ترحيب بالدكتور:غازي سرايا

من طرف **عمار البراضعي** 4/26/2011, 2:44 am

أهلا وسهلا بالدكتور غازي سرايا
إبن الشاعر والصديق المحب : نسيب سرايا
==================

ياجيش الفكر باعتلك إعـــــازي
تخلي درب شعرك برجــــوازي

ومن حوض اللي زهراتو غنايا
إفلش ورد جوري وتركـــوازي

إبن العدل جايي من السرايــــا
حفيدك يا أسد إسمك مــــوازي

بيو الشاعر بعيلةّ سرايــــــــــا
طبيب مخصصو بذات المشاعر
ووطنى كثير للمتلو بعــــــازي

* * * * * * * * * *
أهلا فيك دكتورغازي لأنضمامك لأسرة منتدانا

من طرف ghazi saraya 4/28/2011, 1:25 am

ورود الشعر عطيت عطور زرارها

من نفحة الكلمة ان حكي عمارها

ولما الشعر شيّد قصور المملكة

كنت النبي بالمملكة لشعارها

من طرف **عمار البراضعي** 4/28/2011, 1:56 am

ياورد رشرش عطـــــرك ولاتختبي
وإفلش درب غازي بعطر الموهبـة
عاقصر باب المملكة العطرك نشق
بيحمل فكر جبران وبيــــرجع نـبـي

* * * * * * * * * * * *

من طرف ghazi saraya 4/30/2011, 1:51 am

ليل الوحي مهمــــا غزل من مغزلو
من نول كلمـــــاتك يا نســــر بمعقلو
منشـــــوف ببحرك حروفو تسلســـلو
وحد الغزارة عميســـــقســــق منهلو
وعورد شـــــعرك فراشــــــاتو تنقلو
ومنك زهورو تغنـــــــجو وتجمــــلو
بفكرك صقلت الموهبة وشفنا الوحي
لابس عباية مفصلة بتلبــــــــــق الو

من طرف علي عامر 4/30/2011, 5:46 am

اسجّل اعجابي بالشاعر الاخ غازي سرايا

ومنوّر معنا بمنتدى خيي بو اسامه

من طرف **nawef** 5/1/2011, 3:05 am

صفـــــحات موقعنا العلية بشانـهـــا
بتفلش طريقك من زهر ألوانهــــــا
ضـل الوحي يصب بدعم إيمانــهــا
وكبرت نياشين الوفا بإخوانهــــــــا
عمـــــار لوما يدعّم بـّـــــــــنـيانهـا
حارةّ زجلنا شلقوا حيطانهـــــــــــا
وبحرالزجل موجو طرش تاصانها
والحرف خــلـّــــد مجدها بعنوانهـا
وزيّن ربيــــــــع المغربي بستانهـا
وسيّــج علي عامر شوك جدرانهـا
ونواف للآخـــــــــــر بقي منشانها
محافظ على كل قافية وأوزانهـــــا
وعيلةّ زجلنا الصرت من شبانهـــا
عزفت على أوتارها بدوزانـــــهــا
مننسج عباية معرّقــــــة بس نلتقي
وكلما افترقــــــــنا ينسّلوا خيطانها
= = = = = = = = = =
ياهلا بيييييك غازي

من طرف hiam 5/1/2011, 3:26 am

نستقبلك بكل محبة وسرور مرحبين بانضمامك لأسرة منتدانا العريق
أهلا وسهلا بك بيننا شقيق وشاعر وأخ وصديق
مع اطيب التمنيات لك وبالتوفيق.

هيام

من طرف **Nana** 5/1/2011, 3:35 am

اهلا وسهلا بك دكتور أسعدني وجودك بيننا

من طرف **عمار البراضعي** 5/1/2011, 6:41 pm

غازي يابن شاعر كبيـر بمـرجعـــو = ولاد الاصـــــالة للأهالي بيرجعــوا
كلما صابيعك عاليــــراع تصبّعـــوا = ديوان ذوق الشــــاعريـة بيطبـعــوا
بعين الخيال مدحت شعرك مطلـعـو = وحبر القلم عالمدح نشـّــف مدمعو
وللداء مش بس الدوا جاب الطبيب = جايي وإيحاء الشعـــر جايبلي مـعو

* * * * * * * * * *
شكرا لكم اخوتي جميعا على الترحيب
علي ونواف وهيام ونانا
تحياتي لكم

من طرف ghazi saraya 5/3/2011, 1:34 am

سقسق يا شعري حد هالنهر الغزير
وخلي السطور منمقة وحرفـك منير
وانسج قوافي محيكة بخيط الحريـر
لتفـــوت عجنـــــــات عمار المديـر
تلبقلـــك الجولات يا ابن براضعـي
وعأبجـــــــرك بلمنتدى تظلك أميـر

شكرا كتير عهترحيب غمرتوني بلطفكم وأنا بشرفني وبكبر بانضمامي لهلمنتدى الرائع يلي في باقة من شعراء الزجل يلي بيرفعو الراس وببشرنا بمستقبل مثمر لزجل اللبناني وانا مبسوط بوجود الأخوات بهلمنتدى لأنو انتو الكن الدور الكبير والأساسي بانشاء وتربية أجيال واعية محبة لزجل اللبناني ولشعرائو .بكرر شكري الكن والله يطول باعماركم جميعا وتظلو منارة لزجل

ترحيب بالدكتور:غازي سرايا

ترحيب بالدكتور:غازي سرايا

رد: ترحيب بالدكتور:غازي سرايا

رد: ترحيب بالدكتور:غازي سرايا

رد: ترحيب بالدكتور:غازي سرايا

رد: ترحيب بالدكتور:غازي سرايا

رد: ترحيب بالدكتور:غازي سرايا

رد: ترحيب بالدكتور:غازي سرايا

رد: ترحيب بالدكتور:غازي سرايا

رد: ترحيب بالدكتور:غازي سرايا

رد: ترحيب بالدكتور:غازي سرايا