منتديات الزجل اللبناني الشاعر: عمار البراضعي

أهلا وسهلا بزائرنا الكريم
عليك بالتسجيل لكي ترى كافة المواضيع المخفية
=====================
الزائر رحبنـا برسمــــو = وع التسجيل دعينا يفوت
وغير اللي مسجّل إسمو = عنو منخفي يقـــرا بيوت
=====================



انضم إلى المنتدى ، فالأمر سريع وسهل

منتديات الزجل اللبناني الشاعر: عمار البراضعي

أهلا وسهلا بزائرنا الكريم
عليك بالتسجيل لكي ترى كافة المواضيع المخفية
=====================
الزائر رحبنـا برسمــــو = وع التسجيل دعينا يفوت
وغير اللي مسجّل إسمو = عنو منخفي يقـــرا بيوت
=====================

منتديات الزجل اللبناني الشاعر: عمار البراضعي
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.

نقل محاورة مميزة

اذهب الى الأسفل

نقل محاورة مميزة Empty نقل محاورة مميزة

مُساهمة من طرف salomon 12/8/2009, 12:15 am

الاسم: عمار
البلد: لبنان


يا بو أرز إحساس شعرك هزنا

ومعقول منعزك قدر ماتعزنا

بس اللي مش معقول ياأرز الوطن

ننسى كرامتنا وحقيقةّ عزنا

************************
تحياتي


الاسم: ابو ارز
البلد: البرازيل celand

زيارة الكبير طليع حمدان الى منزل الصديق الحبيب عمار البراضعي

معقول تزهق ام من طفلا الرضيع
وتمل من ورد السهل شمس الربيع

بس اللي مش معقول فيكي يا دني
يبطل بو ارز يحب عمار وطليع

حبايب قلبي انتو وين ما كنتو



الاسم: Hosam
البلد: Lebanon



مابين شِدي وبين شَدة عالحروف

مابحط نفسك تحت شِدي بهالظروف

بشدد على العودة الشِدي بزيلها

وبشد حرف الشين تانخشّ الدفوف




الاسم: ابو ارز
البلد: البرازيل

لا تشد راء المحرمي شو بينفعك

خايف اذا ببكي عليها اوجعك

من يوم ما شد السفر ع المحرمي

حرم حياتي تسهر وتحكي معك

ابو ارز


الاسم: hosam
البلد: lebanon

يابو أرز فكرك لمطـــرح ماسرح

بالمحرمة وإجرامها الحل انطرح

رح شد حرف الراء ضـمن المحرمة

ومحرّمي تبقى لغير دمـع الفرح


الاسم: ابو ارز
البلد: الرازيل

وديت محرمتي الك نفحة وطيب

ودمعة حنونة تغمرك صبح ومغيب


تا تجيب ليي عطر من روحك قريب


وذكرى من سنين الصبا قبل المشيب


ومن تحت حاء المحرمي قلبي الكئيب


نقطة زرعتو وجيم صفا ومش عجيب


شو مجرمي بتصير محرمة الاديب


الشوكة اذا دقت بضلع العندليب


وتاتظل محرمة الوفا تطفي اللهيب


يا خوذ محرمتي يا محرمتك بجيب


حتى اذا غابوا العيون من العيون


دمع الحبيب يظل مع دمع الحبيب

محبتي يا عمي ها
ابو ارز



الاسم: hosam
البلد: lebanon


يابو أرز شو قصد محرمةّ الولـــوع

غير تنطر الغيّاب ساعات الرجـــوع

كلما بتشرق شمس ع ترم الطلــــوع

قبل الغياب وقبل صلوات الركـــوع

المحرمة المنها ريحةّ الأرزة تضوع

منك هدية قبلتها قبــــال الجموع

خزقتلها من مهجتي قصــــاب وضلوع

ونشفتها ع نذر لهبات الشـــــموع

تاشمّ عطــــــر الموطن بفن الوحي

ونبكي على اللي كـانت تلم الدموع
salomon
salomon
عضو مميز
عضو مميز

عدد الرسائل : 1087
تاريخ التسجيل : 23/05/2007

الرجوع الى أعلى الصفحة اذهب الى الأسفل

نقل محاورة مميزة Empty رد: نقل محاورة مميزة

مُساهمة من طرف salomon 12/8/2009, 12:18 am

يا محرمي يا ململمي دموع العذاب

ويا دمعتي ال ريفك على الهجران ذاب

كنا يا غالي ثياب عم تغمر ثياب

صرنا دموع ومحرمة تلولح عذاب

لا تخاف مهما تطول ايام الغياب

بدنا شروق نعود من بعد الغياب

شاعر بيطل من الوحي يغمر وحي

وشاعر بيطل من التراب على التراب

محبتي يا عمي محبتي
ابو ارز


الاسم: hosam
البلد: lebanon


بنفس القوافي يافكاري تبسمي
وع حضن الله الشعر بالعليا ارتمي
يا بو أرز شايف فكارك ملهمي
صيف وشتي بجران عيني محممي
بكرة ان عاد صيف او هجرو نمي
بالمحرمة بلولح بنفس مأجرمي
وبهديك مني المحرمة تلملم دموع
وبصير ببكي عالصيف والمحرمة


الاسم: ابو ارز
البلد: البرازيل

خيي حسام الارز ع جبالو سمي

بصيف وشتي بيظل راية مكرّمي

وتنقول عنك غبت صيف بموسمي

وفصل الشتي بعيونك دموعو رمي

بكرا بيعود الصيف من بعد الغياب

تا يلملم دموع الشتي بالمحرمة

ابو ارز


الاسم: hosam
البلد: lebanon

يا بو أرز انت الإبا وباقي فتى

متل الأرز ماشاخ وخلودو فتى

بهجرك لبس نص كم بالصيف التياب

إرجع تايدفى ويلبس تياب الشتى




الاسم: ابو ارز
البلد: البرازيل

كلما صباح يطل ونودّع مسا

منقول يللي صار بكرا بينتسا

وارض اللي لبست ارزة بلادي ثياب

مهما سقوها جروح ما بتلبس اسا


ابو ارز



الاسم: عمار
البلد: لبنان


لاتفزع يابطل شمر كمامك -- عريض الباب إحني فيه هامك
بيضل يساع كل واحد ع قدو -- وإلك رح افتحو واسع مادامك
وبأهلا ومرحبا بلاقي البودو -- اذا عن حب جايي بإحترامك
بيفلشلك ورودو وزهر ندو -- حتى تبصر بخيرو منامك
وتاريخك قبل مانعرف شوبدو -- اذا حبيت تاترشق سهامك
واذا بتحب جرب كون ضدو -- غلطة بتقترف فيها بكلامك
مافيك الموقعو وصرحو تهدو -- لأنو لحمك بيترك عظامك
واذا مسالم قصدتو شوف ردو -- فلش قلبو وليمة وشق صدرو
بصرح عمار تايعلي مقامك



الاسم: البطل
البلد: جار الرضى

افتحوا الحيطان,من فسحة كتافي-- بفزع مايكون الباب كافي
لأني خلقت قد الشعر كلو -- معبى فنون ومطفح قوافي

وياعمار هالموقع بقللو -- بلسان العبقريي بقلب صافي
م جايي تالقصر هدو و ذلو -- ولاجايي ت مشي الشعب حافي

ولابدي العرش هزو واستحلو --ولا خلي الدم بحر النار طافي

جايي باسم تاريخي وسجلو -- الضوي بشمس القصايد عالفيافي
رش الورد عادربك ت ودلو --على القلب الفتح للشاعريي

على الوب سايت للمنبر مضافي
salomon
salomon
عضو مميز
عضو مميز

عدد الرسائل : 1087
تاريخ التسجيل : 23/05/2007

الرجوع الى أعلى الصفحة اذهب الى الأسفل

الرجوع الى أعلى الصفحة

- مواضيع مماثلة

 
صلاحيات هذا المنتدى:
لاتستطيع الرد على المواضيع في هذا المنتدى