قلاب

من طرف rawad 5/24/2008, 12:19 am

قدما رمشك حب الميل......الكحل عينيكي تكحيل
عاعيونك مش ممكن حب......الميل العا رمشك بيميل
* * *
من الموجود بأجمل بيت.......غنيت مخمس مردود
مردود مخمس غنيت......بأجمل بيت من الموجود
بقنديلين ونور و زيت.......الليل محيت بدون حدود
بدون حدود الليل محيت...... بقنديلين ونور و زيت
..............زيتين و نور وقنديل..............

من طرف **7arf** 5/24/2008, 2:08 pm

المهر بسوس بشمل التم = بّشُرب الدم برن كؤوس
برن كؤوس بشرب الدم = بشمل التم المهر بسوس
بسيف وبركيلين وســـم = المــابينـهم بيقطع روس
بيقطع روس الما بيـنهـم = بسمّـيـن وبركيل وسيف
وسيفين وسم وبركيل
===================
يلا شباب منتمنى المشاركة من الجميع

من طرف salomon 5/24/2008, 10:43 pm

بعمّرقصر بحط أساس***بخلي الناس الوقت العصر
الوقت العصر بخلّي الناس***بحط أساس بعّمر قصر
بايد وزنكيلين وراس***من الأحساس بنعصر عصر
بنعصر عصر من الأحساس *** براسين وزنكيل وأيد
وايدين وراس وزنكيل

يلا شباب حمّوها وبتمنى عا الأخ رواد يتسجل عندي بالمنتدى منشان ننقلها مباشر عا المنتديين

من طرف **عمار البراضعي** 5/25/2008, 4:13 am

فتحنا عيون بفصل الصيف ... بأحلى طيف المع سل مون
المع سلمـون بأحلى طيف ... بفصل الصيف فتحنا عـيون
بشعــر وتسجيلين وضيف ... ازداد الكيف بّرحلـيــــــون
بّـرحلـيـــون ازداد الكيف ... بضيفين وتسجيل وشــــعـر
وشعرين وضيف وتسجيل

***************************
وانا بدوري بتمنى من كل الأخوة الشعراء يتسجلوا بمنتدى برحليون
إذا ماكان في مانع لأنو هالمنتدى ومنتدى الأخ سليمان هني واحد
وكل المنتديات للشباب الطيبة وتسجيلكم بيسرنا فيهم تحياتي للجميع.

من طرف salomon 5/25/2008, 5:40 am

وهي لعمار لعيونك

بشيل الضيم براس عناد***على استعداد الفوق الغيم
الفوق الغيم على استعداد***براس عناد بشيل الضيم
بفكر وتحليلين وزاد *** الحب ازداد الوادي التيم
الوادي التيم الحب ازداد***بزادين وتحليل وفكر
وفكرين وزاد وتحليل

من طرف **Nana** 7/17/2008, 3:43 am

ان الله راد منكدح كدح // بذم وقدح بشعر ولاد
بشعر ولاد بذم وقدح // منكدح كدح ان الله راد
بحب وتدليلين وصدح // ازداد المدح ونحنا بعاد
ونحنا بعاد ازداد المدح // صدحين وتدليل وحب
وحبين وصدح وتدليل

-----------------
ياجماعة ماتواخوني طولت الغيبة عليكم واشتقنالكم

من طرف **7arf** 7/21/2008, 2:25 am

وويــنك وين غيابك طال = عليكي انهال الدمع بعين
الدمع بعين عليكي انهال = غيــابك طال ووينك وين
بفيلم وتمثيلين ومـــــــال = بأجمل شال انلفوا تنـيـن
تنين انلفوا بأجمل شـــال = مــاليـــــن وتمثيل وفيلم
وفيلمين ومال وتمثيل
========
ونحنا اشتقنالك يا أحلا نانا لاتطولي الغيبة علينا

من طرف علي عامر 7/23/2008, 4:07 pm

يعطيكو ألف عافيه

عيونك نار جنون العرض = فنون الفرض الغايه كار

الغايه كار فنون الفرض = جنون العرض عيونك نار

بغمز وتدجيلين وبغض = وقع القرض على الأسرار

على الأسرار ووقع القرض = ببغضين وتدجيل وغمز

وغمزين وبغض وتدجيل

من طرف ghazi saraya 3/10/2012, 1:01 am

أتمنّى من الادارة الكريمة تعديل الردة الأولى للأخ رواد يمكن خطأ بالطباعة:
بقنديلين ونور و زيت.......الليل محيت بدون حدود
بدون حدود الليل محيت...... بقنديلين ونور و زيت
..............زيتين و نور وقنديل..............

*******************
القنديلين مثنيها مرتين والنور مش مثنيها.مع تحياتي

من طرف **عمار البراضعي** 3/10/2012, 4:25 am

دكتورنا الحبيب غازي معك حق ومفروض تكون
بدل
بقنديلين ونور و زيت.
بنورين وقنديل وزيت تاتبقى القفلة متل ماهيي
اما بصير تبقى هالشطرة على ماهيي
والتغيير بالقفلة
بقنديلين ونور و زيت.......الليل محيت بدون حدود
بدون حدود الليل محيت...... بنورين وقنديل وزيت
..............وزيتين و نور وقنديل..............

شكرا على هاللفتة وأكيد خيينا رواد كتبها على جناح السرعة

قلاب

قلاب

رد: قلاب

رد: قلاب

رد: قلاب

رد: قلاب

رد: قلاب

رد: قلاب

رد: قلاب

رد: قلاب

رد: قلاب