رثاء الشاعر نبيل خوري

من طرف **عمار البراضعي** 7/14/2013, 1:41 pm

رثاء للشاعر نبيل خوري في الذكرى الحادية عشر رحمه لله
=============================
الشاعرة نهلة خوري كتبت
[ندعوك للتسجيل في المنتدى أو التعريف بنفسك لمعاينة هذه الصورة]
ياعجنة وجودي القدر بكّر
وخلاك عنّي تغيب مافكر
غيابك كوالي خاطري زيادي
وطعم الحياة بغيبتك مرمر

علّمتني ع اطهر مبادي
وطيفك رفيقي بضل بتذكّر
صورة بخيالي بحلم الوسادة
عليها الجرح بالقلب ماسكّر

بحبّك لأنّك جو إسعادي
وفضلك عليي بضلّ بتشكّر
فيّي زرعت بيوت قرّادي
صارو قصايد للزجل جوهر

الرّحمة لروحك بطلب زيادي
واسمك حملت بسمعتك بفخر
الجنّة اذا بتكون ببلادي
بدونك جهنّم ارحم واطهر

صارلي حْدعشر عام عم نادي
مخنوق صوت الشّعر والمنبر
دشّرتني بي عيد ميلادي
وكل عام ببكي وبعدني مانسيت
بكبر وجرحي فيك عم يكبر

من طرف **عمار البراضعي** 7/14/2013, 1:42 pm

كلما دفنّا القمح بيفرّخ سبل
والحب جوا القلب بيوزع قبل
بس ان دفنا شاعر
بيبكي التراب...
بيشهق ياريت
بينرفض مابينقبل.
بيبكي مابدو يموت شاعر
والجواب .......
مش كل شاعر سبع
بالغاب انجبل
بس البيترك متل نهلة وغصب غاب
بتضل بنتو متل لبوة بالعرين
وإسمو بترفع
متل أرزة عالجبل
=====+++++=========
له الرحمة ولكم من بعده طول البقاء

من طرف **عمار البراضعي** 7/14/2013, 1:43 pm

الشاعر ياسر حجار

ما بتفدر تغيب...وما فيك تروح
خيالك بيبقى بيننا خيالك
تارك كتابك للأبد مفتوح
بصفحة قيامة عايشة ببالك
وزارع بنهلة يا نبيل الروح
والرّوح عم بتعيش كرمالك
وضو الشعر كلما عليها يلوح
بتكون عم تسأل قلب الله
كيفك يا بابا وكيف أحوالك
================
الله يرحموا

من طرف **عمار البراضعي** 7/14/2013, 1:44 pm

Elhazamr Sugar .
صارلك 11 عـــــام وضروري
الذكرى إلك تنقام مانســــــينا
نحمل إلك إكليلك الجــــــــوري
ونذكر خصايل حمدك بكــــــينا

كنت النسر بالشعــــر والدوري
شموخ المنابر عم بتعطيــــــــنا
وحنكةّ الكلمة وبهجةّ ســروري
بشعرك لمسنا كلما قرينـــــــا

بتضل فينا بمسك بخـــــــــوري
مهما غبت شعرك بقي فيــــنا
ومش بس حزنت عيلة الخوري
كل شاعر شعر من لبــــــــنان
بيبكي ع ذكرك كل ماجيــــــنا
================
الله يرحمو

من طرف **عمار البراضعي** 7/14/2013, 1:44 pm

Shaaer Moghtarib .
ياريت كنا منعرفك ياريت
قبل الوفاة ونقصد ديارك
ندبدب على بيتك نقلك بيت
ومن شعرك الإبداع يتبارك
لكن ياحسرة تركتنا وفليت
وخرسنت نغمةّ عود اوتارك
ومن بعد ماشعرك الصافي قريت
والشمس شفت بمطلع فكارك
عزيت حالي متل ماعزيت
حتى الوحي النازل على الشعار
توفى حزن عا غياب اشعارك
......................................
الله يرحمو

رثاء الشاعر نبيل خوري

رثاء الشاعر نبيل خوري

رد: رثاء الشاعر نبيل خوري

رد: رثاء الشاعر نبيل خوري

رد: رثاء الشاعر نبيل خوري

رد: رثاء الشاعر نبيل خوري