منتديات الزجل اللبناني الشاعر: عمار البراضعي

أهلا وسهلا بزائرنا الكريم
عليك بالتسجيل لكي ترى كافة المواضيع المخفية
=====================
الزائر رحبنـا برسمــــو = وع التسجيل دعينا يفوت
وغير اللي مسجّل إسمو = عنو منخفي يقـــرا بيوت
=====================



انضم إلى المنتدى ، فالأمر سريع وسهل

منتديات الزجل اللبناني الشاعر: عمار البراضعي

أهلا وسهلا بزائرنا الكريم
عليك بالتسجيل لكي ترى كافة المواضيع المخفية
=====================
الزائر رحبنـا برسمــــو = وع التسجيل دعينا يفوت
وغير اللي مسجّل إسمو = عنو منخفي يقـــرا بيوت
=====================

منتديات الزجل اللبناني الشاعر: عمار البراضعي
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.

مقتطفات للشاعر زين شعيب

2 مشترك

اذهب الى الأسفل

مقتطفات للشاعر زين شعيب Empty مقتطفات للشاعر زين شعيب

مُساهمة من طرف 7arf 6/19/2007, 7:01 am

غزليات
......

قالوا كبرت يا بو علي والعمر فات
ويمكن صرت عاجز تأدّي الواجبات
كان لك زمان تغازل زهور النبات
وتفيّق النسر اللي بقلب الوكر بات
قلتلهن وحياة كل الآنسات
وكل شي خلق الله حلو ومرطّبات
بعدني لولا كمشت شلف الحديد
وقت اللي بدي بعملو غزل البنات
***
اللي بيكون عندو مال بيموّن جموع
ليش حتى ينحرم ويموت جوع
آدم كسر ضلعه وعمل منّو مرا
لنّي محلو بكسر الأربع ضلوع
******
شحاد
....
يا مين ع شحاد يهديني
منشان سرّ الكار يعطيني
لا مال بدّي ولا برزق طمعان
ولا مقصدي ضيعة ولا مديني
بدّي عصا من قرمة العميان
اتعكّز عليها بتكفيني
وادّروش وأبرم على الجيران
وع كل عتبه ينحني جبيني
شحاد بشحد عاطفة وتحنان
من اللي جرح قلبي وناسيني
وبتنهنه بغصّة طفل عطشان
قلبي احترق يا ميمتي اسقيني
شحاد بشحد كحلة الغزلان
من عيونك اللي فيهن قتلتيني
وبشحد لك الغفوي من النعسان
حتى تنامي يا تقبريني
وبطلع على بشري حمى جبران
بقلّو ع سلمى دخلك هديني
بحبش ونبّش بهالجدران
ع شي عبارة حبّ ترضيني
وبرجع وبستنّى شهر نيسان
وبقول بكرا الخير جاييني
بشحدلك من الورد والريحان
ووين ما دعستي تقشعي زيني
وبكتب من الإنجيل والقرآن
حجابات فيها دينك وديني
بلكي بتجي وبتطردي الشيطان
واللي حضى يعقوب يحضيني
قبلي وبعدي ما انظلم انسان
ع قدّ ما بحبّك ظلمتيني
لو كان قلبك من صخر صوّان
حلّو يلين الصخو وتليني
وراضي لا والله مش زعلان
وأعوام بقبل لو حكمتيني
ع شرط إنت تفصّلي الأكفان
وإبقي ع قبري بالسنة مره
حسنه لوج الله زوريني
***********
من المحاورات
............
عرشي بقفاص الحلوين
برصاص الدمدم مخفوق
وجوهرتك من ميّ وطين
فخّار مزوزق محروق
ونحنا متل البياعين
الفتحوا السوق بجنب السوق
راسي سوق الصياغين
وراسك سوق النوريه
***
اللي تنهّد قلبو يا شريك
لما الدره بانتلو
رح قلّو الله يشفيك
وازرع شتلك مع شتلو
هيدا متلك عقلو سميك
يا عقلك طالع متلو
زردة باب كتيري فيك
وجايي عاسوق الألماس
تلبس دره ملوكيه
***
ببحر الدراري بالمواج مسيّجي
والموج سيف بإيد فارس حربجي
بستقبل الميّ النقيه المبهجي
البتكون أطهر من وراق بنفسجي
الميّه البتكون عكره ملجلجي
والغش زاغلها بإبرة مبنجي
بترجع إلك والبحر ما بيقبل زغل
إن ما كنت صافي القلب صوبي لا تجي
**************
7arf
7arf
admin

عدد الرسائل : 1125
العمر : 56
تاريخ التسجيل : 01/11/2006

الرجوع الى أعلى الصفحة اذهب الى الأسفل

مقتطفات للشاعر زين شعيب Empty رد: مقتطفات للشاعر زين شعيب

مُساهمة من طرف salomon 7/7/2007, 10:45 am

<BLOCKQUOTE id=2b7c492c>من اجمل قصائد الشاعر زين شعيب (حبوش) 1970- مع الشاعر حنا موسى




[size=16]اكتبي بدم الفطاحل يا صحيفي
نزل للحرب بو السطوة المخيفي

واذا ما بينزل التاريخ ضدو
اندهيلو تراجع، الحملة خفيفي

اندهي جنود المنيه يستعدو
فئة للدبح ، فرقة للعليفة

المقابر شهر صرلن ما تغدو
وما الهن خبز الا من رغيفي

انا بسيفي القمر مجتاز حدو
ولمهري نجمة الزهرة مضيفي

الشمس يلي سوالفها اسودو
ان كانت بنت باخذها خطيفي

انا ابن الجنوب اللي انعدو
رجالو جنود عا حدودو الضعيفي

وحدودو صارت بكدو وجدو
دروع بتكّسر سيوف الرهيفي

وعلى حبوش مد الدهر يدو
وعطاها اربع حروف اللطيفي

نص حب ، نص وش ، خدو
نزل باسو القمر بوسه نضيفي

بحرف الحاء حامل سيف حدو
انحمل من بو الحسن او خليفة

وبحرف الباء بيت الما انهدو
حجارو ، تا صبح كعبة شريفة

وبحرف الواو للشعار ودو
عا منبر بو علي يأدو الوظيفي

وبحرف الشين جدي شعيب بدو
الليلة شكشك رقاب الفوارس متل
شك التتن بعد القطيفي

* * * * *

افتخر يا كامل الصباح فيي
بثقة مش عن طريق الطائفيي

انت نورك لجو الغرب انعش
وانا للشرق نور الشاعرية

انت عقلك على المجهول فتش
غزيت الجو كهربت البرية

انتزعت من الفلك توبو المزركش
كسيت الارض بدله مخمليي

وانا كل ما سمعت الدف خشخش
بصير الموت يرقص بين ديي

الدني بتصير بالدم المطرطش
متل باقة ورد بالمزهريه

ويا حنا برحمة المرحوم " بحبش "
البجيشو كنت راعي ابرشية

تا خلي اليوم طربوشك مطربش
عا راسك متل بياع الشمندر العم
ينادي عسل يا سمسميي

* * * * *

بعتي لعندي نجومك يا ليالي
تجي تغني تقسم ليالي

اسكري بشعري، النصر طيب شرابو
اعصريلي خمر بزرعلك دوالي

وعندما تقشعي الكاسات طابو
ولعب فيي الخمر وارتاح بالي

النظر بيصير يقشع عا جنابو
الحجل برغوت والنملة غزالي

اتركيني وللفلك دقي بوابو
ارجعي مطرح ما كنتي ولا تبالي

ان سأل عني القمر ردي جوابو
وانا عا الارض عنك بالوكالي

انا لما ملوك الشعر غابو
صرت اضرب يميني عا شمالي

وما عدت الكون احسبلو حسابو
لانو كان عمي صار خالي

واخونا الشيخ حنا مين جابو
لحتى يعرّم ويوقف قبالي

اجا يهاجم اسد في قلب غابو
اجا يقهر آله الارتجالي

لو ما الضيف غالي عا صحابو
ولو ما السيف متل الضيف غالي

تا خلي الموت يشحنلو ترابو
على البترون بكياس النخالي

ولحتى الشعر ما نطوي كتابو
ولحتى ولادنا يكفو الرسالة

عا مسرح ما بتلقاني خشابو
اكتبو ما في حدا مع زين غنا
انا بحبوش عم غني لحالي























</BLOCKQUOTE>
salomon
salomon
عضو مميز
عضو مميز

عدد الرسائل : 1087
تاريخ التسجيل : 23/05/2007

الرجوع الى أعلى الصفحة اذهب الى الأسفل

الرجوع الى أعلى الصفحة

- مواضيع مماثلة

 
صلاحيات هذا المنتدى:
لاتستطيع الرد على المواضيع في هذا المنتدى