منتديات الزجل اللبناني الشاعر: عمار البراضعي

أهلا وسهلا بزائرنا الكريم
عليك بالتسجيل لكي ترى كافة المواضيع المخفية
=====================
الزائر رحبنـا برسمــــو = وع التسجيل دعينا يفوت
وغير اللي مسجّل إسمو = عنو منخفي يقـــرا بيوت
=====================


حب آخر زمن

اذهب الى الأسفل

حب آخر زمن

مُساهمة من طرف 7arf في 1/20/2011, 10:54 pm



ما الحب الله بيخلقوا فــيــــــــنا = ونحنا بحكمــو كلنا رضيــــنا
من تراب جينا ورح نعود تراب = وجوع الأرض حطّم أمانيـــنا

لا تحزني من عدل شرع الغاب = عدل البشر متــلو بيقضـيــــنا
بيشبه سمك بالبحر طل وغــاب = حكمو بُطل منـقوش مانســينا

ولما تصفي مصالح الأصحــاب = وطعم الحياةّ المر يسقيـــــنا
منشوف غدر ومصدرو الأحباب = بلا معارضة ياربنا منقــــول
ياريتنا عالكون ماجينا
========



عرفت الحياة بتجربة وكُبـــــر الجراح ... فيها فشل فيها أمل فيــــها نجاح

وطقم السعــــادة اللي عقِل مابيخلـــعو ... لولا استفاد من الخطأ بعد الكفاح

============================
avatar
7arf
admin

عدد الرسائل : 1125
العمر : 51
تاريخ التسجيل : 01/11/2006

الرجوع الى أعلى الصفحة اذهب الى الأسفل

رد: حب آخر زمن

مُساهمة من طرف salomon في 2/20/2011, 10:41 pm

يا رب ليش الناس مقهورة
وعا كل مفرق بيت في صورة
يمكن حرب لبنان كان تقيل
يما الدني اجواء ها ضرورة
القرآن ما بيقبل ولا الإنجيل
يترك ضيع وبيوت مهجورة
لازم يا ربي الظلم عنا تشيل
تا نعيش هيشي بها الدني حرّة
وتكون كل الناس مسرورة


بحر الزجل
avatar
salomon
عضو مميز
عضو مميز

عدد الرسائل : 1087
تاريخ التسجيل : 23/05/2007

الرجوع الى أعلى الصفحة اذهب الى الأسفل

رد: حب آخر زمن

مُساهمة من طرف 7arf في 2/21/2011, 1:47 am


من هون تانجني سوا الاربــــــــاح
صلوا معي تاتكثر الصــــــــــــلاّح
حب الغوا كذاب مـش مسمـــــــوح
شتت الضيعة وطيشـر الســـــــواح

شوالنفع لو يفنى الجـسد والــــروح
بتروح مطرح قبلهــــا مــــــن راح
وشوالفايدي نترك وطــن ونـــروح
وع كل قرني تخيـّــــــم الأشبــــاح

وقلب اللي صفا بهالعـصر مجروح
وعن مـــادي عم يعشقــوا الأرواح
نشالله سوا منعود نبنـــــي صروح
بحق اللي عن قبرو الحـجر بيزيح
غيم الظلم عن شعبـــــنـــــا ينزاح
=============




عرفت الحياة بتجربة وكُبـــــر الجراح ... فيها فشل فيها أمل فيــــها نجاح

وطقم السعــــادة اللي عقِل مابيخلـــعو ... لولا استفاد من الخطأ بعد الكفاح

============================
avatar
7arf
admin

عدد الرسائل : 1125
العمر : 51
تاريخ التسجيل : 01/11/2006

الرجوع الى أعلى الصفحة اذهب الى الأسفل

الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى