منتديات الزجل اللبناني الشاعر: عمار البراضعي

أهلا وسهلا بزائرنا الكريم
عليك بالتسجيل لكي ترى كافة المواضيع المخفية
=====================
الزائر رحبنـا برسمــــو = وع التسجيل دعينا يفوت
وغير اللي مسجّل إسمو = عنو منخفي يقـــرا بيوت
=====================


أصل الزجل

اذهب الى الأسفل

أصل الزجل

مُساهمة من طرف 7arf في 3/19/2011, 5:24 am

‎Elhazamr Sugar‎
أصل الزجل

قصد رب القوافي في علـــــــوي
مرة يمتحني بكل قـــــــــــــــــــوة
أخذ كمشة قوافي بكـــــــر منــــي
وفلشها بمنبـــــر الزجلي تضـــوي
وقلي في إلي عنــــــــدك تمنــــــي
بعصر النت خليــــــــــــها بــجوي
وعمل بحث بقصيد الشعر عـــــني
ومرقهن على محك القــــــــــوافي
طلعت أصل الزجل والفرع هـوي


عرفت الحياة بتجربة وكُبـــــر الجراح ... فيها فشل فيها أمل فيــــها نجاح

وطقم السعــــادة اللي عقِل مابيخلـــعو ... لولا استفاد من الخطأ بعد الكفاح

============================
avatar
7arf
admin

عدد الرسائل : 1125
العمر : 50
تاريخ التسجيل : 01/11/2006

الرجوع الى أعلى الصفحة اذهب الى الأسفل

رد: أصل الزجل

مُساهمة من طرف salomon في 4/17/2011, 10:02 pm

البحر يا صاحبي هوّي الأساسي
نقل حرف البلاغة ان كنت ناسي
ولا تغلط يا حرف مع بحر همدر
لأنو ان غلّلطت بيصير قاسي
انا للشعر والتاريخ مصدر
عطيت العمر من موجي دراسي
وانتي يا حرف متل الشمندر
ما بقبل فيك تمرق عا ضراسي
انا رب القصيدة وحاج تكبر
عليي بشقلب عليك الكراسي
واذا ما فيك بالأمجاد تفخر
انا ل موسى النبي شقيّت صدري
ول عيسى كنت عنوان القداسة

بحر الزجل
avatar
salomon
عضو مميز
عضو مميز

عدد الرسائل : 1087
تاريخ التسجيل : 23/05/2007

الرجوع الى أعلى الصفحة اذهب الى الأسفل

رد: أصل الزجل

مُساهمة من طرف 7arf في 4/18/2011, 12:49 am

على جبين الشمس حطيت ديــي = تمسح سحبةّ الغيم النديـــــــــي
وربيع الشعر تايظهر بمظهــــر = سما صافي خرج سهرة نقيــي

شهق ليي وإجا نوّار يحـــــضر = لف بمشلحو الأرض الأبــــيـي
فلشها حرام وردي ولون أحمر = انتهى دورو ورجع الدور لـيي

قلت فرصة بهالجو المعـــــطر = فتش وين شـــــــــــعار البـقيي
ضروري بمنتدانا نعود نســهر = لأنو الملتقى حملنا هـــــــــويي

مش ضروري اذا بلمح معـثر = مأثر في قوافـــــــــي حربجيي
حالو يشوف يبقى ع المكبـــــر = ونسي حدود المكاني وين هيي

أنا مابحب أي مكان إظهــــــر = إني كـــــــون راعي الأبرشيي
بس بحب كلما عليت منبــــــر = إبرش بـــرش روس العنتريي

وانت يابحر مين القال أبحــــر = عنــــــك من حروف العبقريي
جايي مهلوس وعالك شمنـــدر = الأوزاعي قادفك ع بـحر جيي

مابدي تكنفش عليي وتكبــــــر = أنا مافي حدا بــــــــيكبر عليي
وحدك بس يا ألله أكبـــــــــــر = من الحرف الغنيتو بالمــواهب
ومن كل الشعر والشاعريي

==============
بغيب بغيب عنك بلاقيك متل ما انتي بعدك
كرمالك ياعليلي لورا ههههههههههههه



عرفت الحياة بتجربة وكُبـــــر الجراح ... فيها فشل فيها أمل فيــــها نجاح

وطقم السعــــادة اللي عقِل مابيخلـــعو ... لولا استفاد من الخطأ بعد الكفاح

============================
avatar
7arf
admin

عدد الرسائل : 1125
العمر : 50
تاريخ التسجيل : 01/11/2006

الرجوع الى أعلى الصفحة اذهب الى الأسفل

رد: أصل الزجل

مُساهمة من طرف salomon في 4/18/2011, 1:21 am

يا حرف مقنبز بدفر قرايي***كفاك توتّ اهدى يا ضنايي
لأنو البحر مواجاتو سريعة***انتبه لا تجرفك موجة رجايي

انا بحر الغزا كل الطبيعة***تسونامي بتعرفو هاجم ورايي
واذا علّيت موجي بالوقيعة***اللي متلك رجم بيصفّي ورايي

لا تغلط مع محيطك يا قطيعة***ولا تعمول بالزجل ضدي نكايي
انا بحر المقامات الرفيعة***موسى شقّني بأطهر عصايي

وانت حرف الدواوين الفظيعة***بتغرق بالقلام وبالدوايي
وانا اسمي ضوي تم المزيعة***ببحر بيسبحو كل البرايا
وانت حرف الأجى يفلق سمايي

بحر الارتجالي
avatar
salomon
عضو مميز
عضو مميز

عدد الرسائل : 1087
تاريخ التسجيل : 23/05/2007

الرجوع الى أعلى الصفحة اذهب الى الأسفل

رد: أصل الزجل

مُساهمة من طرف 7arf في 4/18/2011, 11:31 pm


يابرّي للبحر بالشعر قلــــــــــــــو = على الشاطي اذا بيطلع يـــــاذلـو
قلو كل مابتخطــــــــــــــــي بذلك = وعصا موسى على موجـك بـدلو

واذا حب الحرف مــــــــرة يدلك = تاتوصل مطرح المجدو الوصلو
شو نفعك جوهر بقعــرك ع حلك = وعديم المعرفي مابتستغلـــــــــو

نصيحة في ضلال الحرف ضلك = الشعر والمرجلي فيي استقلــــوا
واذا سمييك بعث هـــــــدهد يقلك = اسمي شلاح لاتسوّد سجـــلـــــو

وعلى تم المذيعــــــة انكنت كلك = إسمك متل حمرة رح يضـــلـوا
أنا حرف العقل فيها تمــــــــــلك = حتى فكارها العقدة يحلـــــــــوا

ولأنو الحرف مادارى أجــــــلك = بفرد هجمي فلق بحرك احتــلـو
لابرضى عن فخر آخذ محــــلك = ومهما كبرت مابتآخذ محــــلـي
ولا عيسى مكلفك تآخذ محلـو
=============
شلال الإرتجال


عرفت الحياة بتجربة وكُبـــــر الجراح ... فيها فشل فيها أمل فيــــها نجاح

وطقم السعــــادة اللي عقِل مابيخلـــعو ... لولا استفاد من الخطأ بعد الكفاح

============================
avatar
7arf
admin

عدد الرسائل : 1125
العمر : 50
تاريخ التسجيل : 01/11/2006

الرجوع الى أعلى الصفحة اذهب الى الأسفل

الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى