منتديات الزجل اللبناني الشاعر: عمار البراضعي

أهلا وسهلا بزائرنا الكريم
عليك بالتسجيل لكي ترى كافة المواضيع المخفية
=====================
الزائر رحبنـا برسمــــو = وع التسجيل دعينا يفوت
وغير اللي مسجّل إسمو = عنو منخفي يقـــرا بيوت
=====================


رسالة من صديقي حاكم الصين هوجين تاو ههههه

اذهب الى الأسفل

رسالة من صديقي حاكم الصين هوجين تاو ههههه

مُساهمة من طرف salomon في 1/13/2011, 4:24 am

ألشاعر سليمان طراد
لا تفزعوا عا الأرز بزيادي
لبنان جنّة ربنا ..وعادي
يتخانقوا الحكّام عا الشاشات
وتزعل قيادي وتلعب أيادي
المهم تبقو للوطن أرزات
...وتحافظوا عا الأصل والعادة
ولا تتركونا نوقع بديّات
نجاد وأوباما وكل ها القادة
عندي انا ألكن تمنيّات
خلّوا الوضع ببلدكن هادي
ولا تسمعوا أخبار وحكايات
هيدي عيون الغرب حسّادي
أمن الوطن بدو قناعة زات
وانسان واعي يضل عا حيادي
نحنا اليومي تلاااات مليارات
صرلي بحكم الصين سبع سنين
وممنوع ضربة كف يا ولادي

يا شباب هيدي رسالة من حاكم الصين صديقي هو جين تاو هههه بعتلي ياها مبارح
وبعتزر من جمهوري ما نشرتا مبارح كنت عم نضف بحور الكريبي
ههههههههه


عدل سابقا من قبل salomon في 1/14/2011, 10:11 am عدل 1 مرات
avatar
salomon
عضو مميز
عضو مميز

عدد الرسائل : 1087
تاريخ التسجيل : 23/05/2007

الرجوع الى أعلى الصفحة اذهب الى الأسفل

رد: رسالة من صديقي حاكم الصين هوجين تاو ههههه

مُساهمة من طرف 7arf في 1/14/2011, 3:09 am


وأنا إجاني رسالة خاصة من زعيم العبيد بإفريقيا
بدو يكون مخبرتو العبدي عني ههههههههههههه
=========================

بيقـــــول فيها فتاح المحـــــــطة = فتحت ولقيتو شالح الحــــطة
وعـقال عم بيلولحو لوحــــــــات = حتى مايترك بيرنا مغــــطـا
بلّش وصايا يبعث الكلمــــــــات = الحر فيها مشلفــــــط الشطا
معليش مازمّط حــــــــدا بالذات = وبنقد بنّـــــــا ريشـتـو غطى
وقلي ياحرف برحمةّ الأمـــوات = ودي الرسالـي بسرعةّ البطة
كرامةّ وطنكم إرفعـوا الأرزات = وحب الوطن لاتتركوا ملطّا
من دون حكومي عندكن طاقات = وجنةّ عدنكن عــــار تتوطى
ولاتدنقوا من شرشف سياســـات = نحنا اذا بيتكلّف الشيطان
خط الطوائف ما بيتخطّى
===========





عرفت الحياة بتجربة وكُبـــــر الجراح ... فيها فشل فيها أمل فيــــها نجاح

وطقم السعــــادة اللي عقِل مابيخلـــعو ... لولا استفاد من الخطأ بعد الكفاح

============================
avatar
7arf
admin

عدد الرسائل : 1125
العمر : 51
تاريخ التسجيل : 01/11/2006

الرجوع الى أعلى الصفحة اذهب الى الأسفل

رد: رسالة من صديقي حاكم الصين هوجين تاو ههههه

مُساهمة من طرف salomon في 1/14/2011, 10:26 am

يا ريت فينا نشكّل حكومة
ما تكون للأغراب محكومة
ساعة نجاد يهزّها..!! وهاري
وما تضل تمشي بحقل ملغومي
هههههه
لازم بقا يا شعب إجباري
تظهّر على الشّاشات ل فلومي
صفّى الوضع تعبان يا جاري
ووجوه ها الحكّام مسمومي

***
وهاري كلينتون جاليي بفاري
شفاتيرها وبتقول وبتومي
انّو وضع لبنانا فاري very
ونحنا على الشاشات عم بنشوف
بالحرب عم بتبشّر البومي


ههههههه
avatar
salomon
عضو مميز
عضو مميز

عدد الرسائل : 1087
تاريخ التسجيل : 23/05/2007

الرجوع الى أعلى الصفحة اذهب الى الأسفل

رد: رسالة من صديقي حاكم الصين هوجين تاو ههههه

مُساهمة من طرف salomon في 1/14/2011, 10:50 pm

عمّار ناطر تحمول الإزميل
وتكتوب شعورك بالوطن يا زميل
نحنا ما فينا اليوم نتخطّى
وجودك ضروري وضامن التشكيل
ههههه
لبنان وقف اليوم عا محطّة
فيها من التخويّن والتدجيل
اكتر ما سبحت بالبحر بطّة
سبحنا ببحر الدم والتمثّيل

لازم بقا الحكام تتغطّا
وتغفا..لاّنو الحمل صار تقيل
وخلف الأصابع عيب تتلطّى
وتحوّر القرآن والإنجيل
فيها الوزير بيشبه القطّة
شو ها الحكومة الكلها مباهيل
وعا نهبنا عامل ألف خطّة
وبيخبّرك انو عمل تحليل

هههه
وحتى جبينو بلا حيا وطّى
ومع كل نسمة من الغرب بيميل
هيدي حكومة ناس منحطّة
لا بدها تكشف شهود الزور
ولا بدها تنزل سعر برميل

هههههه

هذا المنتدى رمز الحريات الفكرية وكل عضو يعبر عن وجهة نظره بحرية لا ترهيب فكري هون
ادعو الجميع للمشاركة
بحر الزجل
avatar
salomon
عضو مميز
عضو مميز

عدد الرسائل : 1087
تاريخ التسجيل : 23/05/2007

الرجوع الى أعلى الصفحة اذهب الى الأسفل

رد: رسالة من صديقي حاكم الصين هوجين تاو ههههه

مُساهمة من طرف عمار البراضعي في 1/15/2011, 12:45 am


بلادي الهبطوها عمروهــــــــــا = ياخوفي من جديـــــد يدمروهـــا
لأنها رمز عنوان العروبـــــــــة = مـا قدروا من الخرايط يحذفوها

ياأرض الباذر عليكي حبـــــوبي = غلالك كل مدة بيحرقوهـــــــــا
شبعنا كلنـــــــــــا نآكل ضروبي = وأهاليكي لبرّا يهجــــــــــروها

ضروري عمالنا تبقى دئوبــــــة = ومانخلّـــــي الأجـانب يحكموها
واللّي بيسرقوا المـي العذوبــــة = وسمـــانا بلا قانـــون بيخرقوها

تعوا تانجمع شمــــالي وجنوبي = وكل أطيـافهـــــا اللي بيسكنوها
وبصف موحد نصد الحروبـــي = ويللي بيضحكوا علينـــا مانترك
بلدنا للحروب يرجعوها

* * * * * * * * * * * * *
هذا أملنا وواجبنا بالدرجة الاولى راجيين من الله عز وجل
عدم الإنزلاق وراء أي قرارات سياسية تجر وطننا نحو المجهول



----------------------------------------------
" كرمالكم ع النت تابعــنـــــــا = نسقي القوافي من منابعنا "
" بوجودكم معنا امتلت بالذوق  = ومندونكم مافي لها معـنا "
----------------------------------------------
avatar
عمار البراضعي
المدير العام

عدد الرسائل : 1125
العمر : 51
Localisation : لبنان - ضهر الاحمر
تاريخ التسجيل : 22/01/2007

http://7arf.editboard.com

الرجوع الى أعلى الصفحة اذهب الى الأسفل

رد: رسالة من صديقي حاكم الصين هوجين تاو ههههه

مُساهمة من طرف salomon في 1/15/2011, 5:41 am

وهلق بعد ما بيّن المستور
والكل لعبو كوول بالدستور
هههه
ل وين قولك يا حرف لبنان
انتي سياسي مخضرم ومشهور
هههه
التشكيل بدو ناس ما بتنهان
قدّام ريس بتحترم جمهور
ناطر حقيقةظاهرة منشان
تحكي بأسم الحق متل النور

تلغي الحوار البائس التعبان
الما بينفهم لو ضل عنا دهور
هيدا حوار الخوت والطرشان
الما بيفهموا الا بشهود الزور
هههه
بدنا رأيس يكون عن إيمان
بيحب شعب بلادنا المقهور
مش كل غلطة الحق عا التليان
ههه
بيترك بلدنا يخرب وما هم
المهم هوّي بلاد جدّو يزور

هههههههه
بحر الزجل
avatar
salomon
عضو مميز
عضو مميز

عدد الرسائل : 1087
تاريخ التسجيل : 23/05/2007

الرجوع الى أعلى الصفحة اذهب الى الأسفل

رد: رسالة من صديقي حاكم الصين هوجين تاو ههههه

مُساهمة من طرف 7arf في 1/15/2011, 9:40 pm


وقـّـف يابن لبنــــــــــــــــان ياخيي = نشرح الصاير فيك والفيي
ماخصنا تانصيـــــــــــــر مختلفين = وإيران ننطر والسعوديـــة

كل عمرنا بلبنان مقســــــــــومين = إسلام ودروز ومسيـحـيــة
حتى وعند مانكــــــــــون متحدين = ألفين مشكل صار يوميــة

انشفنــــــــــا بالبرازيل منتصرين = منرفع قهر رايات غربيـة
منتقـــــــــــاتل ومنبطـّـــل محبين = عن قصد إستفزازنا سوية

من جدودنا بلبنان ورثــــــــــانين = نخلق حروب بإسم حريــة
أحزاب مرة وألف مرة دـــــــين = بالطائفية المتل مــــاهيـي

لبنـــــــــــــان الله كونو من سنين = وشكّل بساتينو الدينـــــيـة
وخلا غلاف الجو بالتكـــــــــوين = مأثر قدر تسعيــن بالميـة

وكلما انثقب أوزون فوق الصين = بتتغير حوالــــو المناخيـة
وشوما حصل مانكــون زعلانين = لبنان هوي جاذبيةّ الكون
بيتأثر بأشياء خارجية
= = = = = = =
وما إلكون غيري رئيس جمهورية الزجل ههههههههههههه



عرفت الحياة بتجربة وكُبـــــر الجراح ... فيها فشل فيها أمل فيــــها نجاح

وطقم السعــــادة اللي عقِل مابيخلـــعو ... لولا استفاد من الخطأ بعد الكفاح

============================
avatar
7arf
admin

عدد الرسائل : 1125
العمر : 51
تاريخ التسجيل : 01/11/2006

الرجوع الى أعلى الصفحة اذهب الى الأسفل

الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى