نقزني الشيخ !

من طرف **عمار البراضعي** 11/24/2009, 11:05 pm

ا

المرحوم بيي مات بالتسعـيـــــن = وكان بعمر خمسين ياخطـيـة
للشعر مرجع كـــــــان او للدين = مصلح خير قدوة اجّـتماعـيـة

ومن كم يوم بشــــــوف يامحبين = بالحي مارق كان عصريــــة
مدري حلم مدري الوحي تخمين = الصورة رسملي قبال عينـيي

لحقتو تاإتأكد بسرعـــــــــة مين = قلو عامهلك وقــّـــــف شويـة
إتأملو بعيون حزنــــــــــانـيـــن = ولمــــــا بدورو بيلتفت فـيي

بقشع شبـــــــيه حواجبو وجبينن = ولومــــا عاخدو شفت شامية
طبق الأصل منسوخ بالتكويـــن = وعا قد ماشبيهو كنت عاشوي
قربت ضمو وقول يابيي

* * * * * * * * * *

من طرف rabeaa 11/25/2009, 5:49 am

بييك اديب وشــاعر الشـعار
وشيخ الوفا وبـظل قـدوتنـا
وبعدن لحد ليوم يـا عمــار
بيحكو بِأسمو رجـال ضيـعتنا

من طرف **عمار البراضعي** 11/26/2009, 12:54 am

نحنا الفروع وبالجذوع منعتــني
لافرق عنا خاص يمّا بالعمــوم
إبن الأصل بين الأصالة بيغتني
وبالخيـر مثناكم ياإخوتنــا يدوم

* * * * * * * * *

من طرف امطانيوس الزحلاوي 12/16/2009, 11:21 am

مشتاق

ليك

كتير

يا بيي

يا روح

الله

العايشي

فيي

أمتين

بدنا نلتقي

ويا ريت

ملاك

العذاب

بيسأل

عليي

الله يرحم بيك يا بو أسامة

عممك امطانيوس

من طرف **عمار البراضعي** 12/17/2009, 4:16 pm

البيّات......

كلمةّ

حب.

كحلـها الضمير !!!

بإسم

الوعي

مرجع

لألنا

بهالحياة.

بينهد ركـن البيت..

من بعد

الكبير !!

لوما الفروع

تخلدوا

بعد الممات

* * * * *
الله يرحم كل أمواتك
وتعيش بطول العمر

من طرف hiam 12/18/2009, 12:41 am

شكرا لكم جميعا على هذه الروائع

نقزني الشيخ !

نقزني الشيخ !

رد: نقزني الشيخ !

رد: نقزني الشيخ !

رد: نقزني الشيخ !

رد: نقزني الشيخ !

رد: نقزني الشيخ !