وحدو الشعر بيعيش

من طرف **7arf** 11/13/2011, 9:34 pm

قالوا ياشــاعر وحـدك البتنـــام = ع سريــر مجد القافية الممــنــــوح
رديت من بيروتنا والشـــــــــام = فلسطــين بعدو صوتهــــا مــبحوح
الأحزاب كذبة بين خاص وعام = عم تـــدعي بالمبدئ المشـــــــروح
وللحقيقة كلنـــــــــــــــــا أزلام = مافي حزب مش مذهبــي مفتــــوح
لاسمعت حزب مخطـط بهالعام = للزرع كم شجـــرة وزهـر بيفــــوح
يخفف ضرايب عاليـة وأوهـــام = عن شعب صـــاير بالقلب بيجـــوح
ولليوم عم بيتاجـــــــروا الحكام = فينا تانرفـــــــــــع بيرق البيلـــوح
بيتآمروا وعم ينهبـــــــوا الأيتام = والشـــــــرق كذبة ملفــقة مطروح
وحتى اللي حكموا بمنبر الإلهام = برشوات ردوا اللي انـمنع مسموح
الفايز البدو ينعـــــــــــلن مقدام = وآخر همومو الخاطــر المجــروح
ياحسرتي ع الشعـــــــر هالأيام = وكرمال سرو بعتـــــــــــذر وبّوح
لاكل شاعر بالنحـــــت رسّـــام = ولا كاتب صـــــــار يعلى صروح
ومش كل شطر بينكــتب بــقلام = فينا الشعـــــور بيختــــلج والروح
ووحدو الشعر المخلّـد الأعــوام = بتموت حكـّـامـــــو مع الكـــتــّاب
وبيعيش طـــــــول الدهر مابيروح
==============