منتديات الزجل اللبناني الشاعر: عمار البراضعي

أهلا وسهلا بزائرنا الكريم
عليك بالتسجيل لكي ترى كافة المواضيع المخفية
=====================
الزائر رحبنـا برسمــــو = وع التسجيل دعينا يفوت
وغير اللي مسجّل إسمو = عنو منخفي يقـــرا بيوت
=====================


مشتقلك يابحر

اذهب الى الأسفل

مشتقلك يابحر

مُساهمة من طرف 7arf في 4/4/2012, 2:25 am


مشتقلك يابحر
======
يابحر الموجك عرفتو مخلّـــــط
العلم والجهل ع شطو مزلّـــــط
الكل تفرعوا عندك ع شــــاطي
الصحيح بتقبلو متل المغلّـــــــط

ياقلب كبير مستوعب الخـــاطي
النكر ملحات رداتك وجـــــلــط
تايرجع عبقري التفكير عاطـــي
بذنوبو طهّر غرورو المسلــــط

ان لمحت اليوم هاجم إعتباطــي
بشعرو مدعي وشعرو محلّــــط
بعتلو موج قدو يكون واطــــــي
وعالي انشفت ع مسافات قلــط

قبل مابحرف إرجع قب باطــي
وقص لسان كم أزعر مشلــــط
ع منبر أوف خبزو كـان لاطي
ادّعى بلّط بمالو بحور نـــاسـي
البحر ياناس مابعمرو تبلـّـــــط
============
برافو عليه عرف حالو ما استرجى يرد.ههههههههه
===========

وياشــعـــري مارد الكلمي قطفـلو
العبـــــير ومرج زهراتك غرفـلو
إذا كفـــلو حدا وغصنو مارطـب
وشــوك ودي إذا شاعر ماكـفلــو

انشفتوا ماردي الجفنين قطــــــب
المـــنابر حزن بالشعرا احتــفـلوا
واذا بلشــــت بحروبـــي تشطـب
حدا لولا تعرضــــــــّلو ووقـفلو

حملت فراعتي وفـــيها تحطــّــب
جماجم فاضية ع الجهل غفــلــوا
سكروا قبل ماشــــربوا مـرطـب
وقبل ماكاسهن عصـورت دفـــلو

الزجل للمرجلة بمحبس تخـطب
بأنامل مرتجل يخلع وقفــــــــــلو
حدا مابيقبل بسعيو مقـــــرطــب
النصيحة بي جمل كانت وهودج
واذا ماسدقوا الباقي اصطـفلــوا


عرفت الحياة بتجربة وكُبـــــر الجراح ... فيها فشل فيها أمل فيــــها نجاح

وطقم السعــــادة اللي عقِل مابيخلـــعو ... لولا استفاد من الخطأ بعد الكفاح

============================
avatar
7arf
admin

عدد الرسائل : 1125
العمر : 50
تاريخ التسجيل : 01/11/2006

الرجوع الى أعلى الصفحة اذهب الى الأسفل

رد: مشتقلك يابحر

مُساهمة من طرف عمار البراضعي في 4/21/2012, 3:44 pm


طيب ليش بعدني عم بسمع حكي فيني اعرف ؟
===================

صوتك ضبـــــاح وثوبك مبـرقـط
وراجع ندامـي الأصبع مقـرقـــط
لمـــا القيـقاع بتسمعـــــــــو دوّى
بتهرب هلع يادب المبرقــــــــــط

شديــد ورخو وبيلزمو مقـــــوّى
ثوب الأفاعي لابسو الأرقــــــط
هاجم ياريتو كان يتـــــــــــروى
ويعـرف ع شو معزوم يتبقــــط

ماعاد قلبي بحكمتو ملــــــــــوّى
ووعد كلما بقشعو وبلقـــــــــــط
مفجم مقطب راجع مســــــــوى
ولابس محل دبور المزرقــــــط

وطهبوب متلك كان مع حـــــوا
تمحوا هجومي العيبكن سـقّـــط
نسيتوا بدوني الشعر ماضـــــوا
السجاد مابيسوا بلا التنفيــــض
ولوما خيالي النت ماشرقـــــط
============
ياويلي عليك ياهجرس فرم تا افرمك
خخخخخخخخخخخخخخخخخخخخخخ
بس طمن بالك في محبة بعد بقلبي
انا مش وغد متلك هههههههههههه



----------------------------------------------
" كرمالكم ع النت تابعــنـــــــا = نسقي القوافي من منابعنا "
" بوجودكم معنا امتلت بالذوق  = ومندونكم مافي لها معـنا "
----------------------------------------------
avatar
عمار البراضعي
المدير العام

عدد الرسائل : 1125
العمر : 50
Localisation : لبنان - ضهر الاحمر
تاريخ التسجيل : 22/01/2007

http://7arf.editboard.com

الرجوع الى أعلى الصفحة اذهب الى الأسفل

الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى