وينكووون ؟؟؟

من طرف **7arf** 10/3/2010, 6:46 am

من بعد ما عالنت طليتــــــــــــــــوا
طلة قمار العتم ضويتـــــــــــــــــوا
ياكوثراني وياأبو شربــــــــــــــــول
وين رحتوا وليش فليـــــــــــــــــتوا
من حرف لو قلتوا زعلنا بقــــــول
ع الحل مني برمت ولقيتــــــــــــو
كرمال ترضوا وترجعوا ع طـول
والحرف تايخفف غزارة لقيـــــــت
حكمي بعثت للحرف ومحيـــــــتــو
= = = = = = = = =

من طرف حسن كوتراني 10/7/2010, 1:14 am

تـــَعي يا عشتروت جبيل شُوفي *** حُروفك عند ما يكونو ضيـــــــوفي
وأذا من جبيل في قدموس ولىَّ *** تعي بكعبتي حِجْي وطـــــــــــــوفي
أنا اللي عن حُروفــــو ما تخلا *** لأنو معْبَّد النســــَّاك صوفــــــــــي
رَتْلْ إسم ألله الحَرف خــــــــَلا *** على متني!! المَتن والشــوف شوفي
الحَسن خَيِ الحُسين ولَو تَوّلــى *** الأسم جدو كتب ع تراب كـــُوفي!!!
يا حرف مقَدس من كتلب ألله *** على جبيني انكتب بخَـــطْ كُوفــــــــي
لا تمحي حــَرف بِــنورو تجَّلا *** أنا معــَّود يا حرف الشـــــــاعريـــة
على قباب السما إنقش حُروفي

يا هلا بالاشاوس لا تواخذوني ع التأخير يا جماعة

من طرف **7arf** 10/7/2010, 2:25 am

تعي ياملهمي بشعري الهجومي = عن جبين القمر زيحـــي غيومي
قصدنا ضيف عامـــــل واجباتو = ودعاكي الواجب قـبـــالو تقـومي

إجا من جنوب معروفي ساحاتو = بمنبر شاعرو طــــــالع قرومـي
جايي والحسن كوثر بذاتـــــــــو = على كامل حســـن صـباح يومي

ولأنو الحرف معروفي صفاتـو = وشعب لبنان همــــو من همومي
لابرفع عين ع التاني برايـاتـــو = ولابفرق دالية داخــــــل كرومي

خلقني ربنا السبع بغاباتــــــــــو = بشعر المرتجل تلـمــــــع نجومي
لابمحي شعر محفورة بياتـــــو = ولابحقد خاص ع شاعر عمومي

انا حرفي انكتبت مخطاطــــــو = عريض ومائل مسطـّــــر قدومي
المدينة والهدى ورقعي ريشاتو = وكوفي وفارسي بتشهــد وسومي

وإذا راد الحرف يبرز غاياتــو = عن حكمي قلت بمحــي رسومي
وحي ولو مات بتشوفوا بوفاتو = تحت الجلد كاتب ع مسامــــــــو
كثار تعلموا بمعهد علومي
===========
كلك ذوق يابطل وتحياتي
البدّو يواخذك يعمل متلك
===========

من طرف حسن كوتراني 10/7/2010, 4:53 am

ألله مَعَكْ يا صاحبْ الهْمـــه *** ما الجرح جِرحي وهمكن هَمـّي
بقرآك حرف بسورة الرحمان *** بتفوح ريحة مسك من تمـــــي
وبأبجدية بمعبد الوّجـــــدان *** ما بـَين كـَسر الحَرف والضمــي
ترندح إلي كان الزمان وكان *** وتسكُبْ صلا فيروز ع تميــــِي
يا مسبحة من عِفة الرهبــان *** كرمال عَينك يا غبن عَمـــَّـــي وج
وجّك بعينيي متل قــــرآن *** وبالفاتحة تا إفتحــــو سمّيــــت
حتى ع ها الوج الحلو سَمـــّي

من طرف hany nassif 10/7/2010, 6:29 pm

بيكفي يا حرف و يا حسن تتغزلو
بي بعضكن و المدح عنا تغزلوا
المنبر جمر و الشعر طق باولو
و المرحلة بدها نسور يزاجلو
و جاية انا اصلي المدافع عالتين
يا بنزلك يا حرف يما بنزلوا

من طرف **7arf** 10/7/2010, 9:45 pm

أنا مابحمل بإيدي ورقتــــــــي = وع باب المجد ياحروفي طرقتي
مشي الإلهام بحروف القصايد = بمواكـــب نور مطـرح مامرقتي

الحرف إنجيل بالعهدين رايـــد = المحبــة وويـــن ياحـروفو خلقتي
حكمة مسطرة وع شفاف قايد = عن القــرآن حرفـــــــك مافرقتي

ويا حسون من أشرف عوايــد = إذا المفكــور ياعيــونــي طرقتي
ياعلقلو خرز أزرق قلايـــــــد = ياسمّيلـــو تاينــــجى مـــن علقتي

ولأنو شفت هاني عم يزايــــد = ياجبهــةّ حرف مابيوم انخرقـــتي
انت خليك يارفيقي محـــايــــد = وأنا الفنجــــــــان والرعبي عليي
رقيلو حي يطلع من حلقتي
===========

تاع لقلبي ياهاني ههههههههههه

تركني انا وحسون الله موقــــــــرو = الماطلعت نقطة بدفتري وبدفتـــــرو
وساعةّ ما شفنا منابر الكلمة اهتروا = جلخّت حرف السيف تاقلامي انبروا
المدفع بلفةّ طهر عادة نسكــــــــرّو = وباللي علينا بيرفعــــــــــو منفـجرو
وحتى البيحفر بير للإخوي بكـمــين = بيضل يوقع فيـــــــــه شر الحافــرو
=============================
تخايلت جمهوري عم يقول :حلو حرف عيدها وزيدها
وانا رديت ياويلي عليك ياهاني شو كان بدك بهالعلقة وطقيتك ههههههههه

حسون حرفك متل آية مسطـــــرو = يا إبن عمي الجوهرك من جوهـــرو
السمّى عليي بالزجل ماأطــهــــرو = انسمى على هاني بيخفي مظهـــــرو
=============================

من طرف **7arf** 10/7/2010, 11:35 pm

مــازال ماطقيت من ساعة زمـــان = مع حرف يعني خسرت ياهاني الرهـان
وين الجباه الشاعلي ووين الميــدان = لا أنس شفتك ع الجمر لافروخ جــــان
ياريت كنت تركتنا بأعلى مكـــــان = مافيك توصلّو وطويلي ع السنــــــــــان
ومهما بتصلي ع الكواكب مدفعك = ع مستوى لســـــانك مابنزل ترجمــــان
===============================

من طرف hany nassif 10/8/2010, 7:18 am

بعدك يا حرف بعادتك متل الصدا
بتطل لما الصوت يغرق بالمدا
و بلفة الايمان لو صوتك حدى
ممنوع تلعبها معي من المبتدا
صالي مدافع عالخصوم و عالعدا
تا حرر منابر زجلنا عالهدا
وكبيت حالي قصد بالبير الغميق
من حيث قدي خصم مش باقي حدا

من طرف **7arf** 10/8/2010, 10:21 pm

هاني هجومــك منـتـــهي من بدايــــتو
بتعرف ع بـيـــر الحرف حـــتـف نهايتو
سيفي البيقطـــــع راس ســــابــــق غايتو
يعمل إبن يعقــــوب ناســــــــــي حكايتو
بالبير مابتقـــــرب ياهـــــــــــاني هدايتو
ولافيك معــــنا تعيـــــــــــد ذات روايتو
هوي بري ومن خلف خزقولو القميص
ونصـــــر الزجــــــــل منك بريية رايتو
==============

من طرف **7arf** 10/9/2010, 12:54 am

ياريتني ضليت فـي هاني ناصيــــــــــف
من بعيد إسمع بـس ماشوفو ضعيـــــف
فكرت متل البـرق بفصول الخريــــــف
بدو يزلزل موقـــع الكلمي الشريــــــف
من الحرف لما حرف رقّـــــلو رغـيف
جوعان ضلو قد ماعقلــــــــــو خفــيـف
من هيك بدي دشـّـرو تاعلـّـمــــــــــــــو
ويصير يعرف شو مدا الحرب العنيـف
================
راجع على إفريقيا بخاطركن اشتقت للعبدة

من طرف hany nassif 10/9/2010, 4:03 am

حاجي تطهوج بالخكي شمال و يسار
و تلقش حكي قدام اسياد الحوار
و عا بو علي بالبهورة تألف خبار
و عا بير يوسف تهرب بهالاختبار
دشر نبينا يوسف بارفع مزار
و برئ الاخوة من بعد ما الدهر جار
ومتل النبي الصديق رح اعمل معك
تا سامحك بالرغم ما بترشق حجار

من طرف **7arf** 10/9/2010, 4:55 am

هاني ع جمري انزدت لفحات الهــوا
ما هم بركان بحمــم لهبو كـــــــوا
البيهمني بيناتنا تـزين القــــــــــــــوى
وتعرف بإنو الحرف عالي المستـوى
وتاتختـــــبر خيــــيك إذا الراوي روا
وع بـنــــــيامين اليوم تفكيرك نـــوا
لاكان يحكي ولا الســمع عندو منيح
وزتيت حالك ليـــــش وتهمتن ســـوا

==============

من طرف hany nassif 10/9/2010, 7:47 am

لا تحلم الليلة معي تقطع حدود
بعدك طفل معتاد عا حمل الزنود
و عا سيرة الصديق لا بقيتك تعود
وتستفقد النخوة بهالجيل الحسود
كبيت حالي بعد ما ضل الحقود
يناور عا ابن الجاه تا يربح خلود
طهرت نفسي من النوايا الحاقدي
طهر نوايا نفسك من ذنوب سود

من طرف salomon 10/20/2010, 9:50 pm

شو صار يا حرف رجعت من افريقيا
هههه

من طرف **عمار البراضعي** 10/23/2010, 8:03 am

حرف الوعدنا مابيترك موقعـــــو
عرفنا على إفريقــــــيا شو رجعو
يمكن فــــــؤادو بحب عبدة وقعو
يصبــــــغ نوايا سوادها ويلمّــعو
بإفريقيا بعدو ويا اصحابي اقنعوا
عاحل شعرو داير وشو بيمنــعو
ما انكان قلـبو ونيتو بلون العبيد
بييعود لينا وجايـب العــبدة معو

* * * * * * * * *
هههههههههههههه

من طرف hany nassif 10/24/2010, 5:14 pm

حرف الغايب نيالو
بالغربة شاغل حالو
و عمو عمار المهضوم
بالعبدة شاغل بالو

من طرف **عمار البراضعي** 10/25/2010, 2:53 am

اللي عنو العالم قالوا = بالعبدة شاغل بالو
بيقدر يشغل بال الناس = كلما رندح مــوالو

* * * * * * * * * * * * * *
هاني من رفيقو محســـــود
سمالله عندو شبوبيــــــــــة
بيحكي بشخصيةّ ومعبـــود
ومافـــــــــــرّق بالعرقـــية
وحتى نخبي قلوب الســود
ونظهر عن حسن النيــــة
مع بنك الشعر الموجـــود
مش هاني وحرف ولاعبد
فيــــــــــه يبيّــض أموالو

* * * * * * * *

من طرف salomon 10/29/2010, 5:27 am

هاني هربان ويأسان
مش عم يكتوب يا عمار
يمكن سافر عا السودان
يتعلّم أكل البوشار
بتزكّر آكل عدان
من بو شربل هيكي صار
ولكلما بيسمع بسليمان
بالقرني بيخفي حالو

بحر الزجل

من طرف **7arf** 10/30/2010, 1:17 am

مابسمحـــلك ياسليـــــــمان = تاتهجي سبع الغابـــــــات
مش معـــتاد رفيقي الكان = يهرب يبقى من الساحات
ان كنو مسافر ع السودان = يمكن رايـــح يآكل قـات
وبيكون انكنو هربــــــــان = رايح متل الحرف يجيب
عبدي ع لون عقالو
=========

وينكووون ؟؟؟

وينكووون ؟؟؟

رد: وينكووون ؟؟؟

رد: وينكووون ؟؟؟

رد: وينكووون ؟؟؟

رد: وينكووون ؟؟؟

رد: وينكووون ؟؟؟

رد: وينكووون ؟؟؟

رد: وينكووون ؟؟؟

رد: وينكووون ؟؟؟

رد: وينكووون ؟؟؟

رد: وينكووون ؟؟؟

رد: وينكووون ؟؟؟

رد: وينكووون ؟؟؟

رد: وينكووون ؟؟؟

رد: وينكووون ؟؟؟

رد: وينكووون ؟؟؟

رد: وينكووون ؟؟؟

رد: وينكووون ؟؟؟

رد: وينكووون ؟؟؟