فخرية للهزمر

من طرف **عمار البراضعي** 3/18/2012, 6:02 am

فخرية.على الفيسبوك

اتكيت مبارحة حلمت بمنـــــــــامي
طلعت عالجو وطعجت الغمـــــامي
صرت نقي غيوم البيض تنصـــــع
ولفلفها على راسي عمـــــــــــامي

طرقت المشتري كفين ولـّــــــــــع
ودفشت نيوتون وقمت القيامـــــــة
صرت طارد عطارد خوف بقشــع
زحل كوكب زُحل والشمس حامي

وقلت بكسين هالمريخ بفقـــــــــع
فقع من سطوةّ حروفي وكلامــي
فتحت باب التحدي وشو بيمنــــع
قضاة ومحكمي وعدل ومحـــامي

ترافع عن بشر تقبض وتدفـــــــع
الرشوة مزغزغة عيون الحرامي
وأتخن شاعر قبالي بيركــــــــع
أنا بالمرتجل شاعر عصــــــامي

الفارابي جلت صولاتو وأوسـع
من بن رشد رحلاتي بهيامــــي
وتازيح العتم قدامي وإقشـــــــع
مين القرقط كواعو ندامـــــــــي

وإذا بالحرب حب يفوت موقـع
شاعر حيّر بلقبو الأســـــــامـي
بكبّسلو على كواكب بتسطــــع
تاضوي عتمة الليل الرهيــبــي
وزجلنا شعشعو بمسك الختامة