منتديات الزجل اللبناني الشاعر: عمار البراضعي

أهلا وسهلا بزائرنا الكريم
عليك بالتسجيل لكي ترى كافة المواضيع المخفية
=====================
الزائر رحبنـا برسمــــو = وع التسجيل دعينا يفوت
وغير اللي مسجّل إسمو = عنو منخفي يقـــرا بيوت
=====================


توأم روحي

اذهب الى الأسفل

توأم روحي

مُساهمة من طرف salomon في 7/12/2009, 11:16 pm


كنت بالمستشفي ناطر الدكتور وتأخر شوي بالعملية وانا قلقان طلعت ها القصيدة النص الأول قبل الولادة والنص التاني بعد ما اجاني الخبر

الرب أنعم عليي بتوأم بنت وصبي ، من فرحتي كتبت هالقصيدي
وفرحتي كانت مدوبلي ومتل ما حسيت بقول

ومتل البيقسم فرحتو بالنص
هههههههههههههههههههههههههههههههه



يا شوق خبّي القلق..لا تفقد الأعصاب***وخلّي شعور الحلو...يظهر على جبيني
ناطر سفير الأمل...تا يدخل من الباب***ويزرع صباح الفجر...وردة ببساتينيييييييييييي

شو صار فيي انا...بها الوقت يا أحباب***ضليّت شاعل جمر...والشوق يطفيني
نتّف بايدي الوقت...تا أخنق السرساب***وأبرم عا حالي وخلص...قلقان ما فينييييييييي


ومن بعد نطرة فرح...حسيّت قلبي داب***لمّا عليي دخل...دكتور يحكيني
قلّي بسلامة انولد...توأم حلو وجذّاب***فزيّت يمكن متر...من فرحتي...؟بدينييييييي

أجمل هديّة انهدت...من ربّنا الأنجاب***والله كريم وعطا...النعمة على الهيني
عا القلب بنت وصبي...فاتوا عطر منساب***يزهّر ربيع انطوى...بروزنامة ســــنينيييييييييييييييييييييي
avatar
salomon
عضو مميز
عضو مميز

عدد الرسائل : 1087
تاريخ التسجيل : 23/05/2007

الرجوع الى أعلى الصفحة اذهب الى الأسفل

رد: توأم روحي

مُساهمة من طرف عمار البراضعي في 10/6/2009, 7:20 pm

سليمان بدعي إلك من بعد أجمل توم
نشالله تشوف السعد ع وجاههم جايي
وبدال كحل الهنا بميل القوافي اليوم
كححل عيونن سوا من قبل القراية

ياريت جنحو النسر بيعيرني للحوم
وحللق بقرص الفضا وإرفع إلك راية
وإوصل ع بيت الوفا بنقوط عندي روم
ونشرب المغلي سوا وباركلك كفاية

انطلعوا لخالن فخر بين الربع والقوم
انكانوا لعمن طهر يتعمدوا هداية
لكن انطلعوا إلك بالشعر وين اللوم
وماضل غيرك ملك حرفو سكب آية

يربوا بدلالك سوا بجانح حنونة النوم
جانح الإم انكتب بيلم ببداية
ولبوة ع جنب الأسد بين الفطر والصوم
عاشت بغربة معك متلك مرباية

من هيك الله طعم والشكر دايم دوم
من الرب تأتي النعم مافي لها نهاية
الخلا بيبيت السبع العظام تبقى عوم
وأشبال غير للأسد مابتولد الغاية
_____________________________

ألف مبروك _ عمار البراضعي


عدل سابقا من قبل عمار البراضعي في 10/9/2009, 12:49 am عدل 1 مرات



----------------------------------------------
" كرمالكم ع النت تابعــنـــــــا = نسقي القوافي من منابعنا "
" بوجودكم معنا امتلت بالذوق  = ومندونكم مافي لها معـنا "
----------------------------------------------
avatar
عمار البراضعي
المدير العام

عدد الرسائل : 1125
العمر : 51
Localisation : لبنان - ضهر الاحمر
تاريخ التسجيل : 22/01/2007

http://7arf.editboard.com

الرجوع الى أعلى الصفحة اذهب الى الأسفل

رد: توأم روحي

مُساهمة من طرف salomon في 10/7/2009, 3:27 am



قديّش بدي انا...اتشكّرك يا رفيق***ومشتاق نطفي العطش بقلوب شعلاني
انشالله غيابك سبب...بيكون ما في ضيق***ويضل بيت الفرج...أفراح وغناني

شكرا يا بو أسامة ولا تطوّل الغيبة ناطرينك وسلام خاص ل حرف وقلو شو طوّل سفرتو وكيف احوالو يطمّنا
avatar
salomon
عضو مميز
عضو مميز

عدد الرسائل : 1087
تاريخ التسجيل : 23/05/2007

الرجوع الى أعلى الصفحة اذهب الى الأسفل

رد: توأم روحي

مُساهمة من طرف عمار البراضعي في 10/7/2009, 7:39 pm

salomon كتب:


قديّش بدي انا...اتشكّرك يا رفيق***ومشتاق نطفي العطش بقلوب شعلاني
انشالله غيابك سبب...بيكون ما في ضيق***ويضل بيت الفرج...أفراح وغناني

شكرا يا بو أسامة ولا تطوّل الغيبة ناطرينك وسلام خاص ل حرف وقلو شو طوّل سفرتو وكيف احوالو يطمّنا

.............


سليمان أكثر أنا مشتاق للأصحاب
نرجع نرندح سوا بالشعر وجــــوابو
نغفى بقصيد الهنا غفوة كحل ع هداب
ونوعى بحوار ونقد بنـّـــــا لكتـّـــابو

وع الصيد نغزي بقوا تالسيف ينسى قراب
ندحرج قراعي الزجل واللي الزجل عابوا
مشتاق ألنا النصر سبعين وسط الغاب
نسأل ع حرف البطش يللي ترك غابو

ولو كل غيبة لها ظرف وحكم بغياب
والغاب عذرو معو تانشوف شو صابو
نشالله بيرجع لنا ويشرحلنا الأسباب
وتبقى خيار البشر تحكم على غيابو
_________________
تسلم خيي ابو شربل وسلام للجميع وصرنا على همة بالقطاف وراجعلك عن قريب



----------------------------------------------
" كرمالكم ع النت تابعــنـــــــا = نسقي القوافي من منابعنا "
" بوجودكم معنا امتلت بالذوق  = ومندونكم مافي لها معـنا "
----------------------------------------------
avatar
عمار البراضعي
المدير العام

عدد الرسائل : 1125
العمر : 51
Localisation : لبنان - ضهر الاحمر
تاريخ التسجيل : 22/01/2007

http://7arf.editboard.com

الرجوع الى أعلى الصفحة اذهب الى الأسفل

الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى