مم فخريات حرف فايس بوك

من طرف **7arf** 8/26/2011, 3:10 pm

معروف عني مكنةّ القصـــــدان = أو فبركي عم طق أبيـــاتــي
للطبع عندي شي ألف ديــــــوان = بتفلش سما لبنان ورقاتــــــي
روحوا اسإلوا بوشربل سليمــان = رفيق عمري ودرب أهآتـي
هوي وأنا خثرنا سوا البلــــــدان = تنيناتنا ومافي حــدا تلاتـــي
بحر الزجل وحدو بزجل لبنـان = وعني عيب إمدح بيصفاتي
بالإرتجالي مش بحر طوفـــان = لساني مابيلحـّق ع رداتــــي
وسميت حالي حرف ياإخـــوان = حتى إذا مالقيت شاعر حـر
تاضـــل إتحاور أنا وذاتـــــي
=========================

من طرف **عمار البراضعي** 8/26/2011, 3:16 pm

بعصري خلقت للمنبر لحــــــالي
من وسع المدى أوسع مجــــالي
النسر ماعتاد تاينازل سكعكــــع
ولامرمى البوم ع الصياد غالي

ع شو يامدعي وبكل مطـــلــــع
عامل نظم شعرك إرتجــــــــالي
مع غيري ممثّل فيك تقـــــــــنـع
ومعي مابتصمد دقيقة قبــــــالي

إذا لذاتك انت حبيت ترجــــــــع
برافو عليك لاتخيّب أمـــــــــالي
مابدي تفوت باللقب المقــــــنــع
خلّي صورتك بالعيـن مـــــــالي

أنا بالشعر مابحب المصــنـــّــع
ولا البيحب يكتب إبتزالــــــــي
وكلما منلتقي صدفة بتــــــفزع
بنسمة يلفحك ريحي وخيالــــي

كتب دمنة وكليلة بن المقـــفــع
العالم فاهمي لغز الرســــــــالـة
وشمشون المنابر مابتخــــــدع
بألف خدعة ودليلة والدلايـــــل
مافيك ترد ع طرحي وسؤالي
* * * * * * * * * *

من طرف **عمار البراضعي** 8/26/2011, 8:48 pm

رد حرف
===
خبيت حالي جوهرة بنفـــــــــــوس
وع العنق برا إنلبس قـــــــــــــوني
ما بحبذ المنحوس إيدي يبــــــوس
ويظن جاب الضحك ع دقونــــــي
الله خلقني للزجل قدمــــــــــــــــوس
شعري نقشت ع صخور مزيوني
وبالإرتجالي بقيم حرب بســــوس
وداحس وغبرة مابينســــــــــــوني
وعمار لاتحكي بوجه عبـــــــوس
بتعرف إله الشعر نادونــــــــــــــي
ع نور شمسي هاجم بفانـــــــوس
وشمعة حملت مع ريح مجنـوني
ع مين هاجم انت يافلحــــــــــوس
وعارف بإني وقت مابهجــــــيك
بتصرخ غلط ع الحرف دلــوني

=============
ههههههههههه ياويلي عليك
=================

من طرف **عمار البراضعي** 8/26/2011, 8:53 pm

جيتك ياحرف

ياويلي عليك لاتقلي ياويــــــــــــلي
وبجيبةّ بدلتي بـتـنــــــعد ســيـــلــة
أنا شعري فلش ميلة المساحــــــة
وشعار الفضا والأرض ميـــــــلـة

ياحرف سماع لاتحكي بوقاحــــة
أنا انت وانت من ذات عيــــــــلـة
وبين ذاتي وحــــــــــالي للصراحة
تصارع داخل نهـــــــاري وليـلي

السماح طلبت ومعالي السمـــاحة
بميداني الفارسي داريت خي لـي
بدي يرشق على شعري دحاحـة
إذا مالجمت مرة جماح خيـــــلي

ببحري ماقدرت تغطس سباحة
وع ثوبي تغبّر مصلى ع ذيلـي
بنهر أو بحر بتحب الملاحــــــة
انتقي والبحر لاتزقو بكيـــــــــلة

وإذا بالعين في عندك بداحـــــة
وحروفك جيت عاملهن شميلة
تفضّل مرتجل ع كل ساحــــة
حرف علة أو المجرور فيــها
لأني للزجل ثـــــــاني جبيـلي

* * * * * * * * * * *

شو كان بدك بهالعلقة ههههههه

مم فخريات حرف فايس بوك

مم فخريات حرف فايس بوك

رد: مم فخريات حرف فايس بوك

رد: مم فخريات حرف فايس بوك

رد: مم فخريات حرف فايس بوك