أحد رجال الدين

من طرف **7arf** 9/20/2015, 12:40 pm

أحد رجال الدين
هاهاهاهاهاهاهاهاهاهاها

متزيف وماشي ع درب الوعر
وثوب الطهارة ماعطا حقو
ناقص ورق يلعب ويكتب شعر
ويقعد يصب الكاس ويدقو

وقال شو؟ وين ماشافني طليت
بيركض يقلي بيت قرادي
ومن قبل مايخلّص بطقو بيت
وتاسايرو ... بيطيّب زيادة

وشعر الأباحي بيعبد عبادة
وردةّ غزل بيقول سمعني
بيسأل تمني يغيّر العادي
قولك شو رح بيصير؟ طمني

ومرة عزمني وفتت ع بيتو
وبعرف أمرنا الرب بالسترة
حاطت cd عم يحضرو لقيتو
وماتاب كررها بعد فترة

يخرب بزوقك عيب قلتلو
الثوب شلحو نفسك إذا خضرة
متل الكأني وجاع شلتلو
قلي ان نكثت بيحصل مضرة

بيضمن أراضي بذارها ع النص
بيقسم بلا ذمة وعلى ذوقو
بيتدين وبالدفع صوتو غص
بيحلف كذب والرب من فوقو

وقيمة لحالو عامل وريمة
متفلسف وبالوعظ بيشاهر
ع القنشلية مركب بزيمة
فيها عراوي مزينة مجاهر
راخي ع صدرو مطول كريمي
ماهر بحنكة بيخدع الظاهر
لكن تايخفي شكل توحيمة
تلطى بثوب يغيّر مظاهر
برأي الثوب صفا بلا قيمة
ان ماكان جسم اللابسو طاهر
=====================