منتديات الزجل اللبناني الشاعر: عمار البراضعي

أهلا وسهلا بزائرنا الكريم
عليك بالتسجيل لكي ترى كافة المواضيع المخفية
=====================
الزائر رحبنـا برسمــــو = وع التسجيل دعينا يفوت
وغير اللي مسجّل إسمو = عنو منخفي يقـــرا بيوت
=====================


هجوم طرادي من العملاق سليمان طراد شوفوا شو صار هاهاهاهاهاها

اذهب الى الأسفل

هجوم طرادي من العملاق سليمان طراد شوفوا شو صار هاهاهاهاهاها

مُساهمة من طرف 7arf في 3/13/2012, 3:22 am

قبل ما حدا يمحي حبيت انقل هالمحاورة لعندي وشوفوا هالبطل سليمان طراد
شو عامل
======================
Bader Hijawy

بعد طول أنتطار .......وكما وعدناكم .....
... نعلن عن بداية اللقاء التاريخي بين الشاعر
الأستاذ شادي موسى ...................وبحر الزجل سليمان طراد .............

والبدايه من سليمان طراد ................ والله أعلم كيف رح تنتهي ..........

شرفو يا شباب
منذ 22 ساعة


Hajjar Yasser و Kamal Aboufarraj و ركان يوسف و 10 آخرين يعجبهم هذا.
50 من 66
ألشاعر سليمان طراد

يا حامل دف ومأنتك عا شكلك***منّي مشتهي عا النت أكلك
لا شعرك طعمتو بتصلح ل مأكل***ولا في صيرفي بيقبل بنكلك
بأوّل أووف ابن هلال شكّل ***قصيدو بريحة الضو ..وحزكلك

وكتر ما تروحن بشعرو تبكّل***قميص كلوديا وموسى تلكلك

ورجع حسّان عا ربو توكّل***طلعلو دف بالأووف وتنك لك

وبتاني أووف فتّ بألف مشكل***وتا خدت الدف هاني لاللي حبكلك

واجى بدّور عا القصبات شكّل***هيدا شبينك بعرسك دبكلك
وبعد ما ووزّن وقطّع ونكّل***بعرض القافية حتى سبكلك

رجع بو شربل بفردو المنكّل***تا تخطب كلمة الحلوة شبكلك
قبل ما تعود ع بيتك مسركل ** لا بدنا نسمع الكلمي المسمي
ولا بدي ع المنابر شوف شَكلك

يتبع ....
منذ 20 ساعة · 10
ألشاعر سليمان طراد بأول أووف ياما حكيت ياما***بحق زغيب تا حقدك تناما
ورغم ما تواسطو أهلك وربعك***بقيت ببيتك ولابس بيجاما

ولأنو بالزجل بيجف نبعك***عنك ما حدا بالشعر حامى
ولأنك خايب وغامض بطبعك***بعد ما زغيب كبّلك موّيي
حياتك عشتها مشهد دراما
ههههههههههههه
..
بتبع .....
منذ 20 ساعة · 11
ألشاعر سليمان طراد وول هاني روح سددلو حسابو***تا ينجح أووف دافع من جيابو
عمل حسنة معك لما كتبلك***وانتي عليه عم تحكي بغيابو
بأوّل أووف كان مفخوت طبلك***نتائج جيّدة الرفقات جابو
فادي جاب فضة بأووف قبلك***وشفيق الديب خيّال المنابر
وبقيوا للبحر اغلى صحابو

يتبع .....
..
منذ 19 ساعة · 10
ألشاعر سليمان طراد وبالأووف مهما تعمّر جناحك***بدها مواج الضو تجتاحك
بدك بمغزل شعرنا تنحاك***وتلبس الخوف الخانق صياحك

عتب عا موسى زغيب كيف خلّاك***تحمل الدف وترفع قداحك
وعارف بيوتك كلها اشواك***عصونك يباس وسم تفاحك

بتشفط الضو بتسرق الأسلاك***بسام حرب بيفهم الزاحك
وقلّك بطاطا بيع بترجاك***وضليت واقف انت عا سلاحك

ودفعت تا قبلوك فرد تشاك***تا تسوكر بها العام إنجاحك
واليوم رح حطك ببيت الياك***ان جرّبت ترفع راسك بخليّك
تبرم بليل الضو عا جناحك

يتبع .....
منذ 19 ساعة · 9
ألشاعر سليمان طراد لما رفعت الدف بالملقى***بلّشت تحكي بحقنا ونسيت
هاني وانا دعمناك بالحلقىة***تا خدت دفك يومها شو بكيت

ضويّت جمعة وبقيت الخلقة***عتمة غموض وبالتحدي بقيت
خايب ...وجاهل علقتك علقة***ومعروف كلما يكون عالي النوّ
بودي العدا عا جهنّم ترانزيت

يتبع......
منذ 19 ساعة · 9
ألشاعر سليمان طراد وما زال عم بتزيد تهديدك***تهجّم عليي وهات شو جديدك
ولا تجيب من ارشيف كلو ليل***عا شطوط بحري حوت ما بريدك

من ميل بتبين الخيبة وميل***حقدك بيظهرمن بواريدك
خايب وغامض يا قليل الحيل***دف البرونز الحاملو سلّوم
بيسوى دفوف الكوتشوه بإيدك
هههههههههههه
..
يتبع 00000
منذ 19 ساعة · 11
ألشاعر سليمان طراد وعا حنا ليش عم بتقوم حملة***وعندك قصيدة غير مكتملة
حنا الشاوي شال كلمة وصار***يزرع حلا تتشرقط الجملة

قمت القيامة وقلت يا ستّار***حنا سرقلي الشعر بالجملة
ونسيت حنا زينة الشعّار***علّم عليك وبيّنك نملة

بلّشت تتهمني انا يا جحار***خلف البحر عم اجمع العملة
وما زال عم تفتح عليي النار***رح ضل افرك رقبتك تا تضل
ترقص بإيدي متل شي قملة
خخخخخخخخخخخخخ

يتبع....
منذ 19 ساعة · 11
ألشاعر سليمان طراد ابتسم يا بدر حتى يبان سنّك***اجى بحر القصيدة المرجلاني
تا ياخد بالجزر والمد عنّك***بطولة بتنحت الصخر بثواني

ويا شاجي بالزجل شعرك متنّك***لا حس...ولا جمال...ولا معاني
قلت سكّر..يا بحر الشعر دنّك*** انا ما اعتدت اشرب بالقناني

انا من خابية شعرك وفنّك***أخد بأووف دفي الأرجواني
كتبتلي قصيدة يا محنّك***وهاني تواسط وموسى عطاني

قلة ها الوفا لعندك لأنّك***صرت معتاد عا شفط الخزانة
انا ما زعلت يا مضروب منك***انا من الست هيفا كتير بزعل
إهاني!! نرجع نرد الإهاني
ههههههههه
..
يتبع.......
منذ 19 ساعة · 10
ألشاعر سليمان طراد وخيي وسام القال محيّلو***بشاعر ونقطة عا السطر ...شيلو
لحنا...!!قلت ممنوع امحي حرف***حق الدفاع العدل حانيلو

من زمان محيوا بالزجل لحرف***خلّوا الوقية وطفشوا الكيلو
نحنا بموقعنا في عنا عرف***لو سب شاعر ما بنمحيّلو

عا شرط يكتب شعر زجلي صرف***وزيت المقدّس يطعم فتيلو
لكن اذا القانون عنا عرف***يكتوب الفكرة متل ما بتطلع
مش بالحبر بالضو بمضيلو

بخخخخ
يتبع....
منذ 19 ساعة · 9
ألشاعر سليمان طراد وخيي كمال الكلمتو هذّب***قال الحقيقة ويوم ما كذّب
من هيك منو بتهرب الستات***تزوج الكلمة داب وتعزّب

وانتي يا إبهام القصيدة هات***وتا نقول عنك شاعر تعذّب
وتا تشرب من البحر ضويئات***ضوّي القصيدة بلمعة الشردات
وخليّك معنا مزوف مهزّب

من قبل سبع سنين طقيّتك***ومن يومها ما طلعت من بيتك
وحتى شفيق بيشهد وما فيك***تنكر..!! بأبّا حال خليّتك

كسّرت راسك بالزجل تاريك***بتحكي بقفانا بيحترق زيتك
وبنصير قبل الدبح متل الديك***قرقة زراعة بقيت يا ريتك

غامض يا شاجي بالزجل وركيك***ولو صرت إلّاوي ما حبيتك
من حيث دمّك بالبلاغة سميك***وجلدك متمسح عا القتل ما فيك
تعزم بنات الضو عا بيتك

الله لا يقيمك قلتلك لا تلعب مع البحر

ملاحظة ينقل حوارنا عا برحليون وزجل وبس للمتابعة ينقل غدا بسبب ضيق الوقت
وبدي نام تتقبل التعازي في موقع زجل يومين الثلاثاء والاربعاء وفي موقع زجل وبس يومين الخميس والجمعة
نرجو عدم التبرع بأكاليل بل بالعملة

ختام الافتتاح ....
منذ 19 ساعة · 9
شادي موسى أنا انسحبت ومش رح رد.
شكرا فادي لأنك حجمتني بمدرسة واقعية كلاسيكية.


وشكرا سليمان عاشعرك الضاوي.
هاني كتبلي؟
بدر وزنلي؟
هاد تشهير مش شعر.
أنا مسحوب من هالموقع .
تركنا المنبر لشعارو.
منذ 18 ساعة عبر الهاتف المحمول · 7
Ghanem Hommos أنا كنت بتمنا الحوار ييخد منحا تاني ،،لأنو المره الماضيه ،،أبو شربل إستعمل نفس العبارات ،،،، وانا مع شادي بهالموضوع ،،
منذ 17 ساعة · 5
Kamal Aboufarraj ما فهمان شو عم بصير هون
الظاهر فرطت الحفلة وبلش تكسير القناني
يا ريت بتعطيني محلك ياشادي القصة بدها روح
رياضيّه
ما التحدّي ردي ومقابيله ردي شو صابو الأخ
سليمان طرقها خطاب مثل فيدل كاسترو ثمان ساعات هههههههه ooo
منذ 17 ساعة · 4
ألشاعر سليمان طراد موسى قال لجريس
انا اللي كنت دهّبلك الردة***وسقيت نحاس دفك من رجايي

ريتك تضرب ما انعمك ولك انا قلتلو لبدر ما في حدا يحملني لساني مر
ومن هيك كنت مأجلك حمص بتاريخ الزجل ما حدا قايل هيك افتتاح بعترف قسيت عا شادي
عضمو رخو افتكرتو بيحمل بس للأسف بلش ياخد دور الضحية ههههههههههه
بس ما رح ارحم حدا باي رايج عا سيبيريا
منذ 17 ساعة · 2
شادي موسى موسى قال عن حالو.
انت حكيت عن ناس أهانتني بعدة صفحات.
مافيي جاوب وطنش عن ذكرهن وأخلاقي مابتسمحلي اهجيهن بغيابهن ولابحضورهن لأنهن مابيعنولي.
هيدا من ميل
وميل تاني مش لانو متل منك متوهم افتتاحك خارق!
صف حكي وسبسبة
أكيد ماحدا قالو بتاريخ الزجل
لأنو تاريخ الزجل كلو شعر.

لاتواخذوني
طراد هزمني
سلام.
منذ 17 ساعة عبر الهاتف المحمول · 4
ألشاعر سليمان طراد كبر عقلك ورد شعر وحاجي تاخد دور الضحية بشرفك مش لابقلك قسيت عليك وبس
منذ 17 ساعة · 4
ألشاعر سليمان طراد يا شادي بالشعر مسموح كل شي بس يكون مقفا كلمة سد بوزك مش مسموحة وما زعلت منك ههههههههههههههه ريتك تضرب انهارت اعصابك عارق
منذ 17 ساعة · 3
ألشاعر سليمان طراد عارف
منذ 17 ساعة · 1
Ghanem Hommos شادي بحياة ربك ما تنسحب ،انسا وبلش ،ناطرينكن صرلنا شهر،ونت صرت تعرف أبو شربل أكتر من غيرك ،دافع عن حالك بالشعر ،،
منذ 13 ساعة · 3
Ghanem Hommos أنا كتبت هيك بعد ما شفت رد أبو شربل ،يعني بعد في مجال للحوار،،عمل معروف ،،
منذ 13 ساعة · 3
La Youmal يا جماعة طولوا بالكن طول عمرو هيك التحدي،، أخذنا جمعة عظلة من المدام تا نتابع معكن، طلعنا ايد من قدام وايد من ورا هههه
منذ 11 ساعات عبر الهاتف المحمول · 3
عابر سبيل ليكو يا شباب انا ما بجامل حدا... شادي يا انت حسّاس زيادي عن اللزوم ... يا انت مش قادر تردّ على سليمان... وانا بخبركم تعرفت على سليمان بهالموقع وهيدا الزلمي يمكن ما يشوفني بحياتو ولا بدي منو شي ولا بدو مني شي.. بس انا شايفو من روس الاوادم ولطيف وشاعر كبير ومحترم وبيمزح بأدب وهوي بصراحة شريان حيوي عم بمد هالمواقع... ولا انا جايي اعطي شهاده.. شهادتو هوي مهرها بختم شاعريّتو... لازم ياخذ حقّو ويتكرّم...
منذ 7 ساعات · 5
ألشاعر سليمان طراد يا عابر انا قلتلكن شادي جبان ما قنعتو اصطفلو انا يا عابر ما برد نثر انا شاعر
بعرف منين بيتآكل الكتف هههههه قلتلكن لا تلعبوا مع البحر يا عمي تركوني
اشرب شمس واتدشى ضو يا شادي ريتك تضرب لا تفكر حالك تسطعطف الجمهور ولك استحي عا دمك وشو الليكات خخخخ احترم الجمهور اللي تعزّب من كندا والبرازيل والامانيا والاردن وسوريا هههههههههه بس شو بدنا نعمل الخوف بيقتلك
منذ 7 ساعات · 3
Tago Kodeih شادي انت شاعر حساس و وحرفك معروف برهافتو فيالله بقى خلينا نشوف الحرف الحلو بالتحدي الراقي
و خلو الزعل عا جنب و خلونا نستمتع بالصور الشعرية اللي بترسموها بحروفكم افتتاح بو شربل ما تخطى اللياقة المنبرية مع انو كان قاسي شوي بس باعتقادي هيك التحديات بتكون ... يسعد اوقاتكم
منذ 6 ساعات · 4
ألشاعر سليمان طراد يا عيني عا البيفهموا يا تاغو بس انا مش معك انو شاعر حسّاس هههههههه
شاعر مرعوب وبيخاف من المنبر ريتو يضرب قعدني ساعتين اكتوب مبارح خخخخخخخخخخخخخخخخخخخخخخخ يلا بس انتي بتعرفي قلت الحقيقة لما قلتلو

الفرق شاسع تعلّم يا مصدّي***انا بطق القصيدة بربع ساعة
وانت بتطق تا تطلع قصيدة

آخ عا غنية فيروز يا ريت حدا بينزلها لما بتقول
وآخ يا شادي خخخخخخخخخخخخخخخخخخخخخ
منذ 6 ساعات · 2
Nidal Al-Jayousi بداية انا لا بعرف شادي ولا بعرف سليمان شخصيا ولا بجامل ولا بحب اجامل ... يعني رايي حيادي ... انا بشوف الكل بلوم شادي على حساسيتو وانو ما تزعل هذا تحدي وشعر ومش عارف شو !! ولكن نسيتو انو افتتاحية سليمان كلها اتهامات شخصية لشادي بيع وشرا شعر وشخصنة زيادة عن اللزوم ... ما مر بيت ما في تهمة ,,, واتهامات من العيار الثقيل ... بعض الناس مرت كلمة ما عجبتو عمل عليها رواية وحكاية .... اما لما افتتاحية مش عارف الف بيت كلها اتهام وتجريح وعدم احترام مرو عليها مرور الكرام .... وين الشعر في الاتهام والتهجم الشخصي والفضايح والتجريح !!! يعني يا شباب لا يموت الذيب ولا يفنى الغنم .... ونصيحتي لشادي لا يكمل احسن ... اذا هيك اولها كيف اخرها ... وسلام
منذ 6 ساعات · 2
La Youmal يعني الشاعر سليمان بدو حقو، ما معقول تعبو يروح عالفاضي،، نطالب بتعويضات او باستعانة بشاعر للتحدي Smile
منذ 6 ساعات عبر الهاتف المحمول · 2
Hajjar Yasser الفرق شاسع تعلّم يا مصدّي***انا بطق القصيد...ة بربع ساعة
وانت بتطق تا تطلع قصيدة
انا ضد هالكلام يا بو شربل .....انا بطق عشر قصايد بالدقيقه...مش هيدا الموضوع ...بطلب من الاخ شادي والاخ سليمان التروي .....وبدنا الاخ شادي يرجع ويرد عا سليمان بذات المستوا ونحنا ناطرين وتحياتي للجميع
منذ 6 ساعات · 3
أيوب أبو زور الزجل بدو روح رياضيي يا شباب
منذ 6 ساعات · 2
Hanna Chawi ﺷﺎﻋﺮ ﻣﻬﻢ ﻳﺎ ﺑﻮ ﺷﺮﺑﻞ
ﺍﻟﻠﻪ ﻳﻘﻮﻳﻚ
منذ 5 ساعات عبر الهاتف المحمول · 1
شادي موسى كتر الرسايل الوصلتني فتت تا احكي
بعتقد ماحدا فهم شي من افتتاح سليمان غير نضال
مع احترامي للكل..
ماشفتو الإتهامات والتشهير؟

افتتاح كمال مهتار أقوى بألف طاق من هالحكي وجاوبتو
يعني لاحدا يتفلسف ويعلمني عالروح الرياضية وكيف بيكون التحدي..
في فرق بين المراجل وبين التجريح والإتهامات ..

والأكبر منو مافزعت منو تا افزع من حكي فاضي..

وسؤال للشباب ؛
بدكن مباراة شعر أو شتايم؟
وقت فتنا أنا وكمال بقرادي ارقى من هالمستوى
ماضل حدا مافات وقال بدو شعر وصور..

بالنهاية كرامتي مابتسمحلي تابع مع اشخاص بيقولو في ناس عم تكتبلي..
ومابقبل للاستاذ الشاعر الكبير فادي فياض انو يحجمني بمدرسة معينة لاهو ولاغيرو
الشاعر أكبر من كلشي..
سلام.
منذ 5 ساعات عبر الهاتف المحمول · 4
أيوب أبو زور ((((((((((يعني لاحدا يتفلسف ويعلمني عالروح الرياضية وكيف بيكون التحدي)))))))))))))))))) انا قلت الزجل بدو روح رياضيي بطيب نيي وشوفو " شادي موسى" كيف جاوب ,,,,, الاناء ينضح بما فيه
منذ 5 ساعات · 3
May Assaad معك كللللللل الحق يا شادي وبزيد انو الشاعر لازم يكون "شاعر" باحاسيس الناس قبل ما ينظم شعر.
منذ 4 ساعات عبر الهاتف المحمول · 3
شادي موسى أنا يا أخ أيوب كتبتها عن قصد بس مش قاصدك انت بالذات
لأني بعرف رح يطلع حدا يزعل..
وأنا بقلو خلي روحك رياضية وتقبل كلمتي يتفلسف.

بعتذر عالكلمة وبعتذر منك..
بس بعتقد وصلت فكرتي.

أنا نضحت بما فيي..
وسليمان نضح بما فيه.
منذ 3 ساعات عبر الهاتف المحمول · 3
أيوب أبو زور مش طالب اعتذار ,,,, واسطفلو نحنا مبسوطين بالزجل وحنظل نحب الزجل وانتو ما حتقدروا تشوهو هالفن اللبناني الاصيل بمشاكلكم الصغيري ,,,, انتو بتكبرو بالزجل مش الزجل بيكبر فيكون خليكون متذكرين
منذ 3 ساعات · 2
شادي موسى شكرا ست مي..
بعض الناس بدهن الشاعر يشتم ويهين الشاعر القبالو
مازال الأخ قال اني جبان ومش شاعر
ليش طلعت عيونو وحط ألف واسطة تايحاورني؟
ومازال في ناس بتكتبلي يتحاور معهن ويوفر تعب المراسلات..

بعدني ناطر تعليق فادي
وبدر قبل ما اترك الموقع.

أو متل العادة بدكن تتفرجو من بعيد عالإهانات
وتقلي انها سقط بغياب الدليل يابدر؟
وانت حضرتني بسهرة العشا والتعارف بعمان أنا وسمير كيف ارتجلنا شعر مش حكي
يعني فيي صفصفلك قصايد لبكرا اتهامات بحق الشباب ومين بيكتب لمين.
منذ 3 ساعات عبر الهاتف المحمول · 5
La Youmal يا شباب الموضوع انقلب دراما وعم ينقسم ل جيشين,,كنا مبسوطين بالزجل وبالشعراء والمشاركين وهيك لازم يبقى الجو بالموقع,, يا ريت بتلاقوا حل للموضوع ل حتى ما يتعوكر مزاج الشباب أكتر
منذ 3 ساعات · 4
Ghanem Hommos والله والله يا شادي لو عم ترد بالشعر أكيد كنت أكتر عندك مجال تعبر وتدافع عن حالك،،وتحط أبو شربل تحت الامر الواقع،
منذ 3 ساعات · 3
Kamal Aboufarraj اخ شادي فرجي للشباب مستواك اللي نحنا منعرفو ورد على هالهجمة البربرية باسلوب راقي ونحنا كجمهور بالنهاية رح نحكم
وانت بتعرفو لسليمان اكثر
ما هذا شعر وما سب الزلمي لا العرض ولاالدين القصة محلولة
حمّي هالمحرك وخلصنا او عالمازوت يعني بدو وقت
تا يحمى ههههه ooo
منذ 3 ساعات · 2
شادي موسى أيوب.
أنا اعتذرت لأنو أخلاقي هيك
انت حر تقبل أو ترفض.

وأنا لأني حريص على عدم تشويه الزجل مانزلت لمستوى اهانات الخصم.
وإذا حضرتك بتابع شعري بتشوف اني بحترم خصمي والناس العم تحضر..

محبتي إلك
منذ 3 ساعات عبر الهاتف المحمول · 3
May Assaad لا يا شادي خليك ع موقفك ولا تخللي حدا يجر اجرك قبل ما ترضى كل المواقع والناس اللي انجرحت تتداوى وينمحى كل شي انكتب. ساعتها فينا نقول انك سجلت موقف تاريخي بس أبدا مش لازم يصير حوار وبعد في اشيا مش مصلحة.
منذ 3 ساعات عبر الهاتف المحمول · 3
Bou-Shadi Omar A-Samad أنا ما فيي غير إتفلسف وقول:
حبوا بعضكن...ههههه...
بس جدياً أنا عندي كتير تحفظ عاللي عم بيصير... بوشربل كان فيك تعمل إفتتاحية ملخصة ورسمية أكتر من هيك... يعني هلكنا ونحنا نقرا... ومتل ما قال خينا غانم... كتير بيشبهوا اللي قبل... يعني سامعين أغلبهن منك قبل بمرة... فا برأيي اعملوا إفتتاحية جديدة بتحدد الإدارة طولها... وبعدين لتمشي الأمور سموثلي... هههههه... أنا مش شايف إنو الموضوع مستحيل... صحيح شادي قلبو كتير طيب... بس مش معناها بتركبولوا عا ظهرو... (عذراً عالتعبير)... مع إحترامي وتقديري الكبار لخينا شادي... وأكيد لبوشربل والجميع..... تحياتي...
منذ 3 ساعات · 4
شادي موسى شباب بحترم رأيكن
انتو مش شايفين اهانات او تجريح
أنا شايف العكس

مش رح جاوب
أنا بعرف شو أنا
منذ 3 ساعات عبر الهاتف المحمول · 4
Bou-Shadi Omar A-Samad مبلا حاسسين معك خيي شادي... وكرمال هيك عم قول حبو بعضكن... واعملوا جولة جديدة... بترعا ضوابطها الإدارة... ومنصر عليك... إنو ما تنسحب... وتعالى فوق الجراح... إذا صح التعبير......
منذ 3 ساعات · 2
شادي موسى ست مي
ماحدا بيجر اجري عامطرح مش إلي
في مشكل بغير محل وبدر رح يصلح الصار..

وياأبو شادي انت وغانم صبتو عين الصواب
حكي مكرر
لأنو البريق المليان هوا مابيصب غير الهوا

لو غير افتتاحو بقا حاور غير شعار
مش ناس بتحط كلمة شاعر قبل اسمها تاتنعرف.
منذ 3 ساعات عبر الهاتف المحمول · 3
Ghanem Hommos نحنا بيهمنا يا شادي نعرف ليش أبو شربل على طول ينتقص من شاعريتك عنجد صار الامر مزعج،، وبدي أعرف أنا كا هاوي شعر ،،كيف بيئدر يستمر شاعر ،حدا عم يكتبلو، ، وشو لذه الشعر إذا ما بينبع من داخلو،،تحياتي الك خي شادي ،منحترم رايك،
منذ 3 ساعات · 1
Ehab Abdein افتتاحية مزعجة ومملة وبعمرو التجريح ماساوا شاعر
منذ 2 ساعات · 1
Hanna Chawi يا مستر ايهاب من احمل الافتتاحيات لا مزعجة ولا تجريح روعة
منذ 47 دقائق
شادي موسى شهد شاهد من أهله.

بعدني ناطر يافادي وبدر..
منذ 37 دقائق عبر الهاتف المحمول
شادي موسى ياغانم أنا مش ناطر كم واحد يعترفو بشاعريتي..
ومابيهموني

بيكفيني كتار بيحبو شعري ومنهن شعرا كبار..

في ناس لهلق بتقول عن طليع مش شاعر
روحانا بذاتو قال هالشي وفادي فياض شاهد.

يلا هلق بيطلع حدا بيقول شادي ساوى حالو بطليع


عرفت الحياة بتجربة وكُبـــــر الجراح ... فيها فشل فيها أمل فيــــها نجاح

وطقم السعــــادة اللي عقِل مابيخلـــعو ... لولا استفاد من الخطأ بعد الكفاح

============================
avatar
7arf
admin

عدد الرسائل : 1125
العمر : 51
تاريخ التسجيل : 01/11/2006

الرجوع الى أعلى الصفحة اذهب الى الأسفل

الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى