منتديات الزجل اللبناني الشاعر: عمار البراضعي

أهلا وسهلا بزائرنا الكريم
عليك بالتسجيل لكي ترى كافة المواضيع المخفية
=====================
الزائر رحبنـا برسمــــو = وع التسجيل دعينا يفوت
وغير اللي مسجّل إسمو = عنو منخفي يقـــرا بيوت
=====================


حرف وطوني شلهوب كسر عظم

اذهب الى الأسفل

حرف وطوني شلهوب كسر عظم

مُساهمة من طرف 7arf في 9/12/2011, 2:17 am


تابع حرف هجومه بإسم الهزمر
على طوني شلهوب
وانتوا حكموا على
فرفكةّ هالذينين من هجومات حرف الإرتجالية -بفيسبوك

طوني قبال الصقر بوشِق ياحجل
بتعرف هزمر السكرة جبلك أجل
قلي التراث بيستحي وفيك انخجل
تنقّح ع مهلك مع إلاه بالمرتجل
بدي بسرعة تنظم بيوت الزجل
وتطقها متلي على جناح العجل
اليومين بدو ونص تالردّي يقول
بيعمل عميد الوزن لكن بالدجل
===============
ما رد طقيتو التانية
ياشعر شرق شمال أو قبل وجنوب
شوقي إلك شمعات بالكلمي تذوب
وحتى الأعمى يصير يقشع ع الدروب
شعشعت مع كل الحروف بهالغروب
طوني يابن شلهوب شو عندك عيوب
بغيرك مصيبي تحطها وأكبر ذنوب
صرلك عمر بعدك متل مابعرفك
أقصر من الأقزام مع مارد حروب
=============#
وأخيرا نطق
#
Toni Chalhoub

هي عادتك تسدل على وجـّك ستار
من كتر ما بيفونسك ضوّ النهار
من ريحتك لو كان إسمك مستعار
رح أقـفرك ما زال عطر العار عار
وبحـذرك من قبل ما يبدى الحوار
... البيكون متلك ما إلو أيا اعتبار
عمـّـار حرف على الحرف مهما يكون
من فرد ردّة بهد عا راسو العمار ..

بعدك ما عرفت إنو ما فيك تتزاكى عا مين ما كان ؟مشاهدة المزيد
43 minutes ago · أعجبني
إلغاء إعجابي · شخص واحدHaifa Andari Zaidan‏ معجب بهذا.
====================

عادة على المسرح ازا ستار انسدل
بتشوف وج جديد لونو ما نبدل
وكلما حمام الدوح ياطوني هدل
بتفرح ولحمك جط يامرخي وهدل
ضيعت بالإسماء فكرك ماعدل
ونادل بيبقى بخدمتي المتلك ندل
وكلما تهبّط لحروف العمار
بعمّر بسرعة قبرك وبنهي الجدل

بعرف انك زكي وبعرف مين قلك ههههههههه
قبل بضع ثوانٍ · أعجبني
===============
إلغاء إعجابي
#
Toni Chalhoub
يلا تكرم عينك بكرا بقدم إستقالتي من الشغل وبقعد قبالك عالفايسبوك .. ههه بعدان ليش بدك إكتب بسرعة ؟ بتخاف مني إذا شردت ؟
أنا بدعيك تشرد وتمخمخ رداتك كرمال نعمل حوار حلو ..
52 minutes ago · أعجبني إلغاء إعجابي · 2‏ شخصان الشاعر عمار البراضعي و Haifa Andari Zaidan‏ معجبان بهذا.
#
Haifa Andari Zaidan
برااااافو طوني
48 minutes ago · أعجبني إلغاء إعجابي
#
الشاعر عمار البراضعي
ياعيني عليك ياطوني ثقلّو
39 minutes ago · أعجبني إلغاء إعجابي
#
Toni Chalhoub
يا حبيبي يا عمار شو دمك خفيف
28 minutes ago · أعجبني إلغاء إعجابي
#
Elhazamr Sugar .
هيفا وعمار لاتدخلوا بليزززز

تع لقلبي ياطوني ههههههههه


شحط نيزك من مدارو قبالي
لمع ضوو وطفى بعتم الليالي
قلت الروح لا تآخـــذ بوهــلك
ولا وهلاتك بترعب مجــــالي

عليك بيزعلوا بالفعل أهلك
إستقالي لو بتمضي بالوكـالي
وأنا مابعود إرجع إنتبهــلك
ولابمضي على ردك رســالي

لأنك بعد مش دارس وجهلك
بيجهل بالزجل شطحت خيالي
بعرف صعب تلحقني بتهلك
ولا عمرا الزلحفي بتلحق غزالي

انتي طق وتمخمخ ع مهلك
وأنا معتاد طقك إرتجالي
وكلما الشعر ع منبر ندهلك
قلو صعب بدي كم جمعة
ع بيتك تايودّي الإستقالي

وزوزوزوز
==================
#
33 minutes ago · أعجبني إلغاء إعجابي · شخص واحد جاري التحميل...
#
Haifa Andari Zaidan هههه طوني ليش ما رديت عليه بعد هلق بيصدق حالو
20 minutes ago · أعجبني إلغاء إعجابي
#
Elhazamr Sugar .
لا تقولي مصدق حالو = خلّي يجاوب احلالو
شعري لوما لاقى خصام = بيشاقط يبقى خيالو
7 minutes ago · أعجبني إلغاء إعجابي
#
Elhazamr Sugar .
.
خلّص دوام الشغل خلصنا بقا = وعربش ع سلم مجد بالشعر ارتقى
يعني ان رحت ع الشغل ياوش الشقا = سبعة تلاثي وجيت ع الراحة بنقى
تحممت وتعشيت حضّر للقا = ولاتخاف من جمرات شعري المحرقة
جاوب بقى لوكنت شاعر عن صحيح = يما انسحب ماانكان في عندك ثقة
=====================

والله لاحرمك اكل الدجاج ياويلي عليك ههههههههه
14 minutes ago · أعجبني إلغاء إعجابي
#
Elhazamr Sugar .
كمان خاف هون وكمل الهزمر الطق .

مع حرف ياطهبوب غني ولاتخاف = وتقرا إسم عمار غلطة ع الشفاف
عمار وداني بنياتو النظاف = والحرف لولا شي حرف عل اسم ضاف
بتشوف موج الشعر بلّش بالهياج = وموسم حصاد الروس أقبل ع القطاف
منذ 2‏ ثانيتين · أعجبني
============
يلا توني هههههههههه
الله خلقني للزجل شاعر عنيد
بطق بدقايق ردتي وماقبلت عيد
بالإرتجالي خلقت للسياد سيد
عامل ملك بالمملكي مداري العبيد
ريقك لاتبلع انت حتى تستفيد
منخاف تايهريك من كثر الأسيد
لسانك مدندل ليش وبتلهث كثير
وتاعيون حمرا نشوف لعوينات حيد
=================
#
minutes ago · أعجبني إلغاء إعجابي
#
Elhazamr Sugar .
يلا ياطوني بكرة عنا شغل
====

روحوا اسألوا التاريخ عني والأمم
معروف عني بالعزم عندي همم
... شعري متل بركان عم يقزف حمم
وشو جاب مجرى الأودية لراس القمم
بكعب الدست خليك يا لزقت طبيخ
من دون ماإشويك ع دسوتي غمم
=================
رح بلّش بالختام مش لزيز الحوار معكمشاهدة المزيد
15 minutes ago · أعجبني إلغاء إعجابي · 2‏ شخصانHaifa Andari Zaidan‏ و شاعر متقاعد معجبان بهذا.
#

Haifa Andari Zaidan
هههههههههههههه طول بالك عالزلمي ليش مستعجل
13 minutes ago · أعجبني إلغاء إعجابي
====================
Elhazamr Sugar .
بتمنى ردو يوضع = متلي بكير
أحلا ما ردو يرضع = ع هالتأخير
14 minutes ago · أعجبني إلغاء إعجابي · شخص واحدHaifa Andari Zaidan‏ معجب بهذا.
#
#
Elhazamr Sugar .
صرت بنص القصيدي جاي ليه هههههههههه
6 minutes ago · أعجبني

Elhazamr Sugar .
جيتك ياشلهوب ومنيح اللي الله خلصك من هالشلهوبي هههههههه
============

ياشعري بدون ما إفتح كتابي = ارتجالي اعتدت عنوان الكتابة
بتعرف كل مابكتب شو بدي = عمالقةّ الزجل تقرا جــــوابي

نجوم الشعر مني مستمدي = الوحي والنور تاتنسى الكآبي
وتاتفرح مرتجل مع كل ردة = معها بعيش عنهم بالنيابي

من عيون الزجل حبيت ودي = حروفي العشت معها ع الروابي
الوحي بينخ حتى يبوس يدي = تادلو إرتجالي ع المخـــــــابي

إزا مارد شفت ياشعر قدي = بسطوري بيسكر بينسى الخوابي
وقزم لو شفت أوعا تجيب ضدي = جبينــو مابيوصل ع كعابي

بعض اشخاص بدهن كل مدي = فرك ذينـين في ساحةّ عقابي
على أمثالهم يوم التحـــــــدي = سيفــــــي ماانتخى يترك قِرابي

الندي ع الزهر بيقرب ينـــــدي = الرومنســـية إلي معها قَرابـي
وبظروف التحدي الطـــون حدي = بـّورتكلــيه تشنكل ع جنــابي

هجم عم يدعي بفكرو المصدي = انتركت الشغل رح تفضى جيابي
استحي ولاتحوّل الموضوع جدي = ولاتطلب إستقالي من صحابي

ولإنك ياشعر طوني امودي = تاقلّك شو معو بعمل حسابي
حتى عاملو برقة ومودي = لغيت الواو من تكوين إسمو
حتى صار طني ع الربابي
=================
يلا تصبحوا على خير جميعا ونشالله تكونوا تسليتوا بهالسهرة معنا قصدي معي لأنو ماقدر يجاوب ع كل وحدة ههههههههههههههههههه
4 minutes ago · أعجبني
8-9-2011
====================
#
جاري التحميل...
#
Haifa Andari Zaidan
هههه يا لطييييف بس شوف ما معك حق مابتترك الواحد ياخذ نفس شو صاير عليك ع خطف النفس؟؟؟
منذ حوالي ساعة · أعجبني إلغاء إعجابي
#
Toni Chalhoub
اسمالله عليك شو قبضاي ,, بس للأمانة تا ما تقـلّ ثقة حدا بحدا بسببي ,, أنا ما حدا خبـّرني إنك عمـّار ,,
إذا عم تقصد سليمان أو هيفا، حلـّفهن بولادن إذا حدا منهن قلـّي ,, وبعدان هديك المرّة مين اللي عرف إنو حرف هوي ذاتو عمـّار ؟ كمان خبـّروني ...؟

ليش عم قلـّك هيك ؟
1ـ مش مقصدي أبدا إتفاخر وقول عن حالي زكي ,, ولكن مقصدي قلك إنـّي بعطي الشعر حقـّو لما أقراه لمين ما كان يكون ,,
وبتحسـّس نقط قوتو ونقط ضعفو بلا ما أقصد ,, وبالتالي بصير أعرف نفس الشـّاعر وأسلوبو ,,
وكرمال هيك قدرت أعرفك أول مرة لما كنت حرف وبكل شخصية بتعملها رح ضلني أعرفك ,,,

2ـ يا ريت إنتا كنت متلي ,, كنت قدرت تتحسس أسلوبي وتدرس نوعية أشعاري ,, لو قدرت تعمل هيك كنت عرفت إنو هالنوع من
الأشعار الهابطة والسخيفة ما بيتوجـّه لإلي ,, وكنت عرفت إتو هيدا النوع من المراجل ما إلو إعتبار بنظرتي للأدب وللشعر ,,
كنت نـقيت حدا غيري وتسلـّيت معو وتضحكت قبل ما تنام ..

بدّي ياك تعرف إنو أنا لما إرتجل بكتب متلك أو يمكن بعد أتقل بشوي ,, ولأني بكتب بما يقارب مستواك بالإرتجالي بستحي إنشرو وقول هيدا شغلي ,,
وبعتقد إنتا كمان بتستحي وإلا ما كنت بتكتب هالمستوى الهابط بأسماء مستعارة ومش بإسمك الحقيقي ,,,

بدّي أطلب منـّك من كل شي كتبتو هون تجيب صورة أو لمعة شعرية وتشرحلنا أبعادا ,,
وأنا مستعد أشرحلك أبعاد شعرية بكي بيت من الأربع أبيات الأنا كتبتن ,,, وخلـّي الكل يشوفو إنو إذا إنتا عم تفتخر بالإرتجالي
أنا ما رح كون عم إفتخر إلا بالمدرسة الشعرية البنتمي لإلها الما في فترة زمنية بتحدّدها ...

هلـّق خـيي عمـّار أنا وقتي كتير ضيـّق ,, وما عم قول هيك تا أتشاوف إتو أنا شي مهم ,,
هيدا الواقع بكل صراحة، المسؤوليات الملقية عا عاتقي بالشغل كتير كبيرة وكرمالها عم تزيد مع الوقت ...
أنا للصراحة ما عندي أيا مشكلة إتحاور مع الشاعر عمار البراضعي ,, وبتمنـّى يكون الحوار بإسمو ,,
ولكن ما رح أقدر إكتب حاليا بهالفترة إلا ردة وحدة كل يوم أو يومين ,,
وبتمنـّى إنـّو الشاعر عمار البراضعي يتعب عا كلمتو وإذا مستواه كان بيرضيني بالسبك والصورة والعمق ,,
وخالي من الكلمات الهابطة ,, رح نـزّل هالحوار بكتابي وهيك بيكون الشاعر عمـّار البراضعي عم يخدمني كتير بدل ما يضيعلي وقتي ...

صدقني يا عمـّار لو جيت لعندي من شي سنتين لما كنت قاعد بلا شغل كنت سليتك قد ما بدك ,,
بس هلق وقتي العم خصـّصو للشعر ما فيـّي إحرقو عالإشيا الهابطة الما إلها أي قيمة ...

إذا بتحب تفتح حوار يا عمار وتصبر عليـّي بالرد ,, تفضل ,, وما تنسى تحاول تخدمني بهالحوار ...

سلامات للجميع مشاهدة المزيد
15 minutes ago · أعجبني
=====================

Elhazamr Sugar
اه مادام هيك تع لقلبي

أول شي جاوب بالشعر ولاتحكي بكلام هابط متل مستواك انت

تاني شي آخر همي ازا حدا قلك أو ماقلك وانا عمار وحرف ومني مستحي بلقبي ولاخايف من حدا
واللقب بفوت فيه لأني مابحب حط مين ماكان يغني مع عمار مش كبرة كمان
بس مش حق واحد يجاوب بدقايق وواحد بدو يومين تايرد ويضل يصقل بجوابو تايبين فيه مستوى متساوي وهيذا مش عدل

ثالث شي انت ماخصك بالارتجالي ومابحب تدعي فيه ابدا كل عمرك انت وغيرك

بتتحججوا بالشغل ولو عنجد بتعرف ترتجلوا بدال هالجريدة كنت جاوبت بالزجل

رابع شي أنا أقل الناس بس عم ينعرض عليي حفلات ومع شعار أكبر مني وعم برفض
فكيف بدك اسمح لولاد متلك تغني معي كيف ماكان مسمّي حالي القاب على قدي مش تراث اللبناني
هيذي كبيرة عليك وعلى أكبر منك

خامس شي بعتقد بزيادي الارتجالي تبعي وبيفوق على شعرك المصقول
وهيك تبين من أول ردة صارلك تلات تيام تصقلها ورديت عليك بدقايق عليها
والناس بتحكم على الرد مش انت بتقرر

سادس شي انا بعرف انك انت التراث اللبناني
من زمان بس ولا مرة حكيت لحدا
يمكن زكاك الخارق خلاك تفكر انك كاشف غيرك وماحدا كاشفك
وكمان ماكنت ناوي احكي لوما انت البادي

وسايع شي تعا تانشوف اللمعات بشعرك سمالله ونضوّي عليها
قلتلك أنا

ياشعر شرق شمــــــال أو قبل وجنوب
شوقي إلك شمعـــات بالكلمي تذوب
وحتى الأعمى يصير يقشع ع الدروب
شعشعت مع كل الحروف بهــــالغروب
طوني يابن شلهوب شو عندك عيوب
بغيرك مصيبي تحطها وأكبر ذنــــــــوب
صرلك عمر بعدك متل مــــــــــــابعرفك
أقصر من الأقزام مع مـــــــــارد حروب
=====================
جاوبت انت
هي عادتك تسدل على وجـّك ستار
من كتر ما بيفونسك ضوّ النهار
من ريحتك لو كان إسمك مستعار
رح أقـفرك ما زال عطر العار عار
وبحـذرك من قبل ما يبدى الحوار
... البيكون متلك ما إلو أيا اعتبار
عمـّـار حرف على الحرف مهما يكون
من فرد ردّة بهد عا راسو العمار ..
======================
بدال ماتجاوب متل جواب الشعار مثلا مش مستوى
متدني وريحة ضباع وكل واحد بيكتب مستواه ورغم هيك مازعلت انا
وانت تاتهرب عملت حالك زعلان وهيذي خبثني
وشوف هيك كان متوقع ترد لو عندك نتفة خبرة بالزجل
مثلا
أزغر عيوبي انجيت قدمها إلك
بتصير شاعر ياهزمر السكري

وهيك كنت بتمنى تجاوب لو انك شاعر بس للأسف ماخصك
ورديت عليك

عادة على المسرح ازا ستار انسدل
بتشوف وج جديد لونو ما نبدل
وكلما حمام الدوح ياطوني هدل
بتفرح ولحمك جط يامرخي وهدل
ضيعت بالإسماء فكرك ماعدل
ونادل بيبقى بخدمتي المتلك ندل
وكلما تهبّطلي حروفي بهالعمار
بعمّر بسرعة قبرك وبنهي الجدل
==================
وين اللمعات دخلك رجاع لضميرك وشوف انو مع كل شطحاتك ومخمختك
وكل التأني والصقل ويومين تارديت أكيد الزعجك انو كان ردي ارتجاليا اقوى بكثير من ماكنت بتتوقع مع اني كنت عم بمزح معك
وعيب تحكي بهيك لهجة تبين انك حقود وعامل حالك بتفهم باللمعات والشطحات الفكرية لا تحكي بشغلات مش موجودة فيك عيب.

الشاعر مفروض يكون عندو روح المرح والنكتة بس للأسف مافيك تستعيرها من غيرك

اخيرا مافيي اخدمك بغير تشيل ردتك المستضبعة متلك وتنقل رداتي الارتجالية على ديوانك وهيك بيتكبّر كتابك ع قد نفسيتك الطيبة
وماتخدع الناس بجوهر غلافو مزيف وانا برضى تعرض هالردات على كبار الشعراء
وهني بيحكموا وبرضى بالحكم شو ما كان رغم الارتجالي وكول قلبي بس تعلم .

وشايف لو كفيت الحوار بروح النكتة وقبل مانخلصوا
تقلي شو رأيك بموضوع جدي هلق خرج حطوا بكتابي
كنت وافقت بدون تردد بس فتت بالعرض من اول الحوار تاتهرب
وتعمل حالك عميد وزن وماخصك بالزجل
وبعدين في كتير ناس بيكتبوا شعر بس مابيدعوا شعراء منبر متلك
بيقولوا الحقيقة والهم تقدير خاص عند كل الناس
أما المتطفلين امثالك كل اسبوع تايكتبوا ردة وبدهن يعملوا حالن شعار منبر
عندي انا طويلة ع سنانك انت بالتحديد مابتصير شاعر
شوف بلا زغرة بالناس ياسر حجيري مابعرفو ولابيعرفني
بس لأنو عندو جرأة المنبر اتدخل بيني وبين سليمان لأنو واثق من نفسو
وبيعرف الحنكة الزجلية بالشعر وهيك بيكون الشاعر
عرفت كيف عمو طوني ونشالله بعد عشرة أو عشرين سنة بتصير شاعر
بس مابعتقد لأنو القصة بالروح والنفسية وهاي بتخلق مع الأنسان بتركيبتو
================
حرف - عمار - الهزمر - الأسمر وفي أكثر منهم بعد ههههههههههه
وسلامات للجميع

================


عرفت الحياة بتجربة وكُبـــــر الجراح ... فيها فشل فيها أمل فيــــها نجاح

وطقم السعــــادة اللي عقِل مابيخلـــعو ... لولا استفاد من الخطأ بعد الكفاح

============================
avatar
7arf
admin

عدد الرسائل : 1125
العمر : 51
تاريخ التسجيل : 01/11/2006

الرجوع الى أعلى الصفحة اذهب الى الأسفل

الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى