منتديات الزجل اللبناني الشاعر: عمار البراضعي

أهلا وسهلا بزائرنا الكريم
عليك بالتسجيل لكي ترى كافة المواضيع المخفية
=====================
الزائر رحبنـا برسمــــو = وع التسجيل دعينا يفوت
وغير اللي مسجّل إسمو = عنو منخفي يقـــرا بيوت
=====================


يا شعب تونس

اذهب الى الأسفل

يا شعب تونس

مُساهمة من طرف salomon في 1/16/2011, 8:43 am

يا شعب تونس خايف يبيعوك
وتصير لملوك النفط مملوك
وما تقدر تكفّي الإستقلال
ويطلع على ضهرك خصي وملوك

ياما حملت الهم والأذلال
وقبلت أمنك تتركو ممسوك
بيكفيك تبكي عمر عا الأطلال
ترابك شعب لا تخاف مش متروك

حريّتك صارت متل موّال
بعرس الفدا رندحتها..!!مبروك
وعا قبال كل الإنظمة تنشال
وتتحر شعوب الشرق تا تعيش
وما يضل حاكم غير عا الفيسبوك
ههههه

بحر الزجل وحاكمه
avatar
salomon
عضو مميز
عضو مميز

عدد الرسائل : 1087
تاريخ التسجيل : 23/05/2007

الرجوع الى أعلى الصفحة اذهب الى الأسفل

رد: يا شعب تونس

مُساهمة من طرف nawef في 1/16/2011, 7:37 pm



ياشعبنا ياريتني حطاب
تاكنت إهوي عالشجر بالفاس
وياريتني سيل وماخلي تراب
إجرف بقوي بهالدني الأرماس
وقوةّ عواصف لوكنت بحساب
بعطيك ثورةّ شاعر الحساس
ولن نعيش ع الهامش سوا بكتاب
أحياء بقبور الظلم ياناس
هيذا حكي شاعر عطاك جواب
وصرلو عمر متنبئ الإحساس
وأروع قصيدة قالها بجواب
انراد الحياة الشعب يرفع راس
حتى يشوف العتم عنو غاب
والقيد يتكسّر بدون قياس
الشاعر ابو قاسم الجنة داس
الله يرحم شاعرك تونس
ومبروك عالتحرير يا أحباب
============
افكار مقتبسة من قصائد المرحوم الشاعر التونسي
ابو قاسم الشابي من وحي المناسبة

nawef
عضو

عدد الرسائل : 27
تاريخ التسجيل : 22/01/2007

الرجوع الى أعلى الصفحة اذهب الى الأسفل

رد: يا شعب تونس

مُساهمة من طرف 7arf في 1/18/2011, 12:25 am


ياشعب تونس إلك وقفات بالتحريـــــر = وهيك الثقافي بـتجي والفلسفي قالـــــوا
عقبال كل العرب متلك شعوب تصيـر = ومانضل نقـشع وطن تفنيص بمجالـــو

حق الشعوب انكتب بالدم مش تزويـر = استقلال مـجد الوطن تحقيق أمالـــــــو
حكم الظلام انتهى بعنوان نور كبيـــر = وطل السـلام وبزوغ الفجر غنـــــالــو

الأوطان تاتنبني بدنا نضحي كثيــــــر = وكل اللي حبوا الأنا المفروض ينشالو
ونشوف كل الدول بكرة الصبـح بكير = محرر وطنـها بصدق وبتفخـــر رجالو

================================
مبروك أيها الشعب الأبي




عرفت الحياة بتجربة وكُبـــــر الجراح ... فيها فشل فيها أمل فيــــها نجاح

وطقم السعــــادة اللي عقِل مابيخلـــعو ... لولا استفاد من الخطأ بعد الكفاح

============================
avatar
7arf
admin

عدد الرسائل : 1125
العمر : 51
تاريخ التسجيل : 01/11/2006

الرجوع الى أعلى الصفحة اذهب الى الأسفل

الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى