إستراد وتصدير

زعلنا رضينا بس مانســـــــينا
نحنا بمحبة كلنا ربــــــــــــينا
بالشعر جينا نحب كل النــاس
بحقد وفرض عالناس ماجيـــنا

الشاعر بيطيّيب للبشر أنفاس
عيونو بتسهر تايوعيــــــــــــنا
كلما إجا بنوبةّ فكر حــــــراس
بيكتب قصيدي تايسلــــــــينا

مش كل مشكل ينبنى متراس
ودشمة بتهدم عمــر شو بنينا
وعن صدرنا تانبعد الخنـــــاس
ومانخلّ الحقد يعمــــــــــــينا
==============
أسمر


لافي ضحايا لا رشــق لاقواس
ولا حق ننسا اللي مـــــوصينا
الصلح سيّد موقفو بينقـــــاس
لما الحبق ينشق أسامينــــــا

وحتى بمحبتنا ندق الكــــاس
ونحمي بـّحور حروفنا الميـــنا
ونورّد الشعر الحلو الحـسـاس
ونستورد محبة بتئآخيـــــــــنا

وين صفّى هالطبق لنحــــاس
بدقةّ محبــــــــــة يــرن لاقينا
لاتعزمونا عاطبـق إلمـــــــاس
منقبل بتبّولة وصحـن زيتـــون
المهم مايشمت حدا فيـــنـــا
================