شروقي : لبنان

من طرف **Admin** 2/14/2007, 3:23 am

لبنان قبل الدني أول وطن خلـــــــقان ** خلقوا الباري طفل تايضل بحـــــدودو
منو الحضارة عِطي كوكب سحر مليان ** والشرق منو اغتنى بالحرف وبـــنودو

لبنان أجمل بلد بيضل بالبـــــــــلدان ** بدل البنادق شعر عم تحمل جنــــــودو
البيكون نوبة حرس بيرندح القصــدان ** حتى حروف الوعي عن موطنو يـــذودو

لبنان وصفو صعب تانوصفو بـديــــــوان ** وأرزو الشمالي قلب بيحنّ ع عــــــودو
والروح نسمة هوا من السهل للوديـان ** والبحر عقلو الغني والعين بجــــــرودو

لبنان أرض الوعي متلو متل إنســان ** ونادى ولادو صوت تايعززوا صمـــــودو
وبيروت إم الدني ونادت كفى هجران ** وبدها ولادا سوا ع الموطن يعـــــــودوا