جولة قرادي مع الوالد

من طرف ghazi saraya 10/8/2011, 12:22 am

قرادي مع الوالد الشاعر أبو غانم
****************
الوالد:
الشخص لهايم ععيالو===تحتى يهدّي بـالو
البي لبربّي أطفـــــال===بدو يصبر عحالو
*********
للمنبر نظمت صــــفوف===وكل شــــاعر حولي يلتف
ابني قلّي عمول معروف===دخلّنـــــي بأول صـــــــف
رجعنا قلنالو منشــــوف===تتصير تعرف تضرب دف
لقيتو عميتهجّى حروف===وعميستطولي خيـــــــــــالو
**********************
أنا:
دخلت بمدرســـــــة الأبطال===لقيت سباع على الميلين
صرخت بصوتي لهز تلال===وينو سبع الغـــــابة وين
السبع تأهب بالصلصـــــال===وصف أســودو عصفين
لكن لما شمــــــــوخ جبال===شاف بعبســــة هالعينين
بدون عياط بدون قتـــــال===تخبّى بصخرات جبــالو
**************************
الوالد:
قبلنا نباري فروخ البــــط===وبارينا شـــعرا كبيرة
ما فيك تلقى موج الشـــط===ولا فيك تلقى تفكيــري
وسبع الغاب قبالي نشـــط===ما بيحكي كلمة زغيرة
ومش ممكن في شاعر قط===قبالي كفّـــــــى موالو
*****************************
أنا:
البط لعاش بحضن الشط===فرخو رح يطلع عوّام
والنســــــــر لعتلّي غط===فرخو بيطلع عالأجرام
تمرّد مركبنا وما شــط===وواجهنا نســـور الأيام
تنجلّس عوجات الخط===الكنتو انتو مـــن رجالو
********************************
الوالد:
يا ابني غازي بهالمضمار===بيّك فوق منك حـــــايم
ولّعنــــــا نار الأشــــــعار===ليش غافي وبعدك نايم
وعمتلطــــــا من دار لدار===وكيف بتترك بو غانم
عميحبـــــــس كل الشعّار===بدورة تـــــرس عقـالو
**********************************
أنا:
عقالك تعبـــــان من الشيب===لا تصنع منو القـــوّة
ورب الأكوان من الغيــــب===لإبنك تاجين مسوّي
تاج لضارب سهمو بصيب===بإيدو الفــولاذ ملوّي
وتاج الشعر لشـــال العيب===تحدّى الدهر وما مالو

من طرف **7arf** 10/8/2011, 3:39 pm

قرينـــــا القرادة بـبـدور = نورة موصل صحرا النجد
لما الشـــعـر بهيك أمور = بسدق بيتغنـــى من الوجد
البي وإبنــو مدوا جسور = وشفناكم ع سفــوح المجد
طلعتوا سوية جوز نسور = العم بترفرف ع تلالـــــو
=====================
حلووووووووو يعطيكم العافية

من طرف ghazi saraya 10/9/2011, 2:15 am

من شغاف القلب الحساس=بقدملك أجمل باقة
وشعلة نور من النبـــراس=متل نجوم البراقـة
وربنا عاطيك الاحســاس=وردة بجنة خلاقــة
والله يديمك لهنــــــــاس=موسم أغدق بغلالو

من طرف صهيل خيل وادي التيم 10/10/2011, 7:31 pm

بوغانم شاعر معروف=بجوقت عمار تبدى
عاغيرو من بين الوف=وعاحرف اللي بيتعدى
وغازي وبيو من المالوف=حقو الشاعر يتحدى
لو مهما جمعتو حروف=الفارس بطلع خي يالو

من طرف **7arf** 10/10/2011, 7:48 pm

ياصاهل ع ضهور الخيـل = لجامك لو يفلت حســرة
من غازي بتشوف الويــل = وبيو أعدل من كســرى
وجوقةّ عمـــار بهاللـيـــل = حاميها حرف الأســــرة
ع سيوفو ان شديت الحيل = راسك بيطير قبالـــــــو
====================
هههههههههه ياهلا فيك فرجينا بزعك تانشوف

من طرف ghazi saraya 10/12/2011, 12:36 am

بو غانــم عندو سـيفين===للأعــــداء مخليهــــا
ســيف بيقطـــع علميلين===للفرســان بيرميهـــا
وسيف الشعر من اللجين===كلماتــو بتكبر فيها
وعمّر مملكـــــة الجيلين===وظل بفكرو حاميها
وودّى ابنو عالخـــــطين===تيضويلك مشعـــالو

من طرف بسام 10/13/2011, 8:27 pm

من طرف صهيل خيل وادي التيم 10/13/2011, 10:22 pm

ياعمار بهل القصدان=تاترجع سالم غانم
مابينفع عزم النسوان=انجبت الخانم والهانم
وديلي حرف التعبان=ولاتوديلي بوغانم
المتخبي وباعث صبيان=مرقو بفتحت غربالو

من طرف ghazi saraya 10/14/2011, 9:51 pm

غربال الوالد لمّـــــــاع===ترس الشمس مضويها
بمرق خيطان الاشـــعاع===بحرق غيماتــــك فيها
من العتمة تتشوفو طلاع===مش متخبّي لباريـــها
تطلع عقـمة البقــــــــاع===بتقشــع دفقة شــــلاّلو

من طرف hiam 10/15/2011, 11:02 pm

تحية للجميع وضيفنا الكريم صهيل : باين عليك هجومي وم بتعرف شو في بهالمنتدى ناطرك وبعدين
مابينفع عزم النسوان=انجبت الخانم والهانم
هيك منصير كلنا ضدك
ليش مستخف بقدراتنا
هاهاهاهاهاهاهاهاهاها
سأترك وردة ولي عودة باذن الله
واجمالا حوار حلو ومتابعتكم
كملوا

من طرف ghazi saraya 10/15/2011, 11:49 pm

الى زهرة المنتدى السيدة هيام
****************

وين الزهـــرة لعمبتفوح===ترجع عأســـــرتنا تطل
طليتي النسمة لبتســـوح===عجوانح زهــرات الفل
نحنا الجسم وانتي الروح===وأشعارك دوما" منجل
وما تخلّي الطير المذبوح===سيوفو عســــرايا يسل
نحنا جبال وهوّي سفوح===نحنا قلاع وهوّي الظل
لو ما تطلّي ســفينة نوح===خنقتو بدورة سلســـالو

من طرف صهيل خيل وادي التيم 10/16/2011, 2:44 pm

ياهيمو فيكي منهيم=لو مهما شفتي حالك
كلما طليتي منقيم=البهجة بفرحة كرمالك
وعليكي زغير التكريم=لو عالمجد عملنالك
نقلاتك نقلات الريم=وقاضي العدل باقوالك
الله عدلك يبقى يديم=بين عمامك وخوالك
وغيرك من بعد التقييم=بخنق خالو بخلخالو

من طرف Ramroum 10/25/2011, 12:49 am

بمرق خيطان الاشعاع==بحرق غيماتك فيها
............كتير حلوة هصورة يا دكتور يسلم فكرك.والله يعطيكن العافية حوار بجنن

جولة قرادي مع الوالد

جولة قرادي مع الوالد

رد: جولة قرادي مع الوالد

رد: جولة قرادي مع الوالد

رد: جولة قرادي مع الوالد

رد: جولة قرادي مع الوالد

رد: جولة قرادي مع الوالد

رد: جولة قرادي مع الوالد

رد: جولة قرادي مع الوالد

رد: جولة قرادي مع الوالد

رد: جولة قرادي مع الوالد

رد: جولة قرادي مع الوالد

رد: جولة قرادي مع الوالد

رد: جولة قرادي مع الوالد