سؤال استاذ حرف

من طرف علي عامر 8/9/2010, 11:36 pm

سلام اخي حرف بما انّك استاذ بالشعر

وبتقدّر الكلمه الراقيه

مرقو معي بيتين اذا بتعرفلي لمين هنّي بكون كثر خيرك

لولا قدرت بالذات تتوحّد = بتصير تقدر ع الشمس تصعد
وعن مقعد الايّام لمّا تفل = بيترك غيابك خلف منّك ظل
يحمي بقايا خيال ع المقعد

من طرف **7arf** 9/9/2010, 7:27 pm

جواب:
صراحة مارق معي شي بهالمعنى بس ماقدرت اتذكر لمين؟؟؟؟؟
على كل حال
======

الشاعرعلى كتافو النجوم مشرقطة = بيعطي بفضل الموهبي ان الله عطا
بس اللي بيلبس بدلة المنها إلـــــو = بتبقى على كتافـــــو العبايي مبهبطة

====================
تحياتي وعذرا على التأخير

من طرف علي عامر 9/19/2010, 7:50 am

اسف على التأخير اخي حرف

بس شوف ما اجمل بيوت هـ الغزل اعتقد انن لذات الشاعر

مشتاق ضمّك والهوا تشارين = واحسن م تسرق منّك النسمه
من نص جسمي سحّب شرايين = وحيّك الك فستان من جسمي

حبّك حكمني يا حياتي عرف = باسمك م بقبل للهوا غنّي
بفزع عن شفافي ان وقع شي حرف = يلمّو ملاك ويسرقك منّي

من طرف **7arf** 9/19/2010, 9:09 pm

ياسلام شو حلو هيذا حكي
بفزع عن شفافي ان وقع شي حرف = يلمّو ملاك ويسرقك منّي
=====

الخايف على شفافو أنا إوقع = يضمــو ملاك من الشرق والغرب
نشالله يزور الحرف بالموقع = ونمضي السلام كرامتو مش حرب
============

الله يعطيك العافية واذا عندك بعد شي منتأمل المزيد والف شكر الك
وللشاعر المبدع جوزيف حرب اذا مني غلطان
وتحياتي الك والو
= = = = = = =

من طرف علي عامر 11/28/2010, 12:48 am

عصفور

بيمضي ت يملك أرض آدم زور = إسمو ع شقفة جلد من جسمو
وع عكسنا بيملك دني العصفور = وما في ولا متر مسجّل بإسمو

سؤال استاذ حرف

سؤال استاذ حرف

رد: سؤال استاذ حرف

رد: سؤال استاذ حرف

رد: سؤال استاذ حرف

رد: سؤال استاذ حرف