منتديات الزجل اللبناني الشاعر: عمار البراضعي

أهلا وسهلا بزائرنا الكريم
عليك بالتسجيل لكي ترى كافة المواضيع المخفية
=====================
الزائر رحبنـا برسمــــو = وع التسجيل دعينا يفوت
وغير اللي مسجّل إسمو = عنو منخفي يقـــرا بيوت
=====================


عروس وحماتها حنة.

اذهب الى الأسفل

عروس وحماتها حنة.

مُساهمة من طرف 7arf في 2/9/2012, 1:36 am


متشبصة بهالراي ياحَنِــــــــــــة
بعمرك ماكنتي تعرفي تحنـــــي
عمرك مقارب مد حمّص صـار
وبعدك صابيع الدين بتحنــــــي

بقيتي ورا إبنك ليالي كثـــــــار
تجــــــوز وجبلي ع البيت كنة
وبيوم عرســـــو لسانك الثرثار
بوجها صرختي إخرسي وكني

وضليتك تبرّي لثاني نهــــــار
وتحكي عليها بطبع متجنــــي
مش هامك بيت الإبن ينهـــار
همـــــك نفوذك بس ماتجـنـي

ودمعةّ الكنة سبـقــت الأنـهار
وأسمـــاء غيرا كثـار مابكني
لاموا حماها وطبعها الغــدار
كل مين راح لعندون يهنــي

وبقيت الكنة متابعة المشوار
فيها الأمل بيعيش مستنـــي
والله رزقها بجوز توم زغار
وضلت حماهـا زايدة العنـة

وع قد ماجارت عليها بنـار
قالتلها حلّي بقا عنـــــــــي
وتطلقت من إبنها المغـوار
وبعدو بحنة نفوذ كلمتهـــا
بتقول مش أغلا حدا منـي
==========


هههههههههههههههههه
العمى العمى شوهالفعل


عرفت الحياة بتجربة وكُبـــــر الجراح ... فيها فشل فيها أمل فيــــها نجاح

وطقم السعــــادة اللي عقِل مابيخلـــعو ... لولا استفاد من الخطأ بعد الكفاح

============================
avatar
7arf
admin

عدد الرسائل : 1125
العمر : 51
تاريخ التسجيل : 01/11/2006

الرجوع الى أعلى الصفحة اذهب الى الأسفل

رد: عروس وحماتها حنة.

مُساهمة من طرف ghazi saraya في 3/5/2012, 3:02 am

حلوة كتير كتير خي عمار.يسلم هالنبع الفوّار
avatar
ghazi saraya

عدد الرسائل : 155
العمر : 32
Localisation : لبنان-راشيا الوادي-كفرقوق
تاريخ التسجيل : 26/04/2011

http://extra_ordinaire86@yahoo.com

الرجوع الى أعلى الصفحة اذهب الى الأسفل

رد: عروس وحماتها حنة.

مُساهمة من طرف عمار البراضعي في 3/5/2012, 5:17 am

تسلملي الله يبارك فيك



----------------------------------------------
" كرمالكم ع النت تابعــنـــــــا = نسقي القوافي من منابعنا "
" بوجودكم معنا امتلت بالذوق  = ومندونكم مافي لها معـنا "
----------------------------------------------
avatar
عمار البراضعي
المدير العام

عدد الرسائل : 1125
العمر : 51
Localisation : لبنان - ضهر الاحمر
تاريخ التسجيل : 22/01/2007

http://7arf.editboard.com

الرجوع الى أعلى الصفحة اذهب الى الأسفل

الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى