منتديات الزجل اللبناني الشاعر: عمار البراضعي

أهلا وسهلا بزائرنا الكريم
عليك بالتسجيل لكي ترى كافة المواضيع المخفية
=====================
الزائر رحبنـا برسمــــو = وع التسجيل دعينا يفوت
وغير اللي مسجّل إسمو = عنو منخفي يقـــرا بيوت
=====================


تحضّر يا بو أسامة

اذهب الى الأسفل

تحضّر يا بو أسامة

مُساهمة من طرف ghazi saraya في 10/12/2011, 12:16 am

تحضّر يا ابن براضعي للمعركة===يا ابن عيلة الشــــعر عكتافا تكي
بيّ زرع ياما رمـــاح مشكشكي===بصدر خصمو لو تغطرس بالحكي
ومن بعد ما تكلل بتاج المملكة===الابن الزغير وفوّح العطر الزكــي
صار الابن عن والدو يقدر ينوب===وبالمنتدى بي يجابه ملوك الحكي
avatar
ghazi saraya

عدد الرسائل : 155
العمر : 32
Localisation : لبنان-راشيا الوادي-كفرقوق
تاريخ التسجيل : 26/04/2011

http://extra_ordinaire86@yahoo.com

الرجوع الى أعلى الصفحة اذهب الى الأسفل

رد: تحضّر يا بو أسامة

مُساهمة من طرف عمار البراضعي في 10/12/2011, 3:07 am

يا أبن قاضي بالشعر عدلو كبيـــــر = بعيلةّ سرايـــا فاق مسرح شكسبـير
ومهما ياغازي تكون ع المنبر قدير = مافــــي حدا عن والدو اتـوّج أمير
نسرين كنا وع الغيم معتاد طـــــير = ودايم ع إستعداد صوب المجد سير
ومازال بينـــوب الصبي عن والـدو = بتقدر تغني صرت مع إبني الزغير
==========
أووووووووووف ياغازي
ياروح ودّي والدك يغزل حريـــــــر = يما انسحب من قبل مــايدق النفير
==================




----------------------------------------------
" كرمالكم ع النت تابعــنـــــــا = نسقي القوافي من منابعنا "
" بوجودكم معنا امتلت بالذوق  = ومندونكم مافي لها معـنا "
----------------------------------------------
avatar
عمار البراضعي
المدير العام

عدد الرسائل : 1125
العمر : 50
Localisation : لبنان - ضهر الاحمر
تاريخ التسجيل : 22/01/2007

http://7arf.editboard.com

الرجوع الى أعلى الصفحة اذهب الى الأسفل

رد: تحضّر يا بو أسامة

مُساهمة من طرف ghazi saraya في 10/13/2011, 12:09 am

بلّش يا ابن براضعي يحمـــا الوطيس===وتشـــــرقط النيران والكوكب ينيس
تتشوف شو محينا من الجهل الخسيس===قمة رؤوس جبــــالنا لو ردت قيس
وجودي لحوض الشعر وردة عمتميس===بثوب الكمال مطرزة وما عمتخيس
جـــــايي أنا تحــــدّث الطقـــــم القديم===ولجمهورية شـــــعرنا صفّي رئيس
avatar
ghazi saraya

عدد الرسائل : 155
العمر : 32
Localisation : لبنان-راشيا الوادي-كفرقوق
تاريخ التسجيل : 26/04/2011

http://extra_ordinaire86@yahoo.com

الرجوع الى أعلى الصفحة اذهب الى الأسفل

رد: تحضّر يا بو أسامة

مُساهمة من طرف ghazi saraya في 10/14/2011, 2:12 am

[
color=blue]من عذب كلماتي رح بهدي الرسيس===واجمع علي ومعروف والياس وموريس
ومن دفا شعور القلب والحب الخليس===يا طيـــر غنّي يازهـــر بالمرج ميس
===========
بلّش يا ابن براضعي يحمـــا الوطيس===وتشـــــرقط النيران والكوكب ينيس
تتشوف شو محينا من الجهل الخسيس===قمة رؤوس جبــــالنا لو ردت قيس
وجودي لحوض الشعر وردة عمتميس===بثوب الكمال مطرزة وما عمتخيس
جـــــايي أنا تحــــدّث الطقـــــم القديم===ولجمهورية شـــــعرنا صفّي رئيس
[/color]
avatar
ghazi saraya

عدد الرسائل : 155
العمر : 32
Localisation : لبنان-راشيا الوادي-كفرقوق
تاريخ التسجيل : 26/04/2011

http://extra_ordinaire86@yahoo.com

الرجوع الى أعلى الصفحة اذهب الى الأسفل

رد: تحضّر يا بو أسامة

مُساهمة من طرف علي عامر في 10/18/2011, 10:35 pm

الله الله يا شباب يعطيكوا الف عافيه
avatar
علي عامر
شاعر

عدد الرسائل : 320
العمر : 34
تاريخ التسجيل : 04/08/2007

http://www.paperstan.com

الرجوع الى أعلى الصفحة اذهب الى الأسفل

رد: تحضّر يا بو أسامة

مُساهمة من طرف ghazi saraya في 3/3/2012, 12:19 am

اطرح يا عماّر الجـــــواهر والدرر===تبارى معي وما تخاف ما بتنقص كبر
شو قيمة الشمس الي ضوّت عالدني===انما طلعت تضوي على عيون البشر

***********************

تحياتي أبو أسامة
avatar
ghazi saraya

عدد الرسائل : 155
العمر : 32
Localisation : لبنان-راشيا الوادي-كفرقوق
تاريخ التسجيل : 26/04/2011

http://extra_ordinaire86@yahoo.com

الرجوع الى أعلى الصفحة اذهب الى الأسفل

رد: تحضّر يا بو أسامة

مُساهمة من طرف عمار البراضعي في 3/3/2012, 1:04 am

بالخوف سبع الشعر مش شايف لزوم = يزغرويكبر بالدفاع وبالهجـــــوم
ونور الشمس لاتنكرو ولولا اننحجب = مهما مرق ع مجال عينيكم غيوم



----------------------------------------------
" كرمالكم ع النت تابعــنـــــــا = نسقي القوافي من منابعنا "
" بوجودكم معنا امتلت بالذوق  = ومندونكم مافي لها معـنا "
----------------------------------------------
avatar
عمار البراضعي
المدير العام

عدد الرسائل : 1125
العمر : 50
Localisation : لبنان - ضهر الاحمر
تاريخ التسجيل : 22/01/2007

http://7arf.editboard.com

الرجوع الى أعلى الصفحة اذهب الى الأسفل

رد: تحضّر يا بو أسامة

مُساهمة من طرف ghazi saraya في 3/4/2012, 1:26 am

ليك السما بمجال عينيها مـــــرق===غيم الشــتي وفتّح ربيع المفترق
من بعد ما بتموز زغرّها الجفاف===طل الغيم تيكبّر بدمعو الـــورق
avatar
ghazi saraya

عدد الرسائل : 155
العمر : 32
Localisation : لبنان-راشيا الوادي-كفرقوق
تاريخ التسجيل : 26/04/2011

http://extra_ordinaire86@yahoo.com

الرجوع الى أعلى الصفحة اذهب الى الأسفل

رد: تحضّر يا بو أسامة

مُساهمة من طرف عمار البراضعي في 3/4/2012, 2:37 am


الشمس اللي طلّت ع الدني تسطع سنا = فصل الربيع بصيفها زهرو اغتنـا
ربّت شجر بالحرش لو قدرون كبيــــر = بالشعر ضلوا حور مابيعطوا جنا



----------------------------------------------
" كرمالكم ع النت تابعــنـــــــا = نسقي القوافي من منابعنا "
" بوجودكم معنا امتلت بالذوق  = ومندونكم مافي لها معـنا "
----------------------------------------------
avatar
عمار البراضعي
المدير العام

عدد الرسائل : 1125
العمر : 50
Localisation : لبنان - ضهر الاحمر
تاريخ التسجيل : 22/01/2007

http://7arf.editboard.com

الرجوع الى أعلى الصفحة اذهب الى الأسفل

رد: تحضّر يا بو أسامة

مُساهمة من طرف ghazi saraya في 3/5/2012, 2:46 am

الغيم الي ظلّل عالعباد بجانحو===فجّر نبع يروي العطاشى ويمرحو
ربّى حور تيعانق ضلوع السما ===ويكتب عصفحتها ملاحم مسرحو
avatar
ghazi saraya

عدد الرسائل : 155
العمر : 32
Localisation : لبنان-راشيا الوادي-كفرقوق
تاريخ التسجيل : 26/04/2011

http://extra_ordinaire86@yahoo.com

الرجوع الى أعلى الصفحة اذهب الى الأسفل

رد: تحضّر يا بو أسامة

مُساهمة من طرف عمار البراضعي في 3/5/2012, 5:09 am


فضل الشمس مابينكرو الحور استحي = بتسخّــــــن الميـّة وياغيمات اسبحي
ولوما العلم ضوّا بنور الفلسفـــــــات = مابيكتب على شراشف غيومك وحي
* * * * * * * * * * * * * * * * * * *



----------------------------------------------
" كرمالكم ع النت تابعــنـــــــا = نسقي القوافي من منابعنا "
" بوجودكم معنا امتلت بالذوق  = ومندونكم مافي لها معـنا "
----------------------------------------------
avatar
عمار البراضعي
المدير العام

عدد الرسائل : 1125
العمر : 50
Localisation : لبنان - ضهر الاحمر
تاريخ التسجيل : 22/01/2007

http://7arf.editboard.com

الرجوع الى أعلى الصفحة اذهب الى الأسفل

رد: تحضّر يا بو أسامة

مُساهمة من طرف ghazi saraya في 3/6/2012, 2:31 am

شمسك غلت حقد الضغينة والصراع===تبخّــــر بنيرانك حنين الاجتمـــاع
والغيـــــــــم عمبحيك حلّة مبوردي ===ومن لون قمصانو عبيغذي اليراع
avatar
ghazi saraya

عدد الرسائل : 155
العمر : 32
Localisation : لبنان-راشيا الوادي-كفرقوق
تاريخ التسجيل : 26/04/2011

http://extra_ordinaire86@yahoo.com

الرجوع الى أعلى الصفحة اذهب الى الأسفل

رد: تحضّر يا بو أسامة

مُساهمة من طرف عمار البراضعي في 3/6/2012, 11:21 pm


مش حقد نور الشمس لو بخّر دروس = فرجاك ضو العـــلم ع حروف ونفوس
ولولاه جهل الغــــــيـم خـيّـم ع الدني = وبقيت العــــــــالم أغبيا بترعى تيوس
* * * * * * *



----------------------------------------------
" كرمالكم ع النت تابعــنـــــــا = نسقي القوافي من منابعنا "
" بوجودكم معنا امتلت بالذوق  = ومندونكم مافي لها معـنا "
----------------------------------------------
avatar
عمار البراضعي
المدير العام

عدد الرسائل : 1125
العمر : 50
Localisation : لبنان - ضهر الاحمر
تاريخ التسجيل : 22/01/2007

http://7arf.editboard.com

الرجوع الى أعلى الصفحة اذهب الى الأسفل

رد: تحضّر يا بو أسامة

مُساهمة من طرف ghazi saraya في 3/6/2012, 11:46 pm

غيومي عمتشــــفّي صـــابيع الخانها===وما بيعترف بشعورها ووجدانها
ولمّا المراعي شكت من محل الحياة===طلّت غيومي ولفّـــتك أكفـــانها
avatar
ghazi saraya

عدد الرسائل : 155
العمر : 32
Localisation : لبنان-راشيا الوادي-كفرقوق
تاريخ التسجيل : 26/04/2011

http://extra_ordinaire86@yahoo.com

الرجوع الى أعلى الصفحة اذهب الى الأسفل

رد: تحضّر يا بو أسامة

مُساهمة من طرف عمار البراضعي في 3/7/2012, 1:12 am



مش حق تبقى تعيش واهم بالضباب = يــاما عطاشى فقع ماتوا ع الشراب
لوما شمس فكري غيومك نشـــــفوا = وضليت عايش كل عمرك بالسراب

* * * * * * * *



----------------------------------------------
" كرمالكم ع النت تابعــنـــــــا = نسقي القوافي من منابعنا "
" بوجودكم معنا امتلت بالذوق  = ومندونكم مافي لها معـنا "
----------------------------------------------
avatar
عمار البراضعي
المدير العام

عدد الرسائل : 1125
العمر : 50
Localisation : لبنان - ضهر الاحمر
تاريخ التسجيل : 22/01/2007

http://7arf.editboard.com

الرجوع الى أعلى الصفحة اذهب الى الأسفل

رد: تحضّر يا بو أسامة

مُساهمة من طرف ghazi saraya في 3/7/2012, 11:49 pm

غيومي إلك أجفان شمسك مسكرو===لعينيك فضل الغيم ما تتنكرو
نسكرت غيمي عليك بصيبك عمى===وتتشوف بفتحلك جفون تسكرو
avatar
ghazi saraya

عدد الرسائل : 155
العمر : 32
Localisation : لبنان-راشيا الوادي-كفرقوق
تاريخ التسجيل : 26/04/2011

http://extra_ordinaire86@yahoo.com

الرجوع الى أعلى الصفحة اذهب الى الأسفل

رد: تحضّر يا بو أسامة

مُساهمة من طرف عمار البراضعي في 3/8/2012, 12:18 am


غيوم العمى لاتظن نصر مسوكــرة = تاعلّمك ويصير عندك مقــــــدرة
دخلك شو قيمة عينك برمش الغيوم = وفيها مافيك تشوف شمس منورة
* * * * * * * *




----------------------------------------------
" كرمالكم ع النت تابعــنـــــــا = نسقي القوافي من منابعنا "
" بوجودكم معنا امتلت بالذوق  = ومندونكم مافي لها معـنا "
----------------------------------------------
avatar
عمار البراضعي
المدير العام

عدد الرسائل : 1125
العمر : 50
Localisation : لبنان - ضهر الاحمر
تاريخ التسجيل : 22/01/2007

http://7arf.editboard.com

الرجوع الى أعلى الصفحة اذهب الى الأسفل

رد: تحضّر يا بو أسامة

مُساهمة من طرف ghazi saraya في 3/8/2012, 1:48 am

حاجي غيومي تنتقد محــــــــرابها===قوم انحني عالأرض بوس ترابها
ضوّك ما كان نشاف عسطح الدني===لوما غيــــومي إلك تفتح بـــابها
avatar
ghazi saraya

عدد الرسائل : 155
العمر : 32
Localisation : لبنان-راشيا الوادي-كفرقوق
تاريخ التسجيل : 26/04/2011

http://extra_ordinaire86@yahoo.com

الرجوع الى أعلى الصفحة اذهب الى الأسفل

رد: تحضّر يا بو أسامة

مُساهمة من طرف عمار البراضعي في 3/8/2012, 2:35 am




كلمةّ لوكس لولا عرفت معناتها = بتسجد لشمسي كنت ع غيباتها
وحدةّ قياس الضو من نور الشموس = جسمك بيفقد ألف من غيماتها

* * * * * * * *



----------------------------------------------
" كرمالكم ع النت تابعــنـــــــا = نسقي القوافي من منابعنا "
" بوجودكم معنا امتلت بالذوق  = ومندونكم مافي لها معـنا "
----------------------------------------------
avatar
عمار البراضعي
المدير العام

عدد الرسائل : 1125
العمر : 50
Localisation : لبنان - ضهر الاحمر
تاريخ التسجيل : 22/01/2007

http://7arf.editboard.com

الرجوع الى أعلى الصفحة اذهب الى الأسفل

رد: تحضّر يا بو أسامة

مُساهمة من طرف ghazi saraya في 3/10/2012, 12:18 am

لوكسك بضوّي عجســـــــــم عندو نظر===مش عشخص عندو البصيرة والبصر
ومهما حرت وان درت رح تبقى بخطر===قدّام غيماتي الحصــــون بتنشــــــطر
ان كنت فوق الغيـــــم بحجب طلعتـــك===وان كنت تحت فراشها بزخّك مطـــر
avatar
ghazi saraya

عدد الرسائل : 155
العمر : 32
Localisation : لبنان-راشيا الوادي-كفرقوق
تاريخ التسجيل : 26/04/2011

http://extra_ordinaire86@yahoo.com

الرجوع الى أعلى الصفحة اذهب الى الأسفل

رد: تحضّر يا بو أسامة

مُساهمة من طرف عمار البراضعي في 3/10/2012, 4:03 am


بالعلم كلمة لوكس وحدة للقيــــاس = بشاشة اللوكس بدلتها وضاع الأساس
بدورات فلكي صار حكيك إلتـباس = وكرمال بـيـّــك بعد مافتحت القـواس
فوق الغيم ضليت عم ضوي عليك = وبكّي دموعك تحت وجفون النعــاس

* * * * * * * *



----------------------------------------------
" كرمالكم ع النت تابعــنـــــــا = نسقي القوافي من منابعنا "
" بوجودكم معنا امتلت بالذوق  = ومندونكم مافي لها معـنا "
----------------------------------------------
avatar
عمار البراضعي
المدير العام

عدد الرسائل : 1125
العمر : 50
Localisation : لبنان - ضهر الاحمر
تاريخ التسجيل : 22/01/2007

http://7arf.editboard.com

الرجوع الى أعلى الصفحة اذهب الى الأسفل

رد: تحضّر يا بو أسامة

مُساهمة من طرف hiam في 3/10/2012, 4:42 am

جميل جدا وعدم المواخذة على حسن متابعتكم لظروف صعبة امر بها والله يحميكو
avatar
hiam
عضو مميز
عضو مميز

عدد الرسائل : 58
تاريخ التسجيل : 10/02/2007

الرجوع الى أعلى الصفحة اذهب الى الأسفل

رد: تحضّر يا بو أسامة

مُساهمة من طرف ghazi saraya في 3/11/2012, 12:36 am

كلمة لوكس وحدة ما بدها عبقـــري===ما بدلتها ولا انت طلت المشتري
ببكي ندي بالصيف عاغصن الطري===وويلك اذا بيغضب نسيجي العنتري
بشتّي حجر سجّيل عراس الشــيطان===وببكي عليك نرحت بالعركة بري
avatar
ghazi saraya

عدد الرسائل : 155
العمر : 32
Localisation : لبنان-راشيا الوادي-كفرقوق
تاريخ التسجيل : 26/04/2011

http://extra_ordinaire86@yahoo.com

الرجوع الى أعلى الصفحة اذهب الى الأسفل

رد: تحضّر يا بو أسامة

مُساهمة من طرف عمار البراضعي في 3/11/2012, 4:22 am


شمسي منارة ع الـــوزارة باللقب = غيومك طفالى ما لهم معــها حقب
شرّف يادكتور المــعاني المرتقب = ستار العلم لاتسدلو زيــــــح النقب
عملت الغيم سجيل شيطانك وقب = بطبقةّ أوزوني نسيت لو تعلى عقب
ماعيون غيمك بكيت دماغ الجليد = وصاخوا إذا الأوزون بالجـو انثقب
* * * * * * * *
==========================



----------------------------------------------
" كرمالكم ع النت تابعــنـــــــا = نسقي القوافي من منابعنا "
" بوجودكم معنا امتلت بالذوق  = ومندونكم مافي لها معـنا "
----------------------------------------------
avatar
عمار البراضعي
المدير العام

عدد الرسائل : 1125
العمر : 50
Localisation : لبنان - ضهر الاحمر
تاريخ التسجيل : 22/01/2007

http://7arf.editboard.com

الرجوع الى أعلى الصفحة اذهب الى الأسفل

رد: تحضّر يا بو أسامة

مُساهمة من طرف ghazi saraya في 3/13/2012, 12:04 am

غيومي يا نسور الجو طيري===ارتوت منها المحيطات الكبيرة
نما نيسان من غيمي المدمّع===ربي الحسّـــون عنغمة غديري

أنا الميّي بموسم خير جمّـع===سقيت المــرج دمعاتي وخريري
أنا القطرات عالورد المفرّع===فتّح اقحوانو مـــن حــــــريري
رسمت شفافها من لون أبدع===عسل نقّط على شفـايف قفيري

وهطبقة حميتا بقلب أشفع===وفلشـــــت قماش غيماتي حصيرة
لكن حقد شمسك قام ولّـع===نيران الحـــرب والذرة الخطـيرة
ثقب أوزونك وبالغيم شلّع===وجرح ياســمين غيماتي وعبيري

أنا غيومي طفالى بحكم أروع===من حكم السياسات المشيري
بنقـــاوة حكمت بالتلج المنصّع===وتركتك تحكم الشـلّي الفقيرة

وتادعم فكرتي ومنشان تقنع===والبـــس غيمتي التاج الأميري
انت تلتين جســــمانك مشبّع===مـن الميّي من الشتوي الغزيرة
وبدون الغيم والطين المميّع===كنت أحجـــــار بالتربة القفيرة
وتلتين البســـــيطة ماي منبع===وتلت يابس أخذ حصة زغيرة
وبهالحالة أنا يا رفيق أوســع===أنا بتلتين حاكم عالبســــــيطة
وانت بالتلت حاكم عجزيرة
avatar
ghazi saraya

عدد الرسائل : 155
العمر : 32
Localisation : لبنان-راشيا الوادي-كفرقوق
تاريخ التسجيل : 26/04/2011

http://extra_ordinaire86@yahoo.com

الرجوع الى أعلى الصفحة اذهب الى الأسفل

رد: تحضّر يا بو أسامة

مُساهمة من طرف عمار البراضعي في 3/13/2012, 12:05 am


ازحطي من الجو فلي ياغيـــومي = بسرعة تبددي وياشمس قــــومي
دفي هالدني السقـعـــــــــــان دنق = انبزغ فجرك محــى ليل العتومي

من ثلث الوعي نورك الاشــــــرق = استحي في حكمك المنو حـكومي
ع موطني مرق غيم المبنــــــــدق = كآبة بشرشف حربو ولزومــــــي

الطفالى قتّل بجهلو المزنـــــــــدق = بغباشة غيم ع عيونو لغومــــــي
وبنور الشمس شقيتو تعنـــــــــزق = وكرامةّ والدو زرعتو بكرومـــي

افتكر حالو فتح للحرب خنــــــدق = قصير الباع في معهد علومــــي
نسي وهجي اللي فوق الغيم دلدق = بخارو وناكر جميلو أثومــــــــي

لاتنسا ضل باللوحات اســــــــدق = عجز تايغيير فنوني ورسومــــي
مافي غيم كان الزرع أغـــــــدق = وبشمس وغيم ياعامل خصومـي

ترتكتك غيم بهجومي مخــــــردق = بلغتنا إذا بقوي هـجــــــــــومـي
ومتل ماتضيعت لولا الفـــــرزدق = ثلثينك وهـــــــــم ضايع وثلثــي
حكم بالمعرفة الكون العمومي

* * * * * * * *



----------------------------------------------
" كرمالكم ع النت تابعــنـــــــا = نسقي القوافي من منابعنا "
" بوجودكم معنا امتلت بالذوق  = ومندونكم مافي لها معـنا "
----------------------------------------------
avatar
عمار البراضعي
المدير العام

عدد الرسائل : 1125
العمر : 50
Localisation : لبنان - ضهر الاحمر
تاريخ التسجيل : 22/01/2007

http://7arf.editboard.com

الرجوع الى أعلى الصفحة اذهب الى الأسفل

الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى