فداء مطر وبحر الزجل سليمان طراد والثورة منقول عن الفيسبوك

ألشاعر سليمان طراد
من يوم ما تعرّفت عا فوفو مطر***تهجّم عليي الغيم بسيوف المطر
وكلما الرمل عا الشط موجاتي نطر***بيصير صوتي متل زمّور الخطر
يا شب..خدّك بعرف كفوفي نطر***جاييك متل العاصفة بليلة خطر
يا بتهرب من مواج شعري عا الجبال***يا بتوصل الثورات عا دولة قطر

ههههههههههههههه
يلا يا فوفو


Fidaa K Mattar
سليمان يا سليمان إثبت موضعك ---- إياّك متل الريح تترك موقعك
خد الجبل لمّا عاكتفو بيرفعك ---- تاتحس بشموخو بتلحس إصبعك
لو جيتني بزمّور طالب إسمعك ---- لا تفتكر إزعاجنا رح ينفعك
رح جيب ميكروسكوب حتّى إقشعك ---- عامكبّر.. وفكّر... إذا بغنّي معك
لكن إذا طموحك عبالو يندعك ---- عامجالنا ... طول المسافي بيقمعك
بتزور عآخر نفس دولة قطر---- بلكي بنفس مقطوع ببقى برجعك

ألشاعر سليمان طراد
بعدك متل ما بعرفك شاعر فقير***بتشرب خوابي الضو وبتبقا ضرير
صوت السما بركان من الله كبير***بيعرق وحي والإلهام وبيتعب كتير
ودولة قطر لو زرتها بدها تصير***محج القوافي للكبير وللزغير
وثورة تقدّم بالصياغة والجمال***لحّق يا فوفو حالك ..؟بتلبس حرير
ههههههههههههههه

بحر الزجل



Fidaa K Mattar
مين اللي قلّك كل همي إغتني ---- ما السنبلي متلي فقيرة بتنحني
وبتضل تشرب ضو عاطول السني ---- تاحافيي وعميا تجي عالمطحني
لكن إنت شو إنت يا شب الغني ---- بالبهورة ... وبرجك عاوهمك منبني
مدّوا شريط الكهربا وضووا عليك ---- فكّرت حالك عامتضوّي عالدني


ألشاعر سليمان طراد
يا سنبلة مهما شربتي الضو حاف***بيضل وجّك أصفر وروحك نشاف
تراب الدني فرشتيه والزرقة لحاف***ومنجل حصادي شلّحك توب العفاف
ورحتي بعد ما سنبلوكي بالقطاف***مقطوع راسك حب وتيابك خفاف
ولمّا وصلتي حبوب عا حجار الرحى***ضوّوّا السنين طحيّن تا خيرك انشاف

بحر الزجل



Fidaa K Mattar
يا سنبلة قمحي اللي ملياني خضار --- متلك متل إمّي حنوني عالزغار
لا تزعلي لو زاد قمحك إصفرار --- ما كيس مصل الشمس خلقت للبذار
ومن حيثني عاراسك الأشقر بغار --- بقبل براسي يكون حبّة إبتكار
ولا عيش فوق الأرض عالة مع بشر --- عاقد عرض كتافها بتحمل جرار

ألشاعر سليمان طراد
جرار القداسة بعرس قانا مباركة***ما عرفت ليش اليوم منها مشتكي
ستّك وستي حمّلو جرار الحكي***وياما طريق العين عا غيابن بكي
راسك سبل فاضي ومرجي برمكي***ووحدو الملان بينحني وبيتكي
ويا ريت راسك كان من مرجي ملان***تا دوّقك خبز القصيدة يا زكي

بحر الزجل




Fidaa K Mattar
شو باك تادالق شفافك والجرار --- خايف عبد أفريقيا منّك يغار
في جرار بتصب القمر داير مدار --- وبتدلق بعب السهر ضو النهار
وفي جرار لولا مليتها بكمشة سرار --- بتحبل حكي فاضي وبتفضّي خبار
هي جرتك من هيك خبّي جرتك --- من حيث معنا قابلي للإنكسار

ألشاعر سليمان طراد
دلقت المسا بجرار بحري تا اختمر***ونفّض فراشو الموج تا الكون انغمر
وعبّى السما بغيوم تا البدر انطمر***وشرقط زوابع نار تا الضو انهمر
هي جرّة سليمان بليالي السمر***بتسقي غرامك كل ما بحري أمر
بالمد ببعت شمس تا تعبّي الغيوم***وبالجزر يبعت ليل تا يفضّي القمر

بحر النحت الفلسفي
ههههههههههههههههههههه



Fidaa K Mattar
ساعة ما عاكتاف الجبل حطّيت عين --- ضلّيت إنحت بالصخر تاصار ...عين
وتجدول..... وصفّى الزّهر عالضفتين --- يبعت عطر من دون دين ولا جرين
وحضرة جنابك.. جيتني.. صفر اليدين --- جايب معك مش بس جرّة جرتين
جرّة...... تعبّي جوعة طموحك معي --- ومن فوقها جرّة ..في إلها ذينتين
ألشاعر سليمان طراد
ضلّك متل ما كنت تنحت بالقلام***ولا تحمّل الصخرة بأيدك يا غلام
صخر اللّي واقف ضو بدو انسجام***ورسّام روحو عاشقة جسم الرخام
وها الجرّة الطبيّتها وبدك تنام***وناطر تا تطلع أمّها متلا تمام
هي جرّة سليمان عم تسقي الدهب***فيها تبر يا صاحبي...وجِن الكلام

انتبه الكنز المرصود
ههههههه
بحر الزجل


Fidaa K Mattar
رح ضل إنحت بالصخر متل الإسود --- ما بينحتو جسم الفريسي بالجرود
وعلّق بقايا صخورنا بغيمات سود --- بلكي السما تشتّي حجارة عاليهود
ولولا بشي مغارة رحت تعلن صمود --- أنت وعلي بابا.. وباراك... وإيهود
ببقى بحّملكن...... بجرّة واحدي --- عاظهر شي جنّي عادنية اللاوجود

يا جرار الله عتّقي الملكوت***وخلّي القداسة شموع منحوتي
ويا ضو كلما عا القلوب تفوت***نوّر طريق الصوت بسكوتي

ضويّت شمعة ...!!يا فداء سكوت***بلّشت صلّي ومجّد بيوتي
...ورصّعت لون خدودها بياقوت***وقلتلها تا عيش ..لا تموتي

وتمثال شغل الشمس مش منحوت***فارش خيالو للمسا تخوتي
وتا كمّل القداس يا بيروت***اعطيني من البخور فتفوتي

حالف بعمري من قبل ما موت***رح شم ريحة ضو تابوتي
وطعميك من شعري الحلو بسكوت***وخليّك تتقمص بأشعاري
تا فيك تدخل باب ملكوتي

بحر الزجل