الإلفة

الإلفة
====
ياريت بيتي طين ياولفي
وبدو حدل بالثلج أو جرفة
منحمل معوس المحدلي بدّين
وننقل من المزراب للدفلة

وبفرد غرفة يلتقوا العينين
يحكوا حكايا بقلب هالغرفة
هيذا زمان جدودنا ومن وين
متلو محبة بجيب ياظرفي

تمنيت مانبني سوا بيتين
البعد خلاّ الناس مختلفي
كانت الضيفة زبيب عالميلين
أو تين يابس لو ضيف يلفي

مايشوف بالضيعة الأهل قسمين
بإخراجها الأفلام محترفة
صار كل شي جديد يخزي العين
وكل البشر أخطاء مقترفة

قبل الكبار بيدخلوا الطفلين
وبيرفعوا التقدير والكلفة
وع هيك خلفة بيلعن الجيلين
الضيّع عوايدنا سوا الحلوين
وكل المحبة ودمروا الإلفة