حزازير زجلية

من طرف rawad 10/27/2008, 3:56 am

منلعب لعبة حرزاني ....... وحزورتنا الحلياني
اللي بيعرفها بيعود ...... يحزر حزورة تاني

ومنذكر انو جواب الحزورة بكون بردة منفضلكن
ا
حزورو رقم 1

بتوعى فوق جبال السحر...... وبعد الضهر بلاقيها
عم تتنعوس حد البحر...... تا تغفى عا شواطيها

من طرف Satr 10/27/2008, 4:17 am

يا رواد بشعر الهمس ---- الحب انحب يلاقينا
يشرف بعد غروب الشمس ----يقيل جنب شواطينا
---------------

الحزورة رقم 2

أعور عينو وحدة وعال ---- بيقعد تا العيلة يكلم
ساعة بيكون الدجال ---- وساعة بيكون معلم

من طرف rawad 10/28/2008, 4:15 am

هالأعور بيواسينا..... ومنو الله ينجينا
عرفنا عنّو التلفزيون...... البيكذب تا يسلينا

حزورة رقم 3

ضلك راقبها و ما تهج......ووجودك ما تنسيها
ولا تجرب تعطيها وج...... ما بتعود تهديها

من طرف rawad 11/11/2008, 5:56 pm

يدي المرأة يا اخوان ......شو القصة ما عرفتوها
عطيتوها وج من زمان......وهلق كيف بتهدوها

حزوروة رقم 4

موطن أحمر ما بينداس......وسكانو سود رتاحو
و أسوارو خضرة يا ناس ......ومن بولادة مفتاحو

من طرف **7arf** 11/12/2008, 12:35 am

لغز الحـزورة بطــــيخ = وجاوبني بمارد مرفوع
بيكبر بعـيون التاريخ = كلما تشـتي عينو دموع
===================

من طرف Satr 11/14/2008, 8:23 am

لو الحزورة مفهومي --- كنا حزرنا بهالأحوال
يا بتبقى مش معلومي --- يما نبعة يا شلال
-------
الحزورة رقم 6
بتقعد عالرف وعالهس --- وبقلبا نعمة يا شريك
انذاقت تمك ما بتحس --- وانذقت شفافا بترويك

من طرف rawad 11/23/2008, 3:50 am

لو كننك عم بتعاني.....وزلاعيمك عطشاني
ما بيروي قلب العطشان...... الا الكاسة الملياني

الحزورة رقم 7

قاضي و في عندو كفين.....والعدل بتاخذ منو
ومالو دم ومالو عين.....وأخرس بيقولو عنو

من طرف Satr 11/23/2008, 4:25 am

الشاعر فكرو ميزانو --- وما منقيسو بلسانو
شرف اطلع عالميزان --- تا يعانو لما بيعانو

الحزورة رقم 8

ممكن تقشعها بكل بيت --- ولبيوت الماضي مرجع
بتحمل مي بتحمل زيت --- ولولا انكسرت ما بترجع

من طرف wafa 12/4/2008, 4:30 am

مرحبــا

الجرة المصنوعة فخار *** ميّــاتـا بترد الروح
ذكْروها كل الشـعار *** بتجاكر شعر المشلوح
*****
ما بعرف قالو امثـال *** ولا الأمثال إجت منيْـن
طُبّـاعا تمّــا يا خـال *** البنـت لَ إمـا عالميليْن

مَنقول سمعي - حزورة 9
انا بقول يا حاجــي ما منعوزها *** ان كنك أمير الفن فك رموزها
ان كتر عليها الزاد يللا زلغطت *** وان قل عنها الزاد ورْبت بوزها

تحية وسلام

من طرف **Nana** 12/7/2008, 2:18 pm

معقولي الارغيلي الحل // بتبربق من دون النار
بتزلغط قدام الكل ////// وطربوشا جمرة وفخار
//////////////////////////////////

حزورة رقم 10

دفنا المييت بعفشو /// والطيب كلما لكشو
منشوف المييت بيفيق // وللطيب دغري عفشو

من طرف rawad 12/7/2008, 6:45 pm

[

b]هالفخ الميت بالأرض....انتبهو كيف ما تمشيتوا
لو بيلقطكن طول وعرض....ما بتفرّوا من بيتو

الحزورة رقم 11

في شغلة في الها حدود.....ولو بدك منها موجود
ما بيبيعا الا الناس.... وما بيجيبا الا قرود[/b]

من طرف hiam 12/7/2008, 9:34 pm

برمت الهند وأرض السند**وتعبت بآخر مشوار
شفت القرد بجوز الهند**بيضرب عاللي زت حجار

الحزورة رقم 12

ختيار بيأمر الجيوش** وطقو القاضي بإعدامو
كلما شلحتو الطربوش**مشّى العسكر قدامو

من طرف rawad 12/13/2008, 3:10 am

هالختيار المحني السيف......كلما طربوشو شالو
بيمشّي الجيش ويا حيف ...... الليبيغلط مع أمثالو

حزورة رقم 13

في شغلة بأربع اجرين ...... سألنا عنها منّا حمار
وبتبيض والها عينين...... ومعمّر بيتا من حجار

من طرف **nawef** 12/14/2008, 1:53 am

الختيار بتغلط لا تقول**هيام بتقصد اقلام
وسلحفتك بعرف عاطول**بيتا من حجار الايام
********************

حزورة رقم 14

بيحور وقالوا بيدور**وفي شي مابيمرق منو
وبيوضع تحتو صبور**خبرنا دخلك عنو

*********************

من طرف نجديحاطوم 12/16/2008, 3:44 pm

الحامل صبورو ع كتاف.....وباحش بالارض قبورو
هيدا خلدك يا نواف.....الله يلعن صبورو.....
اسا حل هاي يا بادي حلوما
في شاعر سيفو مسنون....ساجدلو المنبر سجدي
اسمو بيبدا بحرف النون....ومش نجدي والكن نجدي

من طرف نجديحاطوم 12/16/2008, 3:50 pm

نجدي حاطوم كتب: الحامل صبورو ع كتاف.....وباحش بالارض قبورو
هيدا خلدك يا نواف.....الله يلعن صبورو.....
اسا حل هاي يا بادي حلوما
في شاعر سيفو مسنون....ساجدلو المنبر سجدي
اسمو بيبدا بحرف النون....ومش نجدي والكن نجدي

عفوا فهمنا غلط
عفوا لو غلطوا الافكار...وما عربلنا جوارحنا
نغربل غربال الاشعار,,,ما بيبقا الا نحنا

وحزوره نواف هيي الغربال

من طرف **nawef** 12/17/2008, 5:34 am

كان المنخل قصدي حاف**وبالنون بحقق مجدي
بفهم من قصدك نواف***يا نانا يما نجدي
**********************

حزورة رقم 16

نفس الحزورة بسطور**شقلبها شعري بذوقو
شواللي بيحور وبيدور**وصبور بيوضع فوقو

*********************

من طرف **7arf** 3/19/2010, 7:42 am

[wow]

مهما تشقلب طول وعرض = مابتضيعنا بجــــواب
هيذا الخلد التحــت الأرض = بيعملك صبور تراب
=====================

رقم 17
مارد أعور خرج الكيف = بيدشر ع راسو بـّيروت
وبالشتويي أو بالصـــيف = مرات بيـلبس كبـــــوت
====================

[/wow]

حزازير زجلية

حزازير زجلية

رد: حزازير زجلية

رد: حزازير زجلية

رد: حزازير زجلية

رد: حزازير زجلية

رد: حزازير زجلية

رد: حزازير زجلية

رد: حزازير زجلية

رد: حزازير زجلية

رد: حزازير زجلية

رد: حزازير زجلية

رد: حزازير زجلية

رد: حزازير زجلية

رد: حزازير زجلية

حزورة نواف

رد: حزازير زجلية

رد: حزازير زجلية

رد: حزازير زجلية