حارة احد الاصحاب

من طرف **عمار البراضعي** 6/27/2007, 2:00 am

زرتك عابيـتك حسب الأصول والعادات ... نقعد ندردش سوا من بعد السخــــوني

نسرح بسـاح الفِدا سبعين بالغابـــــــــات ... نزئر بوجه العِدا ونعطي الشعر موني

تفــآجئت لمّا وصلت عاحــــارتك بالذات ... وقديش تحكي كنت مش شايفي عيوني

تاقصدت ليها وجلت بين أصعب الجارات ... وسمعت اللّي جرى بنفوس مشحـوني

وحدة بموسيقى غلط بتلعلع الأصـــــوات ... ووحدة مشاكل غِوى وأخبار ملعوني

وفي طفل يبكي دلع مدشور بالساحـــــات ... وحرمِة بتدعي غلط تا طلّعوا جنوني

تشردق حنيني بعجل وتعربســــوا الردات ... وماعدت لومك اذا ماتشارك فنونـــي

حيث اللي شفتو بعد مش شايفو بحـــارات ... بتشبه شباح الجهل ورواح مسكونـي

******