عم تحترق بيروت

ليش البشر بتموت
والحلم متعلّق
صار العمر تابوت
والواقع مقلّق
وان ضل حظ الأدمي مفلّق
بالحيط بدنا نفوت
وبنقول من هلق
عا جيشنا الجبار
ما في حدا علّق


طابور خامش فات
تا يغيّر القانون
الحسرة على اللي مات
وعا حرقة الأمّات
الفتني في ألها قرون
ويا حرق قلبي
ليش يا بيروت
فيكي البشر بتموت


وكرمال مين
وليش
ما بتستلم يا جيش
تا يصر عنا بالوطن
أنسان
يعرف حدود
العيش

يسرق حنين
السلم
يا لبنان
ويشلح أمل
عا بيدر النسيان
ويلم حبّات الفرح
ويطير
خلف الغيوم
المارقة
مشاوير
عا مفرق
الي حب يلعب نار
الهيئة ما عندو بعيلتو
قصّار
تا صار قلبو
مطعّم من حجار
يرحم قلوب
مجلدي عاالنار
يرجع قبل ما يصير
صيّاد
يعشق موت العصافير
يحكّم ضميرو
ويسمع الأخبار
كيف البشر بتمون
يا حرق قلبي
تحترق بيروت

بيروت يا حلم الدني والأخرة
يا باب شرق النار حرقتلو الدرف
يمكن على شطوطك يجيبوا باخرة
تا ينقلونا وما حدا فينا اعترف
صارت حياة المجتمع غيرة وقرف

فاقو عا مجدك ليش ما تركوا مجال
نحكي سوى ونحل مشكلناسوى
ولا تروح نقطة دم ما بدنا قتال
ونفيق يا بيروت عا هبوب الهوا
نحمي كرامة شعبنا نصون الشرف
ونشد حبل المشنقة بيلّي اقترف
أكبر جريمي بحقنا وباع الوطن
وكل شي مع الأيام لاااازم ينعرف