منتديات الزجل اللبناني الشاعر: عمار البراضعي

أهلا وسهلا بزائرنا الكريم
عليك بالتسجيل لكي ترى كافة المواضيع المخفية
=====================
الزائر رحبنـا برسمــــو = وع التسجيل دعينا يفوت
وغير اللي مسجّل إسمو = عنو منخفي يقـــرا بيوت
=====================



انضم إلى المنتدى ، فالأمر سريع وسهل

منتديات الزجل اللبناني الشاعر: عمار البراضعي

أهلا وسهلا بزائرنا الكريم
عليك بالتسجيل لكي ترى كافة المواضيع المخفية
=====================
الزائر رحبنـا برسمــــو = وع التسجيل دعينا يفوت
وغير اللي مسجّل إسمو = عنو منخفي يقـــرا بيوت
=====================

منتديات الزجل اللبناني الشاعر: عمار البراضعي
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.

انا والمنتدا

2 مشترك

اذهب الى الأسفل

انا والمنتدا Empty انا والمنتدا

مُساهمة من طرف salomon 7/25/2007, 10:27 am

<BLOCKQUOTE id=4f1bd8cd>

<BLOCKQUOTE id=155298d3>




الكتابة فن والمنبر هوايي......وخيال مسافر وإلهام جايي
وقصايد قد ما تعتق جميلي.......نسجها الذوق بحروف العنايي

تعا يا منتدا مرة......احكيلي.........وخلقك فش.....؟قلي,.؛بدون غايي
في شعار جبلتهن تقيلي...........وفي شعار بالسمعة مرايي

إجا عمار من مدة طويلي..........اخترعني وقلت باقي للنهايي
احترقت وما حدا منكم نعيلي........أنا زعلان منكن يا ضنايي

وبعض شعار حالتهن هزيلي.......وبنظم الشعر فلقولي سمايي
وبوزن مكسر .....وستن دليلي........؟خلت واقعي مكسر عصايي

قلت وين الخطيي يا زميلي..........تقل الدم كااان من البدايي
إنت يا منتدا الكلمة الأصيلي.........ماممكن تنتهي عندك حمايي

أنا قطعت البحور المستحيلي.......ودخلت بحورك بحكمة ودرايي
وسكبت دموع شعري وسلسبيلي.......وما ووصل شاعر على مستوايي

إنت حاتم عطا كفوفك فضيلي...........عطيت الوقت قيمي بلا دعايي
إنت يا منتدا متل الخميلي.............جمعت ورود مملكة المعنى
----------------------وتركت قلوب عن تطلب رضايي


</BLOCKQUOTE></BLOCKQUOTE>


عدل سابقا من قبل في 9/2/2007, 10:52 pm عدل 2 مرات
salomon
salomon
عضو مميز
عضو مميز

عدد الرسائل : 1087
تاريخ التسجيل : 23/05/2007

الرجوع الى أعلى الصفحة اذهب الى الأسفل

انا والمنتدا Empty رد: انا والمنتدا

مُساهمة من طرف عمار البراضعي 7/25/2007, 11:18 pm

طيب طيب ياابو الطيب حلوووووووو كتير وخوذ هالرد ... !!!
............
الكتابة حروف مغزاها رســالة ... يختها سكب عل مينا رســا - لي
بقلبو طلعت كم رحلة طويــلي ... بشطحةّ فكر تايســــافر خيــــــالي
كتبت حروف موهبتي الجـميلة ... وفتحت المحكمة بحــــكم العدالي
ومارح إرحم حدا وإغزي قبيلة ... قبل مارحلتي تعرف مجـــــــــالي
افتركت بتنتهي بمدة قلــــــيــلة ... وبرجع بعدها رود الأعــــــــــالي
نداني الشعر دخلك مستحــيلي ... الزجل لاتتركو تايضل عــــــــالي
ولونّي بقيت عاذات المثـــيـلي ... وكفي متل مابدي مقـــــــــــــــالي
كـنت حرمت جيلي وغيرجيلي ... حـــــــــــــدا يحتك فيي إرتجــالي
وفتحت المنتدى وقلبي دليـــلي ... بلاقي صحاب من إخوي وأهــالي
مش شمشوم أو خدعة ودليـلة ... ولا إبن المقفع بالليــــــــــــــــالي
الفراربي جلت جولاتو بسبيلي ... ع شاعر فتش وإبقى لحـــــــــالي
لقيت قلال بالنفـــــس الأصيلة ... وجفلوا من النقد والمدح غــــــالي
ولمــــــــــا مالقيت باليد حيلة ... رجعت ع المنتدى بفكري المثـــالي
وإجا سليمان بو شربل زميلي ... متل مكـــــــــــوك ماعندي بدالــو
ولا عندو بمنتدى شاعر بدالي
عمار البراضعي
عمار البراضعي
المدير العام

عدد الرسائل : 1125
العمر : 56
Localisation : لبنان - ضهر الاحمر
تاريخ التسجيل : 22/01/2007

https://7arf.editboard.com

الرجوع الى أعلى الصفحة اذهب الى الأسفل

انا والمنتدا Empty حلوووو وخدلك ها الرد

مُساهمة من طرف salomon 7/26/2007, 1:59 am

<BLOCKQUOTE id=e8807430>
<BLOCKQUOTE id=e8807430>
حلوووو وخدلك ها الرد



الك يا براضعي مني تحيي......تحية ارزة شمالي الأبيي
معك قررت اعلن إئتلافي..........يا فلتة ها العصر بالشاعريي

حملني الشوق من بعد المسافي.......وشلحني بالبحور السرمديي
دخلت المنتدا بخفي ورصافي........وغمرني بلطف شيخ الأشبهيي

وعلى الشعار مافي شيئ خافي.......خفافيش الليالي الموسميي
عاقلب المنتدا فاتوا بتجافي........يمكن عن قصد أو طيب نيي

ويا عمار يا روح الرصافي.......ضروري ننتبه من ها القضيي
ولأني بعرفك بالبطش كافي......وقصيدك نار حمي براضعيي

السيادة حق مش ضد الضيافي......الضيافي ذوق منها عنجهيي
ولأنو حضن بيي كان دافي.........وقلي الحق احكي يا بنيي

الحقيقة بقولها ما في مخافي.......والله يرحمك يا تراب بيي
وإذا شي نهار زهر عاشفافي.......الهجا بالشعر ما بعدو خطيي

الهجا نحات بيحب النحافي........نحت بالصخر تحفي عالميي
الهجا بالنقد ما وفر صحافي.......الهجا بالعلم زادومعلميي

إجا روكز نقدنا بنقد وافي........وفتح آفاق شعريي غنيي
ورجع آدوار عاالمنبر زرافي........وطلع رب القصيدة المنبريي

وعا زين شعيب ما عنا خلافي.......الهجاخلاه حب العنتريي
وملكنا زغيب ما بيهجي بلطافي........وطليع حمدان نارو جهنميي
لها الأسباب لو مرة بنشافي........كتبنا بيوت لهجتها قويي
هدفنا نفيق الي كان غافي......وما كان القصد نضمرلو الأزيي
وبعد ما اشكر ملوك القوافي........العطوني ها اللقب والأفضليي
عليكم وعد أحمل عا كتافي........هموم الشعر والكلمة الزكيي
وتاخلي المنتدا من الضعف صافي......ما بقبل بيت مكسور بقصيدة
---------------------حتى ولو عتب خيي عليي

حلوووو وخدلك ها الرد</BLOCKQUOTE>
</BLOCKQUOTE>


عدل سابقا من قبل في 9/2/2007, 10:52 pm عدل 2 مرات
salomon
salomon
عضو مميز
عضو مميز

عدد الرسائل : 1087
تاريخ التسجيل : 23/05/2007

الرجوع الى أعلى الصفحة اذهب الى الأسفل

انا والمنتدا Empty رد: انا والمنتدا

مُساهمة من طرف عمار البراضعي 7/26/2007, 4:18 am

حلوووووووو ياملك والله مخمختني هالقصيدة وخوذ هالرد !!!
...........................
التحية وصلت بأصدق أمـــاني ... ع قلب المنــتدى بحب وتفــانــــي
وراشيا حجارها فرحــوا زيادة ... بسلام الشــاعرية والفطـــانــــــي
وعلى قلعةّ راشــيـا بـتيم وادي ... سلامــك عند ما طل بمعــانــــــي
شعروا حجــارها بتاني سيـادي ... كأنــها رابحة استقلال ثــــانـــــي
إلك من تيــمنا ومني شهـــــادة ... شهـادةّ حـق مش كلمة بأغانـــــي
انت ياشــاعر الكلك مبــــــادي ... مع حفظ الرعيـــــل الأولانـــــي
شاعر بنـسـبك فوق القيـــــادي ... وبصف الأولاني أولانــــــــــــي
وتحـية لـيك ببعثها بقــــــلادي ... ومعها ورد لونو إرجـــــوانـــــي
الورد ع قــبر فـانـي في بلادي ... برحمة والد الربّى وبـــــــــانــي
منحكي بصدق والذكرى إفادي ... ومتل ماوالدك بيي عطـــــانــــي
حاكي الحق لو كثروا الأعادي ... ذكرو مـــــابيصـبح يوم فـــانـــي
رح يبقى ع درب الخلد عــادي ... ول ما بيذكر عمالو أنــــــــانــي
وتانبدى بالهجا ياطير شــــادي ... البيخاف من الهجا ضعف وجبانة
اذا مش متلك بيطوي البـوادي ... مابيدخل ع بطشي وعنفوانـــــي
وتانرجع للكسر والكان بـــادي ... علينا نعلّمو . ووين الإهـــانــي
فتحنا المنتدى في شكل عـــادة ... الزجل تانعلمو للعم يعـــــــــاني
وبعد بكير تانفتح عيــــــــــادي ... ماكلتنا سوا سبعة ثمـــــــــانــي
واذا قررت رح مد الإيــــــادي ... لأني بخاف تنهار المبـــــــانــي
وبيتي المنتدى وحاضن ولادي ... مع مشرف قصايد خير جــانــي
الما بيقبل نصيحة بإستفـــــادي ... على نفسو بيكون كتير جــانــي
فينا نفصلو ويبقى حيــــــــادي ... وفينا جهر نسحبلو الحصـــانــة
واسم المنتدى تايصير نــــادي ... مافي خي رح يعتب لأنــــــــــو
الرسايل مش عم تحمل إدانة
عمار البراضعي
عمار البراضعي
المدير العام

عدد الرسائل : 1125
العمر : 56
Localisation : لبنان - ضهر الاحمر
تاريخ التسجيل : 22/01/2007

https://7arf.editboard.com

الرجوع الى أعلى الصفحة اذهب الى الأسفل

انا والمنتدا Empty رد: انا والمنتدا

مُساهمة من طرف salomon 7/27/2007, 2:09 am

<BLOCKQUOTE id=3bae5770>

<BLOCKQUOTE id=2eb90d06>


<BLOCKQUOTE id=5aa5d6ac>



<BLOCKQUOTE id=8d2e056a>
<BLOCKQUOTE id=8d2e056a>
حلوووو يا اصيل وخدلك ها القصيد



انا يا ناس حقي شوف حالي......ربيت بعطف ام وبي غالي
تركت لبنان من مدة وحلوو......الوضع يرتاح من حكم العمالي

وام وبي تاارجع يصلوا........بسلامة بعد ما حقق منالي
ورضا البيين عني ما تخلوا .......ورضا الله عليي رأس مالي

دخلت عابلاد والدمعات هلوا.......وقلت مابعيش عمري اتكالي
ونجحت بغربتي وحقي وصلو......هدف منشود خلى الراس عالي

طلع ظنك يا بيي بمحلو........ابنك صار زلمي لا تبالي
يا بو ميلاد تاريخك بجلو.........ضميرك حيي يا بيي ومثالي

البيربو متلك على العدل قلو........رغم الفقر ما نمت الليالي
ويا ريس منتدانا بمستهلو.......قصيدك صار متل الدر غالي

في مبدع راح للمغرورقلو........قصيدك ظبطو من الوزن خالي
برائيو تشبص وللقلب علو..... وما غير بيت تركو وزن بالي

ويا دلو لو علق بلسان سلو..... اناسيفي بسلو وما بالي
لها الأسباب مش مقصود زلو...... قصدنا ينتبه يقرا الرسالي

القصيدة وزن وقوافي تجلوا.........بسما الإلهام والشعر الخيالي
وإذا شي بيت مش راكب محلو.......ولفتلي انتباهي وخدت بالي

انا بتشكرو وبصير خلو..........لأنو الشعر بعتبرو رسالي
وانت يا براضعي يا نجوم هلوا........الوحيد الي بقي صامد قبالي

انا وانت عبير الشعر فلو........ولنا جولات كلا ارتجالي
ثنائي متلنا بالشرق كلو......ماممكن يلتقى متلك ومتلي
------------------بقصيد معمد بجرن الأصالي</BLOCKQUOTE>
</BLOCKQUOTE></BLOCKQUOTE></BLOCKQUOTE></BLOCKQUOTE>


عدل سابقا من قبل في 9/2/2007, 10:53 pm عدل 2 مرات
salomon
salomon
عضو مميز
عضو مميز

عدد الرسائل : 1087
تاريخ التسجيل : 23/05/2007

الرجوع الى أعلى الصفحة اذهب الى الأسفل

انا والمنتدا Empty رد: انا والمنتدا

مُساهمة من طرف عمار البراضعي 7/27/2007, 11:09 pm

حلوووووووووووووو كتير ياملك وخوذ هالشهادة عن حق !!!!!
ياإبن طراد بظروف الدقيــــــقة ... عرفتك شــــــاعر بأول دقيــــقة
انت معروف إنك ابن عيـــــلي ... كريمة كفوفها وأصلا عريقــــة
ودخلت المنتدى من فرد ليــــلي ... حبوب الموهبة تصـوِّل دقيــــقة
وباقات الشعر قدمتن شمــــــيلي ... من زهور الجديدة والعتـــيـــقة
لبست طقم القوافي بدون سيــلي ... جيابك فاتح بأكــــــــرم طريقـة
وصرت بالشعر من ميلي لميـلي ... تعطي المنتدى الزهرة ورحيقة
وبحور الشعر تغرفها بكيـــــــلي ... وتهدي الشارد بفكرة طلـــــيقة
ومعك سرجّت بالميدان خيـــــلي ... وعزفنا ع الوتر ذاتو موسيقى
لقيت العزم من حيلك وحــــــيلي ... عملوا محكمة واضح فريــقــا
ووعي من جديد قدموس الجبيلي ... شهد إنو حروف الشعر فينــــا
بشعري وشعرك بيمضوا الوثيقة
****
وأنا وهالمنتدى بأول بــــــنـودي ... بخرطش دفتر وبفـقس بــارودي
حرس عالمنتدى بالليل بسهـــــر ... بيقظةّ عين غفوات الأســـــودي
خلقت في ضيعتي بيضهر أحمـر ... بقلعةّ شعر بتعزز صمـــــــودي
لا جايي عالشعر عيري مأخـــــر ... ولا لزقة قبـــــــل مني جدودي
وبيي شاعر الكلمة الأشــعـــــــر ... المنو بهالدني عجنةّ وجــــودي
علمني الشعر تاصرت أشــطـــر ... وكيف بينسكب حـــــر وبُرودي
وخيي الشاعر الماشفت أغــــزر ... من شعرو بينـــــــابيع الجرودي
غصب عنو تركني بظرف مجبر ... ورجوعو دمعةّ الفرحة بخدودي
وشعري كثر مافيي تخـــــــــــمر ... فتحت المنتدى بأبــــــعد حدودي
التقيت بشاعر بوقــــــــفات عنتر ... وشاعر إبن شـــــــاعر حد مني
خي وحربجي وشاعر ودودي
******

وشخص اللي دخل ع الشعر عيري ... بيوقع ع المسافــــــات القصيري
بيفكش رقبتو بوقــــــــــــــعة قوية ... وأمــــرو منكشف بعركة مريري
وقبل خيي إلي مايعـــــــــــــود ليي ... مابيــــهدى بحر شعري وهديري
لومــــــــــــــــــا إلتقي بأمثال خيي ... ومصيرو بالشـعر عانق مصيري
وبعجنات الزكا والشاعـــــــــــــرية ... مافي فــــــــــرق عنا بأي ديري
المدارو فاق قطب الجـــــــــــــاذبية ... طلع ذات العجـيــــنة والخميري
وبشعرو غربل الكلــــــــــمة الزكية ... وختم ع كلمتو بطــــــابع أميري
بيكتب شعر محكي وعـــــــــــامــية ... وشاعر بالزجل بشـــهد صراحة
بأبو شربل أنا بحكي بضميري
......
عمار البراضعي
عمار البراضعي
المدير العام

عدد الرسائل : 1125
العمر : 56
Localisation : لبنان - ضهر الاحمر
تاريخ التسجيل : 22/01/2007

https://7arf.editboard.com

الرجوع الى أعلى الصفحة اذهب الى الأسفل

انا والمنتدا Empty رد: انا والمنتدا

مُساهمة من طرف salomon 7/28/2007, 8:45 am

<BLOCKQUOTE id=545df7c4>

<BLOCKQUOTE id=ddbff733>


<BLOCKQUOTE id=65c50b53>



<BLOCKQUOTE id=c8fba096>



يا شاعر قد ما تحمى الحديدي........رفيقي بمنتدا الكلمة الفريدي
حملت يا براضعي اجمل شهادي........وانا بعتز بالرفقة المجيدي

انا دخلت الطبيعة بجو هادي..........وقلبي اختار هالوردة الوحيدي
انت يا براضعي للشعر نادي.......نشالله تكون أيامك مديدي

وتنرجع للتحدي بلاتمادي.........كنت عملاق منبرنا أكيدي
ولامرة قبلت توقف عا حيادي.......ملحق عالجميع بلا حسيدي

محبة صادقة مني زيادي.........دبحني العطر بحروف القصيدي
وتركني مشلقح بغربة فؤادي.......وما بقبل اقطف الوردة شديدي

ومتل ما قال شاعرنا بو شادي.......تا ريحة قطفها تبكي عا إيدي
انا اللي كان جدي بالقيادي........ ومع الشعار سمعتنا حمبدي

وانت من عيلة لفيها شوادي......لتقينا تنينا ومنها بعيدة
نعمل جوق ونجول النوادي........وعا انترنيت نفحص كل شاعر
------------------اذا بيتوفق بجولة مفيدي

------------------------------------------


انا انسان ما بحب النمبمي.......جديدي بيشهد عليي وقديمي
قضيت العمر اصدق مع صحابي.......ولحد ليوم رفقتنا حميمي

تركت لبنان تاإربح شبابي.........وقطعت دروب حرة ومستقيمي
وصديقي ضل يسأل عن غيابي......الوفا تزكار والأخلاق شيمي

انا للمنتدا دعمة صلابي..........حياتي بحور شعريي بصميمي
سؤالي بيت لمعنى وجوابي.......قصايد بكر وقوافي كريمي

انا محروق قلبي يا حبابي........عاشاعر حب نفسيي غشيمي
افتكر انو إلآه بكون رابي.........ولاممكن يغلط الغلطة الوخيمي

قلت مكسور بيتك بالكتابي......معي بتصير ما تعدا جريمي
وبدل ما يروح يسأل عا الطبابي.......سأل عن وزنها ستو فهيمي

ما بدي يروح يعتب عاعتابي.........ولا طمعان يطلع عانعيمي
انا بالكسر ماعندي قرابي.........لأنو الوزن للزجال قيمي


انا ما كان قصدي اكتسابي.........الهدف تتوضح الفكرة السليمي
ومتل ما الريح بتزت الضبابي........اذا بيضل متشبص برائيو
---------------------بقلب المنتدا بزتو بجحيمي
</BLOCKQUOTE></BLOCKQUOTE></BLOCKQUOTE></BLOCKQUOTE>


عدل سابقا من قبل في 9/2/2007, 10:54 pm عدل 1 مرات
salomon
salomon
عضو مميز
عضو مميز

عدد الرسائل : 1087
تاريخ التسجيل : 23/05/2007

الرجوع الى أعلى الصفحة اذهب الى الأسفل

انا والمنتدا Empty رد: انا والمنتدا

مُساهمة من طرف عمار البراضعي 7/31/2007, 12:59 am

رجع المـــنتدى بهيبةّ وقـــــارو ... يرش القــــافية ويفلـــش بذارو
رجـــع لحباب قلبو الناطرينـــو ... إسمو يرفعولوا بإنـــتـــــصارو
ومطرح ماربي السبع بعرينـــو ... الهمّ استـأسد وزمجر شعــــارو
تغيلم شعر عنا باعديــــــــــنــو ... بيدعي للوطن يرجع عمــــــارو
وبسرعة تعود كل مهاجرينــــو ... ويرجع ليلنا يغفّي نهــــــــــــارو
ويرجع لون شعر الناسينـــــــو ... رجعةّ نسر أسمر ع ديـــــــــارو
وزجلنا يضحك وتزهى سنيــنو ... متل ما كان عزو وافتخـــــــارو
تانحاسب ساعتها الكاتبيــــــــنو ... ومانرحم زغارو ولا كبـــــــارو
وانا رفيقي بوشربل عارفيــنـــو ... بلبل شعر والنغمة كنــــــــــارو
سكب بالمنتدى نغمةّ حنيــــــــنو ... ومشرف عالقصيد بإعتبــــــارو
ولأنو ع الكســـــــر قاسم يميـنو ... وجحيم الجهل طفى وهج نارو
وانا للكسّر بـقــرّص عجـــــــينـو ... اذا بيكون شاعر بالقـــــــوافي
برضى يحاكمو العدل بقرارو
***
وياسليمان بالشعر الحســاسي ... انا أصلك ماكنت نهار نــــــاسي
السفينة بياطر حبالا مهـــــدّي ... ماعمري الجوهرة بشوفـا نحاسة
صارلي بعرفك عالنت مـــدي ... وأصيل عرفتك وصدقوا حواسي
ومتل خيي حسبتك انت حدي ... تإنسبلك قياسك ع قيـــــــــــــاسي
انا شاعر خلقت وجــــد جدي ... وانت وبيك وجـــــدك ع راســي
زركنا بعضنا بجولةّ تحــــدي ... تانلقن المنبر درس قــــــــــــاسي
وبأجمل منتدى الزهرو المندي ... البقلبو بحور جــانب يخت راسي
تعا تانحاسب القدك وقـــــــدي ... وبدل اللوم في واجب عليــــــــنا
بالأوزان نفتحلن دراسي
******
وبعد تقطيع البحور الجلـــيلة ... وبـعد دروس بالقافة جمــــيلة
انت للطالب بتكتب دروســـو ... انقراها صار شاعر مش قليلة
انشالله المنتدى بيرفع كؤوسـو ... ويخرّج بعد فترة قبيلــــــــــي
وبِفضلك يرفع المنبر بروســو ... شعرا جداد ع متن الأصيـلـي
وبعد ماالشعر بيصير بجلوسو ... ويمشوا الكل ع دروبو النبيلي
فينا نحاسب الخيلو بسوســــو ... اذا بيكتب قصيرة أو طويلــي
وتانرجع ع جوق طابت نفوسو ... بحريةّ سوا جيلك وجــــــيلي
العريس المنتدى لكن عروســو ... بنت الموهبة البيكون حـــامل
إيميلك يطلب ويآخذ إميلي
******
عمار البراضعي
عمار البراضعي
المدير العام

عدد الرسائل : 1125
العمر : 56
Localisation : لبنان - ضهر الاحمر
تاريخ التسجيل : 22/01/2007

https://7arf.editboard.com

الرجوع الى أعلى الصفحة اذهب الى الأسفل

انا والمنتدا Empty رد: انا والمنتدا

مُساهمة من طرف salomon 7/31/2007, 5:30 am

<BLOCKQUOTE id=7583f712>
<BLOCKQUOTE id=7583f712>كنت تلميذ وبأول زماني ..........خلقني الشعر عا سرير المعاني
عرفت شاعر ببرحليون درة.........خزقلي قصايدي سبعة تماني

قلت معليش رح عاود الكرة...........ليالي حرقتها اكتب وعاني
سرقت حلم الطبيعة والمجرة...........وما كنت النقد اعتبرو إهاني

جمعت قصايدي برزمة وصرة ..........ودعم كبيرهاالشاعر عطاني
وعا وزن قصا يدي يا ما تحرى.................جبرني الوزن اعتبرو ضماني

لها الأسباب لوسلمت الجرة........مرة تانيي في نقد جاني
الك يا منتدا بقلبي مسرة.......محبة صادقة من كون تاني

ومتل ماالريح بتحب اامضرة......ومتل ما الخمر بيحب القناني
انا بحبك محبة مستمرة .............متل ما الروح بتحب الخياني

تعا يا بو أسامة بنفس حرة...........نحافظ عاالأصالي بالأماني
وإذا بيشك شاعر فرد مرة...........إيمييلي بالتصرف للشبيبي
------------الهدف يتعلموا أصول الغناني----------




مابعرف سب أو قيم القيامي...........بنظم الشعر عندي مقام سامي
وعدوي قد ما يقسا بحبو.............الحقد شيطان المحبة تسامي

بعض شعارعن بطشي تخبوا..........وهربوا وبعدني بصف الأمامي
إلا بو أسامة دخل ربو,...........تحمل. بالهجا مني قساوي
------------وبصدر المنتدا زين كلامي</BLOCKQUOTE>
</BLOCKQUOTE>


عدل سابقا من قبل في 9/2/2007, 10:55 pm عدل 1 مرات
salomon
salomon
عضو مميز
عضو مميز

عدد الرسائل : 1087
تاريخ التسجيل : 23/05/2007

الرجوع الى أعلى الصفحة اذهب الى الأسفل

انا والمنتدا Empty رد: انا والمنتدا

مُساهمة من طرف عمار البراضعي 7/31/2007, 11:50 pm

ياسليمان من بعــــــد التحــــية ... وقصايد نار حمرة جهنــمـــية
تعا نحكي شوية عالمشـــبــرح ... كفى ألغاز نحكي بعنـتــــــرية
النقد معروف عنا بكل مطــرح ... نقد ذاتي ونقد بنـــــــــــا هدية
وغير ركيك مابظني بيجــــرح ... الحامل ضعف شخصــية قوية
النقد بيعلم الإنســــــــان يفــرح ... النقد عن حق مع بيعـرف أذية
تعا تانجمع ونقــــسـم ونـطـرح ... وسوا ننقّح قصــــــايد مخملية
وقبل ماصوتنا عالناس نــطرح ... تعا بهالمنتدى نشوف البقـــــية
اذا قبلوا سوا هالدرس نشـــرح ... بلا خاص ورسايل مختـفــــية
وعد مني برحابة الصدر بشرح ... ومنعالج سوا بصــدق القضية
وساعتها المنتدى بيصير مسرح ... وتوازن بالقوى مــافي ضحية
واذا مابيقبلوا تالفكـــــر يسـرح ... تعـــــا تاوحدنا نغني ياخـــيي
مافي مشكلة ميـــــــن البيكسح ... انت مرة وانا مرة ســــــــوية
لأنو مش رح نسابق مكرســـح ... اذا بعدو جديد الشاعــــــــرية
وهيك المنتدى غيومو بيكــشـح ... وسما شعرو رح تعانق بدورو
وبيصيروا نجوم عنا الأكثرية
****
وعافتــح المنتدى الباري هدانا ... تانكتب شعر ونحقـق منانا
ومامننسى عطــــــانا الأكثرية ... شبيبة طيبة بتعطي عطانا
عطانا من الورود المخمــــلية ...ربيع العطر تاننشق هــوانا
وعطــــــــانا ابراهيم بعبقريـة ... متل تاني خليل بمنــــتدانا
وعطانا من الشبيبة الأشبهــية ... رواد الشامخ بقـــبـةّ علانا
وأبو شوقي ياشيخ الأعضوية ... مشيبك وقّر الكلمة بقـــوانا
وأول مــــــــاعطانا المعنوية ... أبـو شربل يارافع مسـتوانا
وفيكم كل فرد بشـوف خيـــي ... ولولا وجودنا فاضي بيبقى
وشو نفعو المنتدى يبقى بلانا
****
وإلك يامنتدانــــــــــــــا الأولاني ... حب كبير من عطـفي وحناني
وتأنسى فيــــك أحزاني وهمومي ... سكبتلك فـقــــــه أجمل معاني
ندهت يانسور أهـل الشعر حومي ... وفتحت مجال تطلع ع ميداني
وقطبت من السما شرشف غيومي ... بسما الألهام تاتشتي عيــــاني
ولأنو الخير زايد في كرومــــــي ... عصرت عنقود دمو إرجواني
وسكبتو كــــــاس للخمرة بعلومي ... سكِر ع كلمةّ الشعر الغنــــية
برفقة مالها بالكون ثاني
*****
وهالرفقة إلي فيـــــها صـلابي ... بتمتّ بّصِلة متل القرابـــــة
وإلنا المنتدى نادي تحـــــــول ... تايجمعنا سوا وفرحوا حبـابي
وهيك المنتدى بيضــــــل أول ... نخبة بالقراءة وبالكــــــــتـابة
واذا منعنا التجول مـــــاتجول ... حدا عالنت من كبر إلأهــابي
وكثر مالشعر فينا السكب حول ... السلبي بالسكب صفى إجابي
نخ المجد وشعارو تســــــــول ... امتلا بمعلــــــقات الشعر لمّـا
عليه تحننوا وشفقوا صحابي
*****
واذا منبعث رسالة لشخص مطلق ... القصد تاحلمنا نشوفو محقـــق
على عمـــــار وسليــــــمان ردوا ... اذا المكتوب عم تقروا مدقــق
كـــــــــــــان المنتدى القلبي بودو ... لشاعر مشرف محرق معلــق
اجا سليمان نخــــــــبــــــة تايردو ... لعزو ولبسو الثوب المعــرق
قولوا يارفاق الشـعـــــــــــر ودوا ... الرسايل والنصايح سر مغلق
لكل إنســـــــــان رح نمـسك بيـدو ... تايصفي نسر عـــالي محـلق
واللي هالشـــــــــــروط بحب بدو ... ودربو عبّـــــدو بيبقى مـألق
ولمــــا راد الله لايـــــــــــــــردو ... درب منيح بيودي ولاعشـرة
الجور . بي قلبها وجنبا مشلق

********
عمار البراضعي
عمار البراضعي
المدير العام

عدد الرسائل : 1125
العمر : 56
Localisation : لبنان - ضهر الاحمر
تاريخ التسجيل : 22/01/2007

https://7arf.editboard.com

الرجوع الى أعلى الصفحة اذهب الى الأسفل

الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى