منتديات الزجل اللبناني الشاعر: عمار البراضعي

أهلا وسهلا بزائرنا الكريم
عليك بالتسجيل لكي ترى كافة المواضيع المخفية
=====================
الزائر رحبنـا برسمــــو = وع التسجيل دعينا يفوت
وغير اللي مسجّل إسمو = عنو منخفي يقـــرا بيوت
=====================


مع الشاعر شادي موسى

اذهب الى الأسفل

مع الشاعر شادي موسى

مُساهمة من طرف ghazi saraya في 2/2/2013, 8:33 pm

مع الشاعر شادي موسى على الفيس بوك على صفحة غروب ذهب الشعر
*****************************

GHAZI SARAYA
قصيدة الى الغروب الجديد"دهب الشعر":
*************
يا أصحاب الجلالة الشعورية
يا حرّاس الورود المســتحية
انتو من الملـــــوك كتير أرفع
انحنت الكن تيجان القيصرية

الشعر متل الأرض تتصير تجمع
بحــــاجة تصـــــونها أيادي وفيّة
وبنيّــة صــــافية الشتلات نزرع
تنقطف خيرها مواســــم غنية

وهيك بموقع الحرف المشبّع
تعو نزرع قصـــــــــايد جوهرية
ونصقل شــــعرنا ويظل يلمـع
ذهب رنّـــــان عصفحة زجلنا
ونجني قطاف كلمتنا الشذيّة
Like • • Unfollow Post • 21 hours ago

• ElieBsharaAlkassis, GhanemHommos and 6 others like this.

o
Bassam Bossحلللللللو
21 hours ago • Like • 1
o
Ghazi Sarayaكلك زوق
21 hours ago • Like • 2
o
Al AndalibImadAbzحلو يا غازي
21 hours ago • Unlike • 2
o
شادي موسى
********
ياغازي اللي قصور الفكر غازي
وخطك للشفق ماشي موازي
انت للشعر دفقة خير أمطر
بتملي ألف مجمع ارتوازي
شعرك بالمحبة روح سططر
شهادة مبروزة مش بالقزازة
بتشبه طيف بالهالة مقطر
ورودو وجاب شمس الرب فازة
اذا كترو اللي متلك فوق منبر
الوصايا رح بتبقا بدون عازة
لأنو محبتك أكتر وأكبر
رح بيبقى الشعر مرفوع راسو
مازالك رافع البيرق ياغازي

Al AndalibImadAbzحلو يا شادي
20 hours ago • Unlike • 3
o
شادي موسىحبيبي ياعماد
مش قد المقام بس ترحيب عالسريع ..
20 hours ago via mobile • Like • 3

Ghazi Saraya
**************
تسلم أستاذ شادي شاعرنا المميز.ويسلم نبعك الفوّار يارب.
وبقول:

منك يا شادي رح بقدّم احترام
باقة وفا ذكر الرسول على سلام
وحتّى ما يبقى لا عداوة ولا خصام
وضو القمر يرهج على خد الرخام
ودّي رسالة خالدة بتم الحمام
رسالة سليمان الحكيم بكل عام
رسالة وفا رسالة صفا للمؤمنين
تجمع الخوري وشيخنا وحدّو الامام
20 hours ago • Like • 6
o
Bassam Bossحلللللللللللوة غازي
20 hours ago • Unlike • 3
o
Ghazi Sarayaيحلي أيامكم خي بسام وخي العندليب
20 hours ago • Like • 2
o
شادي موسى
***********
روتشت أشعارك بريشة عندليب
غبت شفافة دمع محبرة النحيب
متل الشمس ل بريشة دموع اللهيب
تروتش سمار الشقر عاشاطي المغيب
محبة وسلام ب وسع هالكون الوسيع
لوحة تآخي من بعيد ومن قريب
حنية تواضع مش مذلة حانية
حنية هلال وحاضنة رسم الصليب..

أهلا فيك ياغازي نحنا اخوة وبلاها الاستاذ..
20 hours ago via mobile • Unlike • 5
o
شادي موسىهالكون الرحيب هههه
20 hours ago via mobile • Unlike • 3
o
AmerAbzحلوووووووووو يا شادي كبير
20 hours ago • Unlike • 2
o
GHAZI SARAYA
************
اسمك يا شادي المجد بحروفو أكيد
حسون شادي طل يشدي من بعيد
وتوجت اسمك بالجمال الموسوي
وشقيت بحر الشعر بحروف القصيد
19 hours ago • Like • 2
o
شادي موسى
***********
غازي سرايا من غصون الياسمين
ومازالني حسون شادي عن يقين
ياريت تحبسني بسرايا كنوتك
تاضل غردلك شعر طول السنين
19 hours ago via mobile • Unlike • 3
o
شادي موسىحبيبي ياعامر كبير بمحبتك
19 hours ago via mobile • Like • 2
o
ElieBsharaAlkassisتسلموا يااحبابنا واخواتنا جميعا لاتواخذوني اتاخرت بلتعليق كنت شوي مشغول استاذ غازي وخيي شادي وعمورة وبسام بتشكركن من كل قلبي على هلكلمات الرائعة وانشاالله ماكون نسيت حدا
17 hours ago • Unlike • 2
o
ElieBsharaAlkassisيسلم تمك استاذ غازي وباسمي وبأسم كل الغروب بنتشكرك على هلكلمات الرائعة والكبيرة
17 hours ago • Unlike • 1
o
ElieBsharaAlkassisخيي شادي تسلم يامزوق كفيت ووفيت بلترحيب بلآستاذ غازي
17 hours ago • Unlike • 1
o
ElieBsharaAlkassisعمورة بتشكرك على المشاركة يااحلى شب
17 hours ago • Like • 1
o
Ghazi Sarayaيسلم تمك يا شادي.وشكرا على مروركم جميعا
15 minutes ago • Like • 1
avatar
ghazi saraya

عدد الرسائل : 155
العمر : 32
Localisation : لبنان-راشيا الوادي-كفرقوق
تاريخ التسجيل : 26/04/2011

http://extra_ordinaire86@yahoo.com

الرجوع الى أعلى الصفحة اذهب الى الأسفل

رد: مع الشاعر شادي موسى

مُساهمة من طرف علي عامر في 2/24/2013, 5:45 am

روعه يا دكتور
avatar
علي عامر
شاعر

عدد الرسائل : 320
العمر : 34
تاريخ التسجيل : 04/08/2007

http://www.paperstan.com

الرجوع الى أعلى الصفحة اذهب الى الأسفل

رد: مع الشاعر شادي موسى

مُساهمة من طرف ghazi saraya في 2/28/2013, 6:29 pm

حبيبي علي شكراَ على مرورك
avatar
ghazi saraya

عدد الرسائل : 155
العمر : 32
Localisation : لبنان-راشيا الوادي-كفرقوق
تاريخ التسجيل : 26/04/2011

http://extra_ordinaire86@yahoo.com

الرجوع الى أعلى الصفحة اذهب الى الأسفل

الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى