موشح الأسمر

من طرف **7arf** 7/30/2013, 4:41 pm

موشح
=====
بكبر وكتوب كتــــــــابك = قلتي من زمـان
ولما منكبر ع حســــابك = كل البستــــــان
=====================

رحتــــــي الله يخليكي = زغيري من الفجر
شـــــو بتمــنى لاقيكي = جـايي من الهجر
وأثمار الكانــــوا فيكي = بالمـــاضي عجر
كبروا وقولي ياشريكي = طاب الرمـــــان
=====================
ولك ياويلي عليكي وينك هههههههههههه

من طرف **7arf** 8/1/2013, 4:28 pm

الشاعر ياسر حجار
كنتي فيي تهتمي
يا ست القد
شعلتي النار بدمي
بيكفي هالقد
الله خالقني بهمه
بوس هالخد
ويا ريتو خالق تمي
بخمسين لسان
=============
رد الاسمر
ياسر معروف لسانك
أقوا من فراش
بيطلع ع كز سنانك
طلقةّ حواش
ضل مكون إيمانك
عطفك جياش
لسانك ما انصنتو خانك
بحر الخوّان
========
الشاعر ياسر حجار
سمعني هلق يا اسمر
وفتح دينيك
يسورا منو مزنطر
ولاوعامل بيك
اللعندو وحده مش اكتر
لسانو مش هيك
بس اللي متلي معتر
لسانو ما صان
ههههههههه
=========
اسمر
Elhazamr Sugar هههههههههههه
سمعتك بالشعر المحكي
بأوقات السحر
وحط بأوقات الزحكي
خنجر ع النحر
وعن أسرارك لاتحكي
لمواج البحر
الحلوة بيسرق بالضحكة
الغدرو مليان
============
Elhazamr Sugar ههههههههههههههه
النهر الشلال مصبو
ع بحرو راح
مابدي إهجي وسبو
ولا زيدو جراح
ولما تعركج بمطبو
نشفتو وصاح
خلقوا النسوان يحبوا
طبع النسوان
============
الشاعر ياسر حجار الحلوي اللسرقت احساسي
وين هيي وين
عشقتا وعم عبي كاسي
من دموع العين
وبحر اللذكرتو ناسي
حالو ما بين وبين هههههه
بقلك هلق راسي
وفكري تعبان
==========
Elhazamr Sugar هههههههههههه
البحر المابيشقع لبنو
لايشد طلوع
حامل بمواجو غبنو
ومابيشبع جوع
والبحر القصدك جبنو
صفّى منزوع
كان منيح وياغبنو
لبسو الشيطان
==========
Adnan R. Said يا اسمر بحرك ولّا
وبطّل موجود
رح تعمل منّو الله
وتجبلو شهود
بالبرعط شفتو مملّا
وشوية دود
حاجي دخلك تتسلّا
ب مين ما كان
===========
الشاعر ياسر حجار عالمنبر ياسر الله
ورب الاشعار
وانت اللعارف ما خلا
شعر وشعار
ويا اسمر عني تخلا
عمللك مشوار
بهالليله روح تسلا
انت وعدنان
هههههههههههه
============
Adnan R. Said تعوّد نهري من قهري
يناجي الارواح
والاسمر مهما مهري
قدامو لاح
مشغّل يا سندة ضهري
ببحر الاملاح
ومش رح يشبع من نهري
الصافي الريّان
=============
Akab Ismail Bahmad
الاسمر بحر وماشالله كتاب ومفتوح
بيلبقله ان قال تسلا الهزل مسموح
ان جرب شاعر يتبلا ويزيد جروح
القرعا المرا منبلا بسد الشبروح
عنتر يصبح فتحلا قبالو فركوح
ان عامل لحيه يحتلا قمل وسيبان
=================
Adnan R. Said القاصد عنتر عا مضارب
تا يلم الشمل
ان كنّو سكران وشارب
بيزقو النمل
الجايب عدة تا يحارب
سيبان وقمل
غير اللي عندو شوارب
مدرج عقبان
===============
Alfred Abboud خخخخخخخخخخخخخخخخ
شو خصك حتى تنازل
أرباب الحرب
لو بيحارب ويغازل
ولفو ع الدرب
خرجك من هون ونازل
لحّق ع ضرب
ولاتفزع عندي عازل
بقري الجوعان
=============
Adnan R. Said
طول عمري ما بتكبر
عا زرار الفل
وكنت مفكر رح اكبر
بوجود الكل
وحتى المركز ما يزغر
صار لازم فل
و ما يشوفو عبد المنبر
حد السلطان
==========
Elhazamr Sugar ولك شو صاير هون
============
من بوشوقي وأمثالو
بعتز كثير
واللي تجنى ع حالو
شيطان كبير
وعدنان الشفنا خيالو
شبيهو بكير
مراية لو حط قبالو
بيقشع شيطان
===========
ههههههههههههههههههه
==============
Adnan R. Said يا اسمر ليش بتهوى
تحرتق بالناس
فكرتك شاعر اقوى
خلف المتراس
طول عمري عندي تقوى
وحب واحساس
غلطت بحقي وما بيسوى
تهين الانسان
===============
Elhazamr Sugar ولك مين تعدى عليك هههههههههه
===================
شعر المنبر بفنوني
بحرو مواج
ع سلاطين المجنوني
ماخلا تاج
بدك تزعل ياعيوني
ان شح الانتاج
لاتقلي زعلتوني
انت الخسران
===========
Adnan R. Said شاعر فتحت عيوني
عا اجمل كون
ملايك الله عطيوني
من الجنة لون
بزعل لما تلوموني
عا وجودي هون
وبفرح لما يشوفوني
حدك سهران
==========
Elhazamr Sugar حلوووووو ههههههههههههههههه
الأسمر جاوب ع ردك
تاتعمل لايك
ولو بتودوّ وبيودك
مابيرحم بيك
بدك تهجينا وبدك
مانرد عليك
الردك واقف ع حدك
عدل الميزان
===========
Elhazamr Sugar هههههههههههه

ياعدنان بّآويها
لاتزغلط غدر
الكلمة بالحق حكيها
من جوا الصدر
بليلي الشعر الضاويها
بيكون البدر
وجودي بتشوفو فيها
كمل النقصان
===========
Adnan R. Said ما كنت بشعري جاني
ولا بقبل هيك
عملت زيارة بتحناني
تا قرّب ليك
وما بهجيك بوجداني
وما بفز عليك
العندو جيبة ملياني
غير الطفران
============
Elhazamr Sugar ههههههههههههههه

شاعر عم بغرز شتلي
فوق المريخ
هاتلي اللي متلي هاتلي
وخوذ صواريخ
ولاتجبلي شويعر هتلة
دماغو بيشيخ
مخرّف مش شايف متلي
بمنبر لبنان
============
Adnan R. Said ما بدي تطفي شموعي
بيزيد العقص
بعزف شعري بدموعي
تا يحلا الرقص
وما بدي تزيد ولوعي
بزيادي ونقص
لو مرة زرت نبوعي
بترجع شبعان
=============
Elhazamr Sugar هههههههههههههههه
صرفلي بحياتك مية
يامعبي جياب
وع رطلك خوذ وقية
رطلين حساب
بدك تتقرب ليي
بتحكي بأداب
وكلما بتتعدى عليي
بطلع ربحان
==========
Elhazamr Sugar ههههههههههههههههه

تايغلا القافي سعرا
يبقى ع الدرب
لاتمشي دروب الوعرة
بين شرق وغرب
ان جابولي كل الشعرا
اوقات الحرب
لاتظن النبع بيعرى
وباقي جوعان
===========
Adnan R. Said بحكي بأداب وبيي
رباني منيح
وبدل الليرة خود ميي
وحاجي تجريح
وعم بتعدّا يا خيي
عاجنون الريح
وردو نسمي عطريي
مدهدك خسران
===========
Adnan R. Said نبعك شفتو من مدي
مع بحر صغير
حاورتو بمية ردي
وما طلعت كبير
قبالك غابي مسودّي
وطبعي جبّير
صعبي ما بتطلع قدي
يا غصن البان
===========
Elhazamr Sugar حلووووووو

حتى تهز المسكوني
مين الوداك
وعشرة مابيكفوني
فوق الافلاك
بحرب الدم المضموني
عاش الرباك
لكن بدروب فنوني
ضلك منصان
=============
Elhazamr Sugar ههههههههههههههههه
ماعرفتك قبل بمدة
ولاشفتك قبل
هدي انكنك بتهدي
عقلاتك هبل
وع طير الان بيدي
لاترشق نبل
فوقك خليتو بهدي
ينوّح قصدان
=============
Adnan R. Said حرب الدم و احزانو
وضعنالو سعر
ويا دلو ويا ضيعانو
بطرقات الوعر
واللي مبكّل اوزانو
ببحور الشعر
غير اللي خلّا لسانو
داير فلتان
============
Adnan R. Said حاجي عليي تتكبر
يا طفل صغير
صعبي تهدي عالمنبر
دغري بتطير
فكرتك شاعر اكبر
من هيك كتير
والكانو يقولو اسمر
بيقولو كان
============
Elhazamr Sugar .
سايرتك تاتسايرني
وتاتلزم حد
ومن ذوقك تاتغمرني
غمرتك هالقد
أمرك صفا محيرني
البدّو عنجد
الهيئة ناوي يجبرني
اقطلعلو لسان
==========
Elhazamr Sugar ههههههههه

جايينا بنفسك غاية
مش عارف ليش
مابتعرف عندي هواية
لو خلفك جيش
وباب اللي منو جايي
اسمحلي معليش
بردك مطرح مالداية
تشيل الخلقان
=============
Elhazamr Sugar هههههههههههه

بدك ع شكلك جبلك
تفكير زغير
رح دق السكة بحبلك
تاترعى كتير
فكرتك حامل نبلك
يا اعمى كبير
والحارق قلبون قبلك
منك قشعان
============
يلا قحّط انت واللي باعثلك
==============
Adnan R. Said تا خلقت الكون تلوّع
وتهيّا الرب
والدايي صارت تقشع
بعيونا شب
وما بدي تضل مولّع
بحياتي انضب
ومع الله شو رح تطلع
يا فرخ الجان
============
Elhazamr Sugar ههههههههههههه
نشّقتك ريحةّ عنبر
مابتفهم ليش؟؟؟
إنو ع المنبر أسمر
بيجابه جيش
صرت عليي تتأمر
لكن معليش
كل عمر ديك المنبر
يقتل صيصان
==========
هههههههههههههههه
=============
Adnan R. Said عالمنبر بعرف دفي
بيغطي الكون
بنقل من شفة لشفة
من لون للون
وشو قولك صار بيكفي
تا نوّقف هون
بلكي بوكرا منصفّي
اهل وخلان
=============
Elhazamr Sugar هههههههههههههه
وين بتعرفني قلي
تاعليي تفوت
بحربي مابشكي القلة
وخصمي بيموت
بتقلي جبت الحلة
وخرطشنا بيوت
بكرة بتصفي خلّي
وعني سمعان
==========
Adnan R. Said واجهتك من احساسي
بأحلى الاشعار
تا حتى تشرب كاسي
ونقول سكار
جولي ما وجعت راسي
وتركت تذكار
وبشهدلك انك قاسي
وشاطر فهمان
=============
Elhazamr Sugar حلوووووووو
بإحساسو الشاعر يظهر
ماعندي شك
ومابعمرو غيّر مظهر
تالعقدة فك
الجوهر قالوا مايقهر
إلإ مانحك
وبالمعدن شفنا الجوهر
ذاتو الرنان
==========
Adnan R. Said تسلم......
انشالله يا غصن الاخضر
قاسي بتصير
وهالجولي فيها بكبر
بعتز كتير
وصار عندي صاحب اسمر
بالشعر كبير
وصار عندك فوق المنبر
صاحب عدنان
==============
Elhazamr Sugar تسلممممممممممم
خلصنا حروب الصرعة
وطوينا وراق
قرعة بتركب عل قرعة
بشطح الافاق
تصاحبنا سكبنا جرعة
بكاسات رفاق
وماشبهتك بالسرعة
لغير سليمان
==============

موشح الأسمر

موشح الأسمر

رد: موشح الأسمر