منتديات الزجل اللبناني الشاعر: عمار البراضعي

أهلا وسهلا بزائرنا الكريم
عليك بالتسجيل لكي ترى كافة المواضيع المخفية
=====================
الزائر رحبنـا برسمــــو = وع التسجيل دعينا يفوت
وغير اللي مسجّل إسمو = عنو منخفي يقـــرا بيوت
=====================


لحقني يا حسن بالتلات مواقع ههههههههه

اذهب الى الأسفل

لحقني يا حسن بالتلات مواقع ههههههههه

مُساهمة من طرف salomon في 3/1/2009, 5:26 am

يا كوتراني هات شو عندك بيوت***وخلّي الوحي يرتاح عا سطوح البيوت
شو باك مادد متل خيط العنكبوت***ومعربش من الباب ما بتقدر تفوت
عصام طلمس نقّطقك شعرو بسكوت***وجايي انا تا لعّبك بالبابي فوت
يا بتترك الطابات تدخل بالشبك***يمّا عا ايدي بالزجل بدك تموت
avatar
salomon
عضو مميز
عضو مميز

عدد الرسائل : 1087
تاريخ التسجيل : 23/05/2007

الرجوع الى أعلى الصفحة اذهب الى الأسفل

رد: لحقني يا حسن بالتلات مواقع ههههههههه

مُساهمة من طرف salomon في 3/3/2009, 3:40 am

كلما من بيوت الحلا بتقـــول هــــات ... بغّزلـــك بيوتي عَ نَوُل الآلِـــــهات
إعقل يا بيبي وفوت عّ بيت الهُـوات ... وإنتِ ويوسف بَرهنو انكنتو نوات
مَ الموت حَقْ لكل نفــس وكــل ذات ... هددتني بمــرجع جميع الـــكائنات
في ناس بيموتو عند ما يــــخلــقو ... وفي نـــاس بــيموتن بزغ فجر الحيات



سليمان

أخ أخ أخ

يا مدعي بمرجع ما عارف مرجعو***كل اللي قلّك ها الكلام بنمنعو
الأرواح يا حسّون لمّا بيطلعوا***عا جنّة الفردوس روح بيطلعوا
جرّبت فوت ب باب جهلك شرّعو***لقيّت الدرف من وهج شعري تخلّعوا
وما شفت ألّا بووم أسود ناطرك *** قلّي الخواجا مات وعيوبو معو
__________________
حسن كوتاراني


يا شعر عا قرطـــاس إلهــامي كتوب ... تامَوّنــك من مَرج إلــهامي طُــيوب
وصفحة عيوبي فَوق منبرنا قــلــوب ... تا تعّمر بيوت المعنى بـــاالـــقلوب
إيـــاك تنكّر مَرجعك يا شب تـــــوب ... ولا تعاند الرحمان غفّـــار الذنـــوب
وان شفت فينا عَيِب عينك غُضـــها ... عِنا عيون وحضرتك كِـــلك عيـوب




مش عم إقدر فوت عاالموقع حاول تصلحلي المشكلي مع الشكر سلفا


سليمان

مين البينكر مرجعو تا تراجعو***عا هيك ردّة السامعينك راجعوا هههه
يا كوتراني الهاجموني تراجعوا***وما فات شاعر غير كنت موجّعو
عيون الأنس والجن ما بيطّلعوا***عا عيوب شاعر مجد الله مرجعو
ان غضيّت عيني عن عيوبك بالزجل***رح كون شاهد زور علّي بيدعوا
__________________

حسن


ما زال عِـــندك قلـــب وبعينك نَــــضر ... كـــون متل الريــــح شــاهد عاالشجر
شـــادي قبالك مـتـلْ بركــان انــــفجر ... ومن كــــتر بَهورتك إبن يوسف هَـــجر
لوما الــــخطيي تســـنْ قانون البشـر ... تا عيِــــب آدم فــــي مَــــراجِعنا ضــهر
حســـبني متل شيحا وعيبي خــاطيي ... ان ما كِــــنت خاطي عـــجّل رميني بحَجر

سليمان

مين قال جايي عليك ارمي بالحصا***وعندك خطايا كتير صعبة تنحصى
المضروب شادي...!!! صار يفهم بالعصا***وعصام يوسف يوم أمري ما عصا
وما زال ما بتشوف دعسة ناقصة***خليّك ماشي.. بالمواقع قرفصة
ومازال صارالعيب عندك قاعدة***كشّف عا صدرك لَيْ light ...متل الراقصة
__________________

حسن
بكـــلْ رَدي بـــجاوبكْ ما بسألك ... وبعـــدك ع حالك لا عَليك ولا إلـــك
درب الخَـــطيي جِدنا آدم سلـــك ... وحتى تعّـــدْ عيــــوبنا مـــا وكــــلـك
لـــما على كتاف الشبيبي نحمّلك ... ويرقص جــــرس من قبتي ع محملك
خايف عند ما تشوف صدرْ الراقصة ... ما تقتلْ القدِيــس وتخون المَلــــــك

سليمان

عا الرقص ما حبيّت اعطي محاضرة***كان القصد انّو عيـــــــوبك حاضرة
ورقصة جرس....!! صورة...؟ جميلة.. ونادرة***غير العيوب الظاهرة ب مبـــادرة
بس الما عندو عيب نفسو قادرة***تقاوم خطايا من بغايا صادرة
ما بيقتل القديس غير كفر البشر***وعيب الملك غطّى الأيادي الغادرة
avatar
salomon
عضو مميز
عضو مميز

عدد الرسائل : 1087
تاريخ التسجيل : 23/05/2007

الرجوع الى أعلى الصفحة اذهب الى الأسفل

رد: لحقني يا حسن بالتلات مواقع ههههههههه

مُساهمة من طرف salomon في 3/4/2009, 11:45 pm

عيـــبي حــسن لّما بيفقد مُـــستواه ... يا فَـــرحة سليملن عــيبو عَ قفـــاه
وحــدو الإه مـــنزّه بـعالي ســمــاه ... مــا فـــي ولا كائن بلا عيبي سِواه
بين خــالق ومــخلوق لوما الأشتباه ... وعا صـــورتو يا طراد سِرّو ما عطاه
ولطـــالما المخلوق صورة خـــالقو ... لا تشــــوّهو بـــتمــــس بــــخلق الإه
[/b][/center]
avatar
salomon
عضو مميز
عضو مميز

عدد الرسائل : 1087
تاريخ التسجيل : 23/05/2007

الرجوع الى أعلى الصفحة اذهب الى الأسفل

رد: لحقني يا حسن بالتلات مواقع ههههههههه

مُساهمة من طرف salomon في 3/4/2009, 11:47 pm

انا كامل انا من العيب خالي***وما بقبل شهرتي تنقّص خيالي
رسمت الشعر عا شفاف المسينجر***وبموقع نت كمّلت الرسالة

يا عيب الشوم عا شاعر بيخسر***نبوغو بس تا يربح عمالي
لأنو العيب بدماغو استأجر***محل وصار يغرق بالسفالي

انت عيب الأذا حبستو تحرر***من التهذيّب والذوق المثالي
لأنو عيبك بطبعك تفجّر***وكشفت اللي انستر متل الغزالي

انا كامل متل شي طقم جوهر***عا صدر مفرّع فلشت اللالي
وانت عيب الفتح تمّو وزفّر***بعد ما شاف عا المنبر كمالي

وما زالك مؤمن بالله تزكّر***كمال النقص نعمة من الأعالي
كمال البدر خلّى الشعب يفطر***وعيوب الرقص مسخرة الليالي

وانت عايش متل فضلي بمهجر ***ما شفت العيب ببلاد الايطالي
الشرف ببلادنا بيضل اطهر ***لأنو العرض يا حسّون غالي

عيوب الحكم خلّى الأمن عسكر***وأدلة كاملة بتعمل عدالي
وعيوب الشخلعة بها العصر أخطر***من البارود قضيت عا الأصالي

وما زالو خالقك ربّك بمظهر***عاري ضل عاري ولا تبالي
يمّا بورقة التيني تستّر***وبلا ما تلبس تياب الجديدي
وعا صدرك كشّف بمعرض جمالي
avatar
salomon
عضو مميز
عضو مميز

عدد الرسائل : 1087
تاريخ التسجيل : 23/05/2007

الرجوع الى أعلى الصفحة اذهب الى الأسفل

رد: لحقني يا حسن بالتلات مواقع ههههههههه

مُساهمة من طرف salomon في 3/5/2009, 6:48 am

حملني الشعر بعــتم الليـــالي ... على جنــاحو منْ القطبْ الشمـــالي
لا عرّقل مسيري ريـــح عـــاتي ... ولا بُـــــعدْ المدا ضييق مجــــالي
وكأني ع بساط الريح آتـــي ... ومن جبيني سَـــطعْ نور الغَــــزالي
وعلى لَــوح الخُلود معلقاتي ... بأحرف نــــور والقبي تــــــــــلالي
يا إبـن طراد ما بتجهل ثباتي ... لا تتضاهر بأنــــك ْ لا مُـــــــــــبالي
وما تعمل حساب مفاجئائاتي ... وتفضح نقصك بهــــيبة كـــــــمـالي
أنا عيبي بوجه نــقد ذاتــي ... لأنـــي ذكرت جــــــنات الأعــــــالي
وآخــــد من نقص آدم صِفاتي ... كمـــال البدر من عيبة هــــــــــلالي
إذا بصحا بتغفا آلــــــهاتي ... ع شِعري ومنطقي وبُــعدو الجمالي
وإذا بغفا بتصحا مُعجِزاتي ... وبترّقص عــــناقيد الـــــــــــدولــــي
يا بو شربول كأنك حماتي ... بتنعــــت باالعـــــمالي والســــفالي
قبل ما تنكدو عليي حياتي ... متلْ رَجــــم الشياطين رجِــــــــــموني
إذا فيكنْ حــــــدا من اللعيب خالــــي
avatar
salomon
عضو مميز
عضو مميز

عدد الرسائل : 1087
تاريخ التسجيل : 23/05/2007

الرجوع الى أعلى الصفحة اذهب الى الأسفل

الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى