمر : 33
تاريخ التسجيل : 14/08/2008

الرجوع الى أعلى الصفحة اذهب الى الأسفل

رد: من اكون ؟

مُساهمة من طرف 7arf في 12/28/2008, 2:06 am


ليلى كتبت
لم يسكت حرف لعمار ولم يأت رده كافيا، هل "يزكزك"حرف عمار? مع أن بداية عمار كانت قوية جدا، وكما تحتوي تحديا، فهي تحتوي استفزازا للشعار وتحفيزا على عدم لزوم الصمت. جعل عمار حرفا ينطق، فهل جلب الدب إلى كرمه، أم إلى المصيدة? دعونا ننتظر ولا نستعجل الجواب.
==========================
رد حرف على ليلى وحل لغز امير مهاجما عمار وابراهيم معا==========================

مازال الرد مش محسوب كافي = انا رح توجو وزيدو عـــوافي
ان قللتو عم يقولــــــــــوا قليلة = واذا كبّرت فزّعت الفيـــــافي

احترت بالشعر بين ولاد جيـلي = بليلى المذوقة برقـّة ولطـــافي
وبرهوم العمل ع الحرف حيـلة = وحكاني وقالها وج النشـــافي

وأمير التوّج الكلمة بمثـيــــــلة = تايروي كل متعطش بيعـــافي
ثاني وثالث حروفـــــــو النبيلة = لغزو بيعرفو حرف الثقـــــافي

وبقي عمار والباري وكيــــــلي = عليي بيشهد بسكـــب القـوافي
الحرف مش دب لكن يازميــلي = اذا بتحب رح جيبو ع كرمــك
رصاصك زكزكو بطول المسافي
============

والله يا آنسة ليلى كأنك قاعدي بقلبي . انا بصراحة حبيت استفز عمار
لأنو حكي معي ع الماسينجر وحسيتو متحييز نوعا ما مع ابراهيم وحبيت طقو
هههههههههههههههههههه بس بتمنى مايزعل مني ويلاقيني ع التحدي

==============================


عرفت الحياة بتجربة وكُبـــــر الجراح ... فيها فشل فيها أمل فيــــها نجاح

وطقم السعــــادة اللي عقِل مابيخلـــعو ... لولا استفاد من الخطأ بعد الكفاح

============================
avatar
7arf
admin

عدد الرسائل : 1125
العمر : 51
تاريخ التسجيل : 01/11/2006

الرجوع الى أعلى الصفحة اذهب الى الأسفل

رد: من اكون ؟

مُساهمة من طرف امير في 12/28/2008, 4:45 am

حلو يا حرف , حل كمان هاي ( واكيد بتحلها لانها سهله)

انا سحري انذكر في كل ايه --------وما في شاعر حكى الكلمه بلايي
مره من همومي بمرّ حاني --------------ومره بسمتي فالش عبايي

انا تربعت عرشي وصولجاني-----------ابن اربعتعش عـ العيد جايي
واذا راسي, قطع سيف الجباني -------- بمراري تمرمر وضيّع حلايي

واذا عـ الفجر خانتني الامانه -------- واسمي انذبح غدر عْلى المرايي
عـ اخر "رمق" بدو عنفواني -------- عـ اول خيط من شمس الحقيقه
---------------- يشنق من ذبحني لأجل غايه ---------------

امير

عدد الرسائل : 22
العمر : 33
تاريخ التسجيل : 14/08/2008

الرجوع الى أعلى الصفحة اذهب الى الأسفل

رد: من اكون ؟

مُساهمة من طرف 7arf في 12/28/2008, 5:15 am

على التحزير حرف الشعر ارفق = قوافي مبكلي احمـــــــر وازرق
بعلا قوس القزح ودى مداهـــــا = وبي بحر المرتجل خصمو بيغرق
وياحبوب هالكلمة بعلاهــــــــــا = كأني عرفتها وبتكون ممـــــــرق
وامير الحقها الكلمة عطــاهـــــا = جنب الحرف بالساحة تعمـــــلـق
من الغيمة لاتفزع او غطاهــــــا = اذا بالجو كانت دوم مخــــــــرق
البدو يذبحك قلو بلاهــــــــــــــا = وعلى شكل الشفق بيصير لونـــو
وعلى اللي بيعتدي نحنا منشفق
============


عرفت الحياة بتجربة وكُبـــــر الجراح ... فيها فشل فيها أمل فيــــها نجاح

وطقم السعــــادة اللي عقِل مابيخلـــعو ... لولا استفاد من الخطأ بعد الكفاح

============================
avatar
7arf
admin

عدد الرسائل : 1125
العمر : 51
تاريخ التسجيل : 01/11/2006

الرجوع الى أعلى الصفحة اذهب الى الأسفل

رد: من اكون ؟

مُساهمة من طرف عمار البراضعي في 12/30/2008, 1:35 am


ياحرف بلأعـــــــــيــاد خلـــيني = كم لتر ســاوي حســـــاب قنــينة
من دون خمرة بالشعر سكــران = زايد ع بـو النــــــــواس دزينــــة

مش متل شغلك مهتري وطفران = غيري انـطرت تاالدخل يعطيـني
بدك تحدي فوت بالمـــــــيــــدان = رصاص ـ الحقودي مـــابيعنيني

جنّد شو عندك بالشعر قصــدان = ونقي شـــــــــــو بدك تاتسليـــني
وع الحــــالتين بتطلع الخســران = بكلمي ورصاصـة إفتح من جديد
وشرّف على الموضوع لاقيني

* * * * * * * * * *



----------------------------------------------
" كرمالكم ع النت تابعــنـــــــا = نسقي القوافي من منابعنا "
" بوجودكم معنا امتلت بالذوق  = ومندونكم مافي لها معـنا "
----------------------------------------------
avatar
عمار البراضعي
المدير العام

عدد الرسائل : 1125
العمر : 51
Localisation : لبنان - ضهر الاحمر
تاريخ التسجيل : 22/01/2007

http://7arf.editboard.com

الرجوع الى أعلى الصفحة اذهب الى الأسفل

رد: من اكون ؟

مُساهمة من طرف امير في 12/30/2008, 5:28 am

يا بن قدموس يعطيك العوافي ------يا حرف الابجدي ودين الثقافه
شرعك بالقوافي حكم مطلق ------ وفارض هيبتك سطوه ومخافه
وببحر المرتجل خصمك بيغرق--------قولك حق لا نقص واضافه
والبرهان كم شاعر بيعلق --------- بفرد نهار عـ فخ القوافي

واذا لغزي انا مبطن واعمق --------وحامل بعد خلف القمر خافي
مثل ما فهمت عـ قصدي, تحقق ------فهمت عليك عا ابعد مسافه

انا طليّت صقر بجو حلّق --------- ما قصدي هاجم بيوت الضيافه
درب الحقد عا قلبي مغلّق----------ما قصدي وسّع بواب التجافي
ركبت الجو قبل الضو شقشق ---------ابرم حوم في جبال وفيافي
تـ لاقي ند قد الريح يلحق ----------ورا الخيّال عـا ضهر الجلافي

بأرض الأرز شفنا حرف علّق ----------سبع معلّقات بكل قافي
واذا وحيي جنب وحيو تعملّق --------ووعي المارد الفيي كان غافي
لأنو ذوقنا نبيذو استذوق ----------ودمي انحقن منو خمر صافي
شعر تخمّر بمخو تعتّق ----------سكبلي كاس , لعيونو رفعتو
----------------نخب راس السنه ونخب التصافي---------

امير

عدد الرسائل : 22
العمر : 33
تاريخ التسجيل : 14/08/2008

الرجوع الى أعلى الصفحة اذهب الى الأسفل

رد: من اكون ؟

مُساهمة من طرف 7arf في 12/31/2008, 3:39 am

ياصقر الموهبي القاصد ديـــاري = الغلط أكدت من قبل بحــــواري
طلعت للسكب والمنبر أميــــــرو = ملك ع العرش والحولك جواري

ياريتك قبل يانسر بصفــــــــــيرو = تعلا ع مدى جــوي ومــــداري
كنت عام المضى بنهري وخريرو = دلقت الخمــــــر تانخبك شربتو
وبعتلك سلامـــــــــي واعتذاري
=============
كل عام وانت بخير


عرفت الحياة بتجربة وكُبـــــر الجراح ... فيها فشل فيها أمل فيــــها نجاح

وطقم السعــــادة اللي عقِل مابيخلـــعو ... لولا استفاد من الخطأ بعد الكفاح

============================
avatar
7arf
admin

عدد الرسائل : 1125
العمر : 51
تاريخ التسجيل : 01/11/2006

الرجوع الى أعلى الصفحة اذهب الى الأسفل

الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى