منتديات الزجل اللبناني الشاعر: عمار البراضعي

أهلا وسهلا بزائرنا الكريم
عليك بالتسجيل لكي ترى كافة المواضيع المخفية
=====================
الزائر رحبنـا برسمــــو = وع التسجيل دعينا يفوت
وغير اللي مسجّل إسمو = عنو منخفي يقـــرا بيوت
=====================


صراحة اسمر بسهرة ارتجالية مع البحر

اذهب الى الأسفل

صراحة اسمر بسهرة ارتجالية مع البحر

مُساهمة من طرف 7arf في 7/14/2013, 1:57 pm


صراحة
====
قالت إلي القلك ملك في عينتــيك
بيكـــون بغيابك عم يضحك عليـــك
قلتلها شو هالحكي؟ لي علم بيك
وبشوف حالي ع البحور وع الدويـك
ردّت بقلك قول رحـــــــمةّ والديـك
حلفتها مابجيب سيرة وغير هــيك
قالت ملك لقبو على الأسمر زغير
انت الملاك ومستحية جيت لــيك
==================
أعجبني · · إلغاء متابعة المنشور · المشاركة · ‏‏الجمعت‏، الساعة ‏08:44 مساءً‏‏ بالقرب من ‏‎Beirut‎‏

شوهد بواسطة 43
‏‎Nadia Nasrallah‎‏ و ‏الشاعر عمار البراضعي‏ و ‏ألشاعر سليمان طراد‏ و ‏‏3‏ آخرين‏ يعجبهم هذا.
Morhaf AL Baaj حلوووو حلووووو يسلملي الملاك الاسمر
‏الجمعت‏، الساعة ‏08:56 مساءً‏ · أعجبني
===========================
تدخل الشاعر سليمان طراد وكان الحوار الارتجالي

ألشاعر سليمان طراد
بتشوف حالك عا البحور...ومدعي
لا ضل عندك لا شعور ولا وعي
بتضل اسمر بين خصعان الزجل
وبتصير اصفر كلما تغني معغي
ههههههههههههههههه
‏الجمعت‏، الساعة ‏10:44 مساءً‏ · تم تعديل · إلغاء إعجابي · 3

Elhazamr Sugar تاع لقلبي هههههههههههههه
بعدك ولـــــد ممروض في كل الأمور
صبـّــــــــــــــور فوق ياخلد تاتحط دور
أسمر أنا من ليــــــــل عنتر بالحروب
ومتل الذهب أصفر زرت عمق البحور
===================
وياويلي عليك
‏الجمعت‏، الساعة ‏10:49 مساءً‏ · أعجبني · 3

ألشاعر سليمان طراد اصفر متل عود الهوى بيمرجحو
وكبّوت جهلك صار لازم تشلحو
وقلب اللي متلك صخر يا اسمر قناع
ما في ولا نسمة حب قدرت تجرحو
هههههههههه
‏الجمعت‏، الساعة ‏10:51 مساءً‏ · تم تعديل · أعجبني · 1

Elhazamr Sugar .
متلك بحور الكذب مهما اتـّلـــبسوا
ودرس الهزمر السكري كلما نسوا
لاتخاف من كبوت أسمر بالحــروب
كلما معك غنيت بدي إلبســــــــو
‏الجمعت‏، الساعة ‏10:53 مساءً‏ · أعجبني · 2

ألشاعر سليمان طراد يا لابس الكبوت قبل الأمتحان
شو حاوجك تغرق ببحري يا جبان
مجبور تلبس كل ما تغني معي
كبّوت حتى تقدر تمد اللسان
هههههههههه
‏الجمعت‏، الساعة ‏10:55 مساءً‏ · أعجبني · 1
ألشاعر سليمان طراد ههههههه
‏الجمعت‏، الساعة ‏10:55 مساءً‏ · أعجبني

Elhazamr Sugar هههههههههه
كبــــــوت بلـبس خوف منك انعدي
وبدل الشبل ماجيب متلك ياجدي
كلما تمعّـــــي بمنبر نسور الزجل
بتكتب نهايةّ عمر صايع يهتـــــدي
‏الجمعت‏، الساعة ‏11:00 مساءً‏ · أعجبني · 2

ألشاعر سليمان طراد لسانك طويل وصار لازم نقطعو
ونعلّم المتلك بفن بيدعوا
بحر الزجل لو جن يا اسمر هراب
عمرك بياخد قبل ما يهدى معو
‏الجمعت‏، الساعة ‏11:01 مساءً‏ · أعجبني

Elhazamr Sugar ههههههههههه
ضـحكـــــــــتني فكاري أنا شو همها
بكاسي الأعادي عصرت عندي دمها
إياك مع استــــاذك بغلطة الزجـــــل
بيصير بدل المدح بدو يذمهـــــــــــــا
‏الجمعت‏، الساعة ‏11:06 مساءً‏ · أعجبني · 2

ألشاعر سليمان طراد تهّذب وروح استغفر لربك وتوب
وقلو يا ربي صار في عندي ذنوب
لا ضربت عا اليهود بزماني حجر
ولا اخسرت نقطة دم عا ارض الجنوب
هههههههههههههههههههه
‏الجمعت‏، الساعة ‏11:16 مساءً‏ · تم تعديل · إلغاء إعجابي · 2

Elhazamr Sugar ههههههههههههه
نحنا مامنبيع القصايد والحكــــي
ولا مننشرا للغير إفهم يازكــــي
وين مانكون مسالمين بأرضنـــــا
التاريخ شاهد ماخسرنا معركي
‏الجمعت‏، الساعة ‏11:11 مساءً‏ · أعجبني · 2

ألشاعر سليمان طراد ما بتخسروا مظبوط شو ها المسخرة
قدّام عبلة ما بنعرف عنترا
بعمرو المعارك ما بيربح يا زكي
البيكون فتنة وزل عم يحفر ورا
‏الجمعت‏، الساعة ‏11:16 مساءً‏ · تم تعديل · أعجبني · 1

Elhazamr Sugar هههههههههههه
منحـــفر ورا وقدام هيـــــــــذي فلسفي
بسلمان سيدي وخندق العركي اكتفي
لما عطا رأيو قبل منـــــــــــــــــــو النبي
مافيك فتنة تعد رأي المعــــــــــــــــرفة
‏الجمعت‏، الساعة ‏11:20 مساءً‏ · أعجبني · 2

ألشاعر سليمان طراد مفتن انت يا اسمر وباعك طويل
وما بقول عنك بالصدق انك عميل
لكن جبان وبالمعارك ارنبة
وبدك وقت تا تقطع مجال الطويل
‏الجمعت‏، الساعة ‏11:21 مساءً‏ · أعجبني · 1
ألشاعر سليمان طراد هههههههههههه
‏الجمعت‏، الساعة ‏11:22 مساءً‏ · أعجبني

Elhazamr Sugar ههههههههههههههه
يابحر لازم صـــار راسك إفقشو
ماعـــــاد بدي حاورو ولا ناقشو
حاجي تعيّط ع البواب بهالغروب
ع بفرد كلوي خاف إنزل قطشو
‏الجمعت‏، الساعة ‏11:26 مساءً‏ · أعجبني · 2
Elhazamr Sugar هههههههههههه

انتهت بيناتنا مافي محبــــــــي
ومافي معرفه عرفت بتنـــــــبي
معك لولا اختلف انسان ثـــانـي
الجواب بينتظر منك مسبـــــــي
قريت تعليقك وبينت جــــــــاني
حاجي ياولد حالك مخـــــــــبي
انا ماجيت بخواطر كيــــــــاني
الشرك انصبلك واخصام ربــي
كل عمري خلقت فلتت زمانــي
المنحني الموهبة من فوق ربي
وانت العم تعاني بالمعـــــــاني
من بيار القذارة عــــــــم تعبـي
لاتجبرني معــك وسخ لسانـي
واحكي بمستوى شعرك وانزل
راســـــك ادعس ويندق كبـي
=================
ياويلي عليك مابتتعلم ههههههههه
متل السجادة كل فترة بدك نفظة
‏الجمعت‏، الساعة ‏11:30 مساءً‏ · أعجبني · 1

ألشاعر سليمان طراد انا شاعر قضيّة يعروبيي
وعلى فلسطين اخدتني الحميي
وما برضا الزل ببلادي لأنو
الوطن بيضل اغلى من بنيي

الوطن لا تهربوا بالحرب منو
لأنو الحرب نارا جهنميي
هدفها يخيب للأنسان ظنو
ويترك ها الوطن متل البقية

وانا اسمر صديقي لخاف منو
لسانو بيوصل على الأجمدية
وكلما بالزجل بيبان سنو
بحس الروح عن تهتف عليي

وانا بحبو حبيبي ومتل خيي
‏الجمعت‏، الساعة ‏11:42 مساءً‏ · أعجبني · 2

Elhazamr Sugar حلووووووو
======
حرقــــــــة بقلبنا لبنـان ضلـــو
وإلو نهداتنــــا واجب يصلـــوا
متل ماكان بالماضي تايرجـــع
بمحبة بيساع الشــعب كلــــــو

عيبة كل مدة نجيب مدفـــــــع
وبيت الجار حلل إستحلــــــــو
الغرب ليرات صفرة عم بيدفـع
تايترك بالشرق أسود سجـــلو

دخلك ليش قلي وشو بيمـــنع
إخوي نضلنا وهني يفلــــــــوا
الوطن بيضل ياسليمان مرجع
شلوح الأرز لطّانا بضلــــــــو

ومازال حكيت بمحبة منرجـع
غير القلب مش رح نستحـلو
انا رفيقي بغيابو القلب يفجع
مابخونو أنا بعمري وزمـاني
ومتل مايجلني مفروض جلـو
===============
ياويلي ع بفرد ميلي
ههههههههههههههههههه
أمس في الساعة ‏12:01 صباحاً‏ · أعجبني · 2
اكتب تعليقاً...


عرفت الحياة بتجربة وكُبـــــر الجراح ... فيها فشل فيها أمل فيــــها نجاح

وطقم السعــــادة اللي عقِل مابيخلـــعو ... لولا استفاد من الخطأ بعد الكفاح

============================
avatar
7arf
admin

عدد الرسائل : 1125
العمر : 51
تاريخ التسجيل : 01/11/2006

الرجوع الى أعلى الصفحة اذهب الى الأسفل

الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى