وبتبقى خريفي

من طرف **عمار البراضعي** 12/28/2009, 5:17 am

طل الخريف وعـــــــرد عاورقة الاشجار
بلش حفيف وهجـــــــــم عاوراق اغصانو
وروعةّ النظرة خطـــف للعشب والازهار
والغصن متل العصـا صفــــــــى ببستانو

وماعاد بلبل شدا قـمت سألت شـــو صار
بسمع فحيـح الأذى الحـيّــــــــات عنوانو
وغراب يزعـــق بدا والبـوم فــــال الدار
خلا الطبيعة مدى مجهـــول ميدانــــــــو

ياحرف لاتبتلي كلما كتـــــبت أشعــــــار
البيجيب سيرة إلــــي فـي كل قصدانــــو
تايشوف شعــــرو حلي عم يخلط الافكـار
مع بدر عــــم ينجلي ماطال بنيـــــــــانو

شعرك خريفـــي ابتدا انهجيت ناس كبـار
بتضل بالأبتــــدا وصفوف سكانــــــــــو
وتايعود عالمنتــــدى يكتب زجل عمــار
مفروض حرف الردى يتقصقــص لسانو

* * * * * * * * * * * * *

من طرف **7arf** 12/29/2009, 5:13 am

بحب الخريف القوي البيهـــــرهر الاوراق
وشاعر الزهرة كرهت قصد بفـــــرد ليلي
ضليت متل القمر ماضل حدو رفــــــــاق
ومعروف بدر السما ما في إلـــــــو عيلي

عمار إشطح معي تانرود بالأفــــــــــــاق
وإياك من دون وعي تاتشطشــــط الريلي
وبكل ميلي إلي وبكل فصل عشـــــــــاق
وانتي وبوشربل سوا رحتوا بفرد ميــــلي

اسمك انشفتو انكوى وتجدب العمـــــلاق
رحتوا ع دفي ببحر جوات شي كيــــــلي
بتقطع لسان القوا حرف لحرب مشـتـــاق
فتوا بجيابي سوا فراطــــــــة بهالسيلــي

نـــــادي صديقك تعا اللوعات منــي ذاق
وما اشتد حيلو انجعى وعم يرعبـو حيلي
شربتوا نبيذ وجعة تاحمـــــــرّت الأحداق
وعليه ويلي الدُعــــا وعليــك ياويلييييييي
===============

وبتبقى خريفي

وبتبقى خريفي

رد: وبتبقى خريفي